Joɛl 1:11 - Maktub gə́ To gə Kəmee

¹¹ Njḛ́dɔje lé ta igi dee sel ləm, Deḛ gə́ ndɔ nduú kara Tuma̰ ŋgururu-ŋgururu ləm tɔ Mbata kó-blé gə kó-ɔrj tuji ləm, Mbata koje lə dee gə́ kəm kinja kara tuji ləm tɔ.

Joɛl 1:11 Iomraidhean Croise

Esai 17:11

Loo gə́ seḭ ma̰a deeje lé ndá Seḭ ulaje ŋgalaŋ siŋ-siŋ keneŋ ləm, Teḛ gə ndɔ ndá Né gə́ seḭ manje lé pudu bən ləm tɔ. Nɛ ka̰dee godo mee ndəa gə́ kəm kiŋga rɔlel keneŋ lé ya Ndá to némeeko̰ gə́ kuma̰ gə́ wɔji dəa godo.

Jeremi 14:2

Judaje d’isi dan kwa-ndòo-yoo’g ləm, Ɓee-booje ləa d’unda ndolè ləm, D’isi dan meeko̰’g ləma, Deḛ tuji dee pugudu-pugudu ləm tɔ, Tɔɓəi ndu kii lə njé gə́ Jerusalem ɓar wəl.

Jeremi 50:16

Maji kar sí tujije yeḛ gə́ njedubu né pugudu Mee ɓee gə́ Babilɔn ləm, Gə yeḛ gə́ njera gama kinja kó Gə marm naḭ kinja kó’g ləm tɔ! Maji kar nana kara Tel gə́ rɔ koso-dəwje’g ləa ləm, Maji kar nana kara Aḭ gə́ mee ɓee’g ləa ləm tɔ No̰ kiambas’g lə njetujiloo lé.

Jeremi 9:12

Njesigənea̰ pana: To mbata deḛ d’uba godndum gə́ m’unda no̰ dee’g lé d’ya̰ ləm, mbata deḛ d’un mbi dee rəw dɔ ta’g ləm ra née el ləm tɔ,

Ejekel 30:2

I ŋgon-dəw lé, tegginta pana: Mbaidɔmbaije gə́ Njesigənea̰ pa togə́bè pana: No̰je, siije ne mbigi-mbigi! ndɔ némeeko̰’g!

Amɔs 5:16

Gelee gə́ nee ɓa, Njesigənea̰ Ala gə́ njeboo-néje, Mbaidɔmbaije ɓa pa togə́bè pana: D’a no̰ yoo gə mee looje lai gèr-gèr Sii ne mbigi-mbigi ya, Gə kila-rəwje lai lé kara d’a pa pana: Kwii-kwii, ɗi ɓa to togə́bè wa. D’a ɓar njendɔ gə mba karee ree loo-yoo’g ləm, D’a ɓar deḛ gə́ gər pa no̰ yoo Kar dee ree no̰ ne yoo ləm tɔ.

Njé gə́ Rɔmə 5:5

Meekundayel lé a kɔd sí rɔm el mbata mbɔl dɔ Ndilmeenda gə́ Ala ar sí lé meenoji lə Ala rusu meḛ sí njḭ-njḭ.