Jeremi 9:7 - Maktub gə́ To gə Kəmee

⁷ Ndo̰ dee to gə́ kandə ɓandaŋg Gə́ ka̰ tɔl dəw ləm, Taŋgɔm ɓa gə́ tapa dee goo kára ba ləm tɔ. Ndo̰ dee pata meekulɔm ar mar deeje, Nɛ meḛ dee gə́ kəi ndá To gum ɓa d’iya no̰ dee’g.

Jeremi 9:7 Iomraidhean Croise

2 Samel 13:26

Absalɔm pana: Lé bèe kara m’ra ndòo rɔi’g mba kari ya̰ loo ar ŋgokɔm, Amno̰ ree sə sí ya. Mbai lé tel ilá keneŋ pana: See gelee ban ɓa yeḛ a kaw kəi ləi wa.

2 Sôrta Gḭka Israɛlje 36:15

Njesigənea̰, Ala lə bɔ deeje-je lé ɔm ta ta njékaḭkulaje’g ləa ula dee ne gɔl bula ndəji dee ne mbata yeḛ ndigi kaji dəwje ləa ləm, gə kaa dɔ kəi ləa ləm tɔ.

Pakɔsje 120:4

Ndo̰ ɓandaŋg lə njérɔje gə́ adə njel-njel ləm, Gə mḭ ŋgɔ-sam gə́ taa pər gəgəgə ləm tɔ Ɓa a to nékogai ya.

Pakɔsje 55:22

Tapea kul yururu ur dɔ ubu mbà maŋg’g. Nɛ mée gə́ kəi lé ta rɔ ɓa nai keneŋ bura ya ɓəi, Tapeaje lé kul yururu ur dɔ ubu’g ya ɓəi, Nɛ deḛ to kiambasje gə́ lal kula sɔl dee’g.

Pakɔsje 62:5

D’ɔm meḛ dee na̰’d téréré Gə mba kɔs dəw neelé gə́ loo-siée to tar sab karee oso tuji ne, D’al rɔ dee dɔ taŋgɔm’g, Dɔ ta dee ɓa ndutɔr ḭ keneŋ Nɛ meḛ dee gə́ kəi lé ta ndɔl ɓa teḛ keneŋ tɔ.

Esai 1:25

N’a tel gə ji neḛ par gə́ rɔ sí-seḭ gə́ Jerusalem ləm, N’a kar siḭ-lar lə sí léḛ Kɔr ne yiro gə́ keneŋ ləma, Ŋgwɔi rɔm gə́ nai lé N’a kɔr ndad-ndad ləm tɔ.

Esai 48:10

Ma m’ula sí ndubu ya Nɛ gə mba kɔr ne larnda el, Ma m’naa sí dan dura-bṵda’d Gə́ ka̰ nékəmndoo ɓa.

Esai 59:3

Mbata məs wa ji sí mbəgə-mbəgə ləm, Ŋgan ji sí ra néje gə́ majel ləm tɔ, Taŋgɔm rusu ta sí tub-tub ləm, Ndo̰ sí teḛ gə ta néra gə́ kori-kori ləm tɔ.

Jeremi 31:20

Njesigənea̰ ɓa pa bèe pana: See Eprayimje to ŋganəmje Gə́ m’a m’ndigi dee ləm, To ŋganəmje gə́ m’unda dee dan kəm’g ləm tɔ ya wa. Mbata loo gə́ ma m’pata yaa̰ M’wɔji ne dɔ dee lé Meem olé dɔ dee’g unda njé gə́ kédé ya tɔ. Yee ɓa məəm aw ne taḭ-taḭ mbata lə dee gə mbəa, Tɔgərɔ m’a koo kəmtondoo lə dee ya.

Jeremi 5:1

Awje gə́ mba̰-rəwje ɓəd-ɓəd Mee ɓee gə́ Jerusalem, Aaje loo ooje ləm, dəjije na̰ ləma, Saŋje ndaa-looje ləa ləm tɔ, Ɓó lé seḭ iŋgaje dəw kára keneŋ Gə́ to njera nédana Gə́ ɔm na̰’d gə kankəmta, Ɓó lé dəw gə́ bèe si keneŋ ndá M’a kar məəm oso lemsé dɔ njé gə́ Jerusalem’g ya.

Jeremi 6:27

Ma m’undai-i Jeremi Gə́ njenaa meḛ koso-dəwje ləm ləm, Gə mba kari gər rəw-kaw dee ləm, Gə tən panjaa dee ləm tɔ.

Ojee 4:1

Seḭ Israɛlje lé maji kar sí ooje ta lə Njesigənea̰! Mbata Njesigənea̰ aw gə ta mba kila dɔ dəw-mee-ɓeeje’g neelé Mbata kankəmta godo mee ɓee’g neelé ləm, Meekɔrjol godo keneŋ ləma, Gər Ala kara godo keneŋ ləm tɔ.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Malasi 3:3

Yeḛ a si naŋg ndá a léḛ larnda gə mba kar siḭyee teḛ. Yeḛ a togo ŋgaka Ləbije kɔr ne néje gə́ mina̰ gə́ meḛ dee’g ndɔs-ndɔs to gə́ deḛ togo ne larlɔr gə larnda bèe tɔ. Bèe ɓa d’a kun nékarje kar Njesigənea̰ gə goo rəbee ɓəi.

1 Piɛrə 1:7

mba kar né gə́ naa sí waga lé unda ne rɔ meekun lə sí ar dee d’oo. Meekun lə sí gə́ gadee ur dɔ ka̰ larlɔr gə́ naa dan pər’d nɛ a kunda naŋg ɓəi lé ndɔ gə́ Jeju Kristi a kunda loo teḛ ndá a tel to népidi sí ləm, gə né kula rɔnduba dɔ sí’g ləma, gə né kila riɓar dɔ sí’g ləm tɔ.

1 Piɛrə 4:12

Seḭ gə́ m’unda sí dan kəm’g lé némeeko̰ gə́ to asəna gə pər gə́ o̰ bilim-bilim gə́ a gə naa sí lé maji kar sí éeje asəna gə nékɔb gə́ a teḛ dɔ sí’g wai el.