Joɛl 1:12 - Maktub gə́ To gə Kəmee

¹² Kag-nduú tudu ləm, Kag-kodé unda kuji ləma, Kag-dḭ gə kag-tumbur gə kag-pɔmə Kag-sɔje lai gə́ to mee ndɔje’g ndòlé ləm tɔ. Rɔlel godo mbuna dəwje’g!

Joɛl 1:12 Iomraidhean Croise

Pakɔsje 4:7

Njé gə́ na̰je bula pana: See na̰ ɓa a kar sí j’isi dan némajije’g wa. Ǝi Njesigənea̰, maji kar kəmi gə́ to lookàr lé ndogó dɔ sí’g!

Pakɔsje 92:12

Meem lelm yaa̰ mba koo ne njéba̰je ləm gə́ d’isi tuji ləm, Mbim kara m’ur njor m’oo ne ndu njékoma̰ səmje gə́ to njémeeyèrje lé ya ləm tɔ.

Pa gə́ ur dɔ paje 2:3

To gə́ kag-pɔmə gə́ uba mbuna kagje gə́ mee kɔr’g bèe lé Yeḛ gə́ m’undá dan kəm’g lé Aar mbuna basaje’g togə́bè ya tɔ. Ma m’ndiŋga rɔm mba si ndilee’g, Tɔɓəi ka̰dee lel tam’g jula-jula tɔ.

Pa gə́ ur dɔ paje 4:13

Kag-dḭje d’uba kəm rəbije’g Gə kandə deeje gə́ lel yaa̰ Unda mar deeje ləm, Gə rɔm puduje gə́ ə̰də sululu ləm tɔ.

Esai 16:10

Rɔlel gə kalrɔ godo mee ndɔje’g, Mee ndɔ-nduú’g lé pa gə kalrɔ godo keneŋ! Njembula kandə nduú lé mbula loo-mbula’g el ŋga, Ma m’ar ndu rɔlel godo.

Esai 24:11

Deḛ no̰ gə kii wəl-wəl kila-rəwje’g Mbata mán-nduú lal dee, Nérɔlelje lai godo ləm, Kalrɔ gə ŋgaŋ kogo godo mee ɓee’g ləm tɔ.

Esai 24:7

Kəm mán-nduú gə́ sigi to ndòo ləm, Kag-nduú ndòlé ləma, Deḛ lai gə́ meḛ dee lel dee kédé lé kara Tuma̰ ŋgururu-ŋgururu ləm tɔ.

Esai 9:3

Mbata néməməna̰ gə́ wɔi gwɔs dee’g ləm, Gə kag-tɔs gə́ d’unda ne bargir dee ləma, Gə ndəi gə́ d’ula ne kəm dee ndòo ləm tɔ lé I təd dee ne rém-rém to gə́ mee ndəa’g lə Madianje bèe.

Jeremi 48:3

Ndu kii ɓar Koronayim’g, To tuji-boo ləm, gə boo-nékəmndoo ləm tɔ.

Jeremi 48:33

Rɔlel gə kalrɔ sané pá Mee loo-ndɔ kagje’g ləm, Gə mee ɓee gə́ Moab ləm tɔ, Ma m’ar mán-nduú Yi mee dura-mbula’g tə-tə, Dəwje mbula nduú gə ndu pa rɔlel Loo-mbula’g el ŋga, Ndu kó-rɔ ɓa ɓar ɓó ndu rɔlel ɓar el.

Joɛl 1:10

Mee ndɔje wa ŋgɔ njag-njag ləm, Kəm dɔ naŋg to ndòo ləm tɔ, Mbata kó tuji ləm, Man-nduú gə́ kul yi tə-tə ləma, Ubu kara godo ləm tɔ.

Joɛl 1:16

Nésɔje ɓa tuji kəm sí’g nee ləm, Rɔlel gə kalrɔ sané pá mee kəi’g lə Ala lə sí ləm tɔ.

Junas 4:7

Nɛ bèlè lookàree teḛ gə ndɔ rad lé Ala ar kuru kára ree sɔ ŋgira roŋ neelé aree ndòlé.

Ajee 2:19

See néje gə́ ka̰ dubu nai mee damje’g ya ɓəi wa. Kag-nduúje əsé kag-kodéje əsé kag-dḭje əsé kag-koiyoje kara d’andə el. Nɛ un kudee mee ndəaje gə́ nee lé n’a tel tɔr ndu neḛ dɔ sí’g ya.

Malasi 3:11

Néje gə́ d’a gə tuji kó lə sí lé m’a ndaŋg dee mbata lə sí ndá d’a tuji dɔ kó lə sí gə́ a gə teḛ mbi lé el ləm, nduú gə́ mee ndɔje’g lə sí kara d’a lal kandə el ləm tɔ. Njesigənea̰ gə́ njeboo-néje lé ɓa pa bèe.

Bula lə Israɛlje 13:23

Deḛ teḛ wəl-loo gə́ Eskol ndá deḛ tuga barkəm nduú gə kulee kára d’ula kag keneŋ d’ar dəwje joo d’un ne, deḛ ti kandə kag-dḭje ləm, gə kandə kodéje ləm tɔ.