Jeremi 9:3 - Maktub gə́ To gə Kəmee

³ Maji kar nana kara unda kəmkàr dɔ rəa’g Rɔ baokura’g ləa ləm, Maji kar dəw ɔm mée Dɔ ŋgokea̰’g kára kara el ləm tɔ, Mbata ŋgako̰ na̰je lai saŋg loo su kəm na̰ ləm, Baokuraje lə na̰ lai To gə́ njétəd ta kunda ta na̰’dje ləm tɔ.

Jeremi 9:3 Iomraidhean Croise

Gḭ-Néje 39:16

Yeḛ ŋgəm kubu lə Jisəb mbɔree’g saar ɓé-Jisepje tel ree kəi.

Gosota-Kəmkàrje 12:5

Takə̰ji lə njémeekarabasurje lé To né gə́ to gə dɔ najee ya goo kára ba, Né gə́ njémeeyèrje d’wɔji-kwɔji ra lé To né gə́ su kəm loo ya goo kára ba tɔ.

Esai 1:3

Bɔ maŋg gər njekulee ləm, Mulayḛ̀ gər bəgərə-sɔ-né ləa Gə́ to rɔ ɓéeje’g ləm tɔ. Nɛ Israɛlje ndigi gər né kára kara el, Kəm koso-dəwje ləm inja dɔ gosonégər’g el.

Esai 3:5

Dəwje d’a kula kəm na̰ ndòo mbuna na̰’d Yeḛ gə́ kára a kula kəm maree ndòo, Nana kara a kula kəm maree ndòo ya, Basa a kɔs dɔ ɓuga gə tar ləm, Dəw gə́ kari ba a koma̰ gə njeriɓar ləm tɔ.

Esai 6:5

Yen ŋga m’ula m’pana: Meeko̰ oso dɔm’g! Ma m’tuji mba̰ mbata m’to dəw gə́ tapam majel ləm, m’isi mbuna dəwje gə́ tapa dee majel’g ləm tɔ. Nɛ kəm oo Mbai gə́ to Njesigənea̰ gə́ njeboo-néje ya.

Esai 9:18

Gə goo oŋg lə Njesigənea̰ gə́ njeboo-néje lé ɓa Pər taa ne ɓee pəl-pəl Ar koso-dəwje tel to d’as ne na̰ Gə kir gə́ pər o̰ bèe, Dəw kára kara oo kəmtondoo lə ŋgokea̰ yá̰ ne el.

Jeremi 12:6

Mbata ŋgakɔḭje gə njémeekəije lə bɔbije ya kara d’un dɔi ləm, deḛ ra né gooi’g wəl-wəl ləm tɔ, lé d’a gə kulai ta gə ndu gwɔs noji ya kara maji kari ndigi sə dee el.

Jeremi 22:16

Yeḛ gaŋg rəwta lə njenékəmndoo Gə yeḛ gə́ né lalee gə goo rəbee, Ndá yeḛ si ne dan rɔlel’g. Njesigənea̰ pana: See néra gə́ togə́bè ɓa gə́ gər neḛ el wa.

Jeremi 31:34

Dəw kára kara a ndoo maree əsé ŋgokea̰ pana: Maji kar sí gərje Njesigənea̰ a pa bèe el! Mbata dəwje lai d’a gərm təsərə un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. Njesigənea̰ pa bèe. Mbata məəm a koso lemsé dɔ néra kori-kori’g lə dee ləm, m’a kar məəm olé dɔ kaiya ra dee’g el ŋga ləm tɔ.

Jeremi 4:22

Tɔgərɔ ya, koso-dəwje ləm tɔ mbəje, Deḛ gərm el, Deḛ to ŋganje gə́ dɔ dee godo Ar gosonégər lal dee, Kəm dee àr dɔ néra gə́ majel’g ɓa Néra gə́ maji ndá deḛ gər loo rəa el.

Jeremi 5:4

Ma m’pana: Deḛ to dəwje gə́ kari ba, Deḛ ra né dɔ mbə’g, Mbata deḛ gər rəw lə Njesigənea̰ el ləm, Gə torndu Ala lə dee el ləm tɔ.

Jeremi 5:5

M’a kaw rɔ dəwje gə́ boo-boo’g Ndá m’a kula dee ta, Mbata deḛ lé gər rəw lə Njesigənea̰ ləm, Gə torndu Ala lə dee ləm tɔ. Nɛ deḛ lai kara təd néməməna̰ gwɔs dee’g ləm, Deḛ gaŋg kúla rɔ dee’g ləm tɔ.

Jeremi 6:28

Deḛ lai to gə́ njékɔsta-rəwje Gə njétədta kunda ta mar deeje’gje Gə́ kədərə asəna gə larkas gə larndul bèe, Deḛ lai tel to né gə́ ndum.

Jeremi 7:26

Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el. Deḛ to njékuba gwɔbkelkwɔije ləm, deḛ ra néje gə́ majel d’aree al dɔ ka̰ bɔ deeje-je ləm tɔ.

Jeremi 9:5

Njesigənea̰ pana: Loo-sii to dan néŋgɔmje’g ləm, Gə goo néŋgɔmje ɓa Deḛ mbad gərm ne ləm tɔ.

Jeremi 9:8

Njesigənea̰ pana: See m’a kar bo̰ néra dee ɔs ta dee’g Gə mbata néje neelé el wa. See ginkoji dəwje gə́ togə́bè lé M’a dal ba̰ dɔ dee’g el wa.

Ejekel 8:13

Yeḛ ulam pana: M’a koo boo-néje gə́ raŋg gə́ mina̰ jɔmri-jɔmri gə́ deḛ d’aw ra ya ɓəi.

Loo gə́ killa rea kəm Daniel’g 11:27

Mbaije gə́ joo lé d’a la̰ji tor rəw né gə́ majel meḛ dee’g mba ra gə na̰, tɔɓəi ta ka-nésɔ’d gə́ kára ba ya d’a pa taŋgɔm keneŋ kar na̰. Nɛ né neelé a teḛkɔr el mbata rudee a kun el saar ndəa gə́ d’wɔji ɓa.

Ləbije 19:11

Seḭ a ɓogoje el ləm, seḭ a raje né gə́ ŋgɔm əsé a kundaje goso mbuna na̰’d el ləm tɔ.

Mark 8:38

Mbata nana ɓa gə́ ra kəmkul dɔm’g gə dɔ ta’g ləm mbuna ginka dəwje gə́ nee gə́ to njémɔdkaiyaje ləm, gə njékaiyaje ləm tɔ lé ndá Ŋgon-dəw a ra rɔkul dəa’g loo gə́ yeḛ a ree dan rɔnduba’g lə bɔbeeje lé gə kuraje ləa gə́ dara gə́ to njémeendaje lé na̰’d.

Tagə́maji gə́ Ja̰ ndang 17:3

Gər ndaai-i Ala gə́ gəd kára ba kiao ləm, gə gər ndaa Jeju Kristi gə́ i ulá lé yee ɓa gə́ kəmə gə́ gə no̰ lé ya.

Néra Njékaḭkulaje 24:9

Jibje kara d’ɔm ta lə dee keneŋ bura pana: Yeḛ ra togə́bè ya.

Njé gə́ Rɔmə 1:16

Mbata m’ra kəmkul dɔ Tagə́maji’g lé el: yee to siŋgamoŋ lə Ala gə mba kaji nana ɓa gə́ ɔm mée dɔ’g lé Jibje kédé ɓa Grekje keneŋ ɓəi.

Njé gə́ Rɔmə 1:28

To gə́ deḛ d’un ne kəm dee rəw dɔ gər Ala’g lé ndá yeḛ nja sula dee ne sɔgɔ dan néraje’g lə dee gə́ kərm-kərm’g gə mba kar dee ra néra gə́ ram lé ya.

Njé gə́ Rɔmə 3:13

Rəw gwɔs dee to gə́ bwa-dɔɓar gə́ to tag ləm, D’ula ndo̰ dee gə kər dəwje ləma, Gel ndo̰ dee to asəna gə mas pir ləm tɔ.

1 Njé gə́ Kɔrḭtə 15:34

Gə́ telje sije kəmba dɔ néra gə́ gə dɔ najee ɓó əwje kaiya lə sí, yee ɓa gə́ né gə́ kəm ra, mbata njé gə́ na̰je gər ndaa Ala el, yee ɓa m’pa m’ila ne rɔkul dɔ sí’g ya.

Njé gə́ Pilibə 1:28

ɓó gə mba kar njéba̰je lə sí d’ɔm ɓəl dɔ sí’g el. Néra dee lé ɔr gin dee woḭ to gə́ deḛ to gə́ dəwje gə́ tuji nɛ ka̰ sí-seḭ to gə́ kaji mbata lə sí ya.

2 Timote 3:13

Nɛ dəwje gə́ njémeeyèrje ləm, gə njékəstaje ləm tɔ lé néra dee gə́ majel a kal dɔ loo gə́ kédé-kédé. D’a sula ne mar deeje kar dee ndəm ne ləm, darɔ dee-deḛ nja kara d’a kigi ne pá ləm tɔ.

Jude 1:3

Seḭ gə́ m’unda sí dan kəm’g lé məəm ɔsm ɓɔḭ-ɓɔḭ gə mba karm m’ndaŋg maktub m’ar sí m’wɔji ne dɔ kaji lə sí gə́ jeḛ j’ɔm na̰ keneŋ sad lé. Bèe ɓa m’isi dɔ gɔlm’g kəgəgə gə mba ndəji sí kar sí badara ne rɔ sí dɔ ta meekun gə́ d’ula ji deḛ gə́ to gə kəmee gɔl kára ba kiao gə́ ŋgaŋgee lé tɔ.

Loo gə́ killa rea kəm Ja̰’g 12:11

Məs Ŋgonbad lé ɓa deḛ dumee ne ləm, ginta gə́ deḛ d’ɔr njai ɓa deḛ dumee ne ləm tɔ ndá deḛ d’ya̰ rɔ dee yag d’ar yoo ɓó deḛ ɓəl el.

Njéga̰g-Rəwtaje 14:17

Yeḛ no̰ dəa’g as ndɔ siri loo gə́ deḛ d’isi loo-ra-naḭ’g lé, ndá ndɔ gə́ njekɔm’g siri lé yeḛ ɔr gelee aree mbata yeḛ jɔgee yaa̰. Ndá dené lé aw riba dɔ gosota né gə́ to loo-kiya’g lé ar dəwje ləa.

Njéga̰g-Rəwtaje 2:10

Tɔɓəi Israɛlje gə́ to ginkojije gə́ d’isi dɔ naŋg nee mee ndəa gən lé d’wəi lai ndá njékorè goo deeje gə́ gər Njesigənea̰ el ləm, gə gər né gə́ yeḛ ra mbata lə Israɛlje el ləm lé tɔ ɓa d’ḭ taa tor dee.

1 Samel 2:12

Ŋgalə Eli lé to njéra néje gə́ kori-kori ləm, deḛ gər Njesigənea̰ el ləm tɔ.