Jeremi 9:4 - Maktub gə́ To gə Kəmee

⁴ Nana kara su kəm maree-maree ləm, Deḛ pa kankəmta kára kara el ləm, Taŋgɔm ɓa gə́ kula ra ndo̰ dee ləma, Deḛ d’ula rɔ dee mbiriri dan néra gə́ majel’g ndá D’askəm tel ree rɔm’g gogo el.

Jeremi 9:4 Iomraidhean Croise

Gḭ-Néje 32:28

Yeḛ dəjee pana: See rii lə nawa. Jakob ilá keneŋ pana: Rim lə Jakob.

Pakɔsje 101:5

Yeḛ gə́ təd ta unda ta maree’g gə goo ŋgəḭ lé M’a karee udu bo̰ ya, Yeḛ gə́ aa loo gə beelé əsé ti-rɔ kara M’a kila məəm po̰ dəa’g el.

Pakɔsje 15:3

Yeḛ gaŋgta unda ta maree’g el ləm, Ra majel gə maree el ləma, Ila rɔkul dɔ njeboatakəi’g ləa el ləm tɔ.

Gosota-Kəmkàrje 10:18

Yeḛ gə́ iya dɔ kḛji loo bəḭ-bəḭ mée’g lé Tea pa taŋgɔm, Tɔɓəi yeḛ gə́ təd ta unda ta maree’g lé To mbə-dəw.

Gosota-Kəmkàrje 25:18

Dəw gə́ gaŋgta badə-badə ɔm ta njeboatakəi’g ləa lé To asəna gə gòl ləm, gə kiambas ləma, gə kandə ɓandaŋg gə́ adə njal-njal ləm tɔ.

Gosota-Kəmkàrje 4:16

Mbata deḛ toɓi el ya saar njen Ra né gə́ majel ya ɓa, Ɓi oso kəm dee’g el ya saar njen D’ar dəw kára oso ya ɓa tɔ,

Gosota-Kəmkàrje 4:17

Mbata muru gə́ ka̰ meeyèr ɓa d’o̰ ləm, Man-nduú gə́ ka̰ néra gə́ kərm-kərm ɓa deḛ d’ai ləm tɔ.

Gosota-Kəmkàrje 6:16

Néje misa̰ gə́ Njesigənea̰ Ǝ̰ji dee bəḭ-bəḭ to keneŋ, Néje gə́ siri to né gə́ mina̰ kəmee’g togə́bè: Kəm njébeeleje’d gə́ d’aa ne loo ləm, Ndo̰ dəw gə́ njepa ta gə́ ŋgɔm ləm, Ji dəw gə́ ila məs njegelgodo naŋg ləm, Dɔ ɓəŋgərə dəw gə́ la̰ji tor Kwɔji néra gə́ kori-kori ləm, Gɔl dəw gə́ wɔilɔ pélé-pélé Gə́ dɔ néra gə́ majel’g ləm, Njegaŋgta gə́ pa taŋgɔm gə́ kédé-kédé ləma, Gə yeḛ gə́ to njekɔs gel takɔl Mbuna ŋgako̰ na̰je’g ləm tɔ.

Esai 59:13

Ta wa dɔ sí ar sí n’toje njékaltaje no̰ Njesigənea̰’g ləm, Jeḛ j’ubaje Ala lə sí j’ya̰ ləm tɔ, Ta néra gə́ kərm-kərm gə ta kɔs ta rəw ɓa gə́ tapa sí ləm, Jeḛ n’taaje kèm taŋgɔmje n’la̰jije toree meḛ sí’g ləm tɔ,

Esai 9:16

Gelee gə́ nee ɓa Mbaidɔmbaije a koo loo kal ne rəa rɔ basaje’g lə dee el ləm, Yeḛ a koo ne kəmtondoo lə ŋganalje gə njékəisiŋgaje lə dee el ləm tɔ, Mbata deḛ lai to njéhulaije ləm, Gə njémeeyèrje ləm tɔ, Ta dəwje lai pata nérɔkulje. Nɛ lé bèe kara oŋg ləa wəi ne bèm el ləm, Jia wɔi dɔ dee’g ndiŋ-ndiŋ ɓəi ləm tɔ.

Jeremi 12:6

Mbata ŋgakɔḭje gə njémeekəije lə bɔbije ya kara d’un dɔi ləm, deḛ ra né gooi’g wəl-wəl ləm tɔ, lé d’a gə kulai ta gə ndu gwɔs noji ya kara maji kari ndigi sə dee el.

Jeremi 6:28

Deḛ lai to gə́ njékɔsta-rəwje Gə njétədta kunda ta mar deeje’gje Gə́ kədərə asəna gə larkas gə larndul bèe, Deḛ lai tel to né gə́ ndum.

Jeremi 9:8

Njesigənea̰ pana: See m’a kar bo̰ néra dee ɔs ta dee’g Gə mbata néje neelé el wa. See ginkoji dəwje gə́ togə́bè lé M’a dal ba̰ dɔ dee’g el wa.

Ejekel 22:9

Mee ɓee-boo’g ləi lé njékṵda nanije kar dee d’ila ne məs d’isi keneŋ ləm, njé’g ləi d’usɔ né dɔ mbalje’g ləm tɔ, deḛ ra kaiya mee ɓee’g.

Ləbije 19:16

Seḭ a kundaje nani mbuna koso-dəwje’g lə sí el. Seḭ a kilaje ta dɔ mar síje’g kar məs dee ɔm ne naŋg el tɔ. Ma m’to Njesigənea̰.

Malasi 2:10

Jeḛ lai lé see bɔ síje to gə́ kára ba kiao el wa. See Ala ya kára ba kiao ɓa to gə́ njekunda sí el wa. Ŋga see gelee ban ɓa jeḛ j’ərje kəm na̰ j’ulaje ne sul dɔ manrɔ’g lə bɔ síje-je lé ɓəi wa.

Matiyo 10:17

Yen, meḛ sí dɔ rɔ sí’g mbata dəwje lé d’a kwa sí kɔm sí ji njégaŋ-rəwtaje’g ləm, d’a kunda sí mee kəi-kwa-dɔ-na̰je’g lə dee ləm tɔ.

Matiyo 10:21

Noji na̰je gə́ diŋgam d’a tuji na̰ gə yoo ləm, bɔ ŋgon deḛ gə ŋgonee d’a ra bèe ləma, ŋganje kara d’a kḭ dɔ njékoji deeje’g gə mba tɔl dee ləm tɔ.

Lugu 21:16

Njékoji síje ləm, gə ŋgako̰ síje ləm, gə njénojije lə sí ləma, gə baokuraje lə sí ləm tɔ lé d’a kun dɔ sí, tɔl ne njé gə́ na̰je bula mbuna sí’g.

1 Njé gə́ Tesalonikə 4:6

Maji kar dəw kára kara unda kəm maree jibi taa ne né ləa el ləm, ar kəmee əḭ dɔ né’g lə maree gə́ rara kara el ləm tɔ, mbata Mbaidɔmbaije ɓa gə́ njedalba̰ néje neelé lai to gə́ jeḛ j’ula sí taree ndəji sí ne kédé ya.