Joɛl 1:20 - Maktub gə́ To gə Kəmee

²⁰ Daje gə́ wala kara no̰ wəl-wəl gə́ rɔi’g Mbata kəm-rəw-manje d’yi tə-tə ləm, Pər roo ndag-looje gə́ dɔdilaloo’g dula-dula ləm tɔ.

Joɛl 1:20 Iomraidhean Croise

1 Mbaije 17:7

Nɛ gə kuree waga ndá mán lé yi tə mbata ndi oso naŋg teŋ mee ɓee’g lé el.

1 Mbaije 18:5

Akab ula Abdias pana: Aw mee ɓeeje’g lai aw saŋg kəm-rəw-manje ləm, gə kəm-ma̰je ləm tɔ, banelə a kiŋga mu gə́ j’a ŋgəm ne kundaje gə kundaje-mulayḛ̀jeje lə sí keneŋ, bèe ɓa mba kar nékulje lə sí d’wəi ne el.

Maktub gə́ wɔji dɔ Jɔb 38:41

See na̰ ɓa gə́ njekwa dɔ nésɔje lə ga̰-ga̰ Loo gə́ ŋganeeje no̰ gə́ rɔ Ala’g lé ləm, Loo gə́ deḛ d’ila rima-rima lal nésɔ dee ləm tɔ wa.

Pakɔsje 104:21

Ŋgan toboḭje lé d’wa miḭ ɓiriri-ɓiriri goo nékwa’g lə dee Dəji ne Ala nésɔ dee.

Pakɔsje 145:15

Kəm dəwje lai lé mbo̰ sɔmɔmo̰ dɔi-i’g ya, Nésɔ dee kara i nja ar dee gə lée-lée.

Pakɔsje 147:9

Nékulje lé yeḛ ar dee nésɔ dee ləm, Loo gə́ ŋgan ga̰-ga̰je no̰ ndá Yeḛ ar dee nésɔ dee ya ləm tɔ.

Jeremi 14:4

Naŋg ta̰ ɓəgəgə-ɓəgəgə Mbata ndi oso teŋ mee ɓee’g neelé el. Njḛ́dɔje kara rɔ dee kul Ar dee d’ila kubu dɔ dee’g tɔ.

Jeremi 28:8

Njéteggintaje gə́ ree kédé ɓad ɓa ma gə i ɓəi lé un kudee mee ndəaje gə́ ləw lé deḛ tegginta rɔ ləm, gə ta nékəmndoo ləm, gə ta yoo-koso ləm tɔ d’ila dɔ ɓeeje gə́ siŋga dee to ləm, gə dɔ ɓeeko̰je gə́ boo-boo ləm tɔ,

Joɛl 1:18

Nékulje d’ula hè-hè ləm, Maŋg-kosoje d’ila mbir-mbir ləm tɔ Mbata mu sɔ dee godo. Badə-kosoje kara kəm dee to ndòo yaa̰ tɔ.