Joɛl 1:10 - Maktub gə́ To gə Kəmee

¹⁰ Mee ndɔje wa ŋgɔ njag-njag ləm, Kəm dɔ naŋg to ndòo ləm tɔ, Mbata kó tuji ləm, Man-nduú gə́ kul yi tə-tə ləma, Ubu kara godo ləm tɔ.

Joɛl 1:10 Iomraidhean Croise

Gḭ-Néje 4:12

Loo gə́ i ndɔ-ndɔ ndá dɔ naŋg a kari né ti el. I a to njekaḭta ləm, gə njekilatar mbir-mbir dɔ naŋg’d nee ləm tɔ.

Esai 15:6

Mbata manje gə́ Nimrim lé D’yi tə-tə ləm, Mu tudu kurum-kurum Ar mu gə́ təb gə́ idi lururu kara tuji pugudu ləm tɔ. Né gə́ to təb kára kara godo.

Esai 24:11

Deḛ no̰ gə kii wəl-wəl kila-rəwje’g Mbata mán-nduú lal dee, Nérɔlelje lai godo ləm, Kalrɔ gə ŋgaŋ kogo godo mee ɓee’g ləm tɔ.

Esai 24:7

Kəm mán-nduú gə́ sigi to ndòo ləm, Kag-nduú ndòlé ləma, Deḛ lai gə́ meḛ dee lel dee kédé lé kara Tuma̰ ŋgururu-ŋgururu ləm tɔ.

Jeremi 12:11

Deḛ d’aree tel to dɔdilaloo, Yee tel to loo ndòo ləm, Kəmee to ndòo nɔm’g ləm tɔ. Ɓee lai tuji pugudu, Mbata dəw kára kara gə́ njekḛji dɔ’g godo.

Jeremi 12:4

See saar ndɔ gə́ ra ɓa ɓee a si dan nékəmndoo’g ləm, muje gə́ mee ndɔje’g lai d’a tudu ləm tɔ wa. Gə mbata némeeyèrje lə njé gə́ d’isi keneŋ lé ɓa daje gə yelje tuji ne. Mbata njéɓeeje lé pana: Ala askəm koo né gə́ a gə teḛ dɔ neḛje’g el.

Jeremi 48:33

Rɔlel gə kalrɔ sané pá Mee loo-ndɔ kagje’g ləm, Gə mee ɓee gə́ Moab ləm tɔ, Ma m’ar mán-nduú Yi mee dura-mbula’g tə-tə, Dəwje mbula nduú gə ndu pa rɔlel Loo-mbula’g el ŋga, Ndu kó-rɔ ɓa ɓar ɓó ndu rɔlel ɓar el.

Ojee 4:3

Gelee gə́ nee ɓa ɓee a si ne dan kəmndooyoo’g. Dəwje lai gə́ d’isi keneŋ lé Rɔ dee a kwəi ne sululu-sululu na̰’d gə daje gə́ wala Gə yelje gə́ d’aw pə̰ dara’g tɔ. Ka̰jije lai gə́ dan baa-boo-kad’g kara d’a sané pa.

Ojee 9:2

Nésɔ gə́ ḭ loo-kunda-kó’g ləm, Gə nékai gə́ ḭ loo-mbula-Kandə-nduú’g ləm tɔ lé A to ka̰ dee el ləm, Man-nduú gə́ sigi a na dee tas ləm tɔ.

Joɛl 1:12

Kag-nduú tudu ləm, Kag-kodé unda kuji ləma, Kag-dḭ gə kag-tumbur gə kag-pɔmə Kag-sɔje lai gə́ to mee ndɔje’g ndòlé ləm tɔ. Rɔlel godo mbuna dəwje’g!

Joɛl 1:5

Seḭ njéra ɓər lə kidoje lé Teḛje kəm sí no̰je gə mán-no̰ kəm sí’g! Seḭ bao-kaikidoje gə́ mḭ lé No̰je pénéné-pénéné Mbata mán-nduú gə́ kul lé lal ta sí mba̰!

Joɛl 2:19

Njesigənea̰ ila koso-dəwje’g ləa pana: M’a kula gə kó gə mán-nduú gə́ kul gə ubu Gə mba karee as sí nag ya. Tɔɓəi m’a kya̰ loo kar ginkoji dəwje gə raŋg D’ila rɔkul dɔ sí’g bèe el ŋga.

Ləbije 26:20

Seḭ a saneje siŋga sí kari ba ləm, dɔ naŋg lə sí a kinja gə né el ləma, kagje gə́ dɔ naŋg ɓee’g lə sí kara d’a kandə el ləm tɔ.

Habakuk 3:17

Mbata kag-kodé a pudu el ləm, Kag-nduú kara ka̰dee a godo ləm, Kandə kag-koiyo a godo ləma, D’a kiŋga nésɔje gə́ mee ndɔje’g el ləm tɔ. Badje d’a godo loo-kaar dee’g ləm, Maŋgje kara a koo dee loo-sɔ-né’g lə dee el ləm tɔ.

Ajee 1:11

Neḛ n’ila loo-tudu dɔ ɓee’g gə dɔ mbalje’g ləm, gə dɔ kó’g gə mán-nduú’g, gə ubu’g ləm, gə dɔ né gə́ naŋg a kaskəm kar sí’g ləm, gə dɔ dəwje’g gə dɔ daje’g ləma, gə dɔ kulaje lai gə́ ji dəwje ra ləm tɔ.

Malasi 2:3

Aa ooje, m’a tuji ŋgaka síje ləm, m’a ɓugu siḭ kəm sí’g ləm tɔ, to siḭ nékulje gə́ seḭ inja deeje gə́ məs lé ya ndá d’a kodo sí-seḭ sə deeje na̰’d kɔm sí kɔrɔ.