Jeremi 9:25 - Maktub gə́ To gə Kəmee

²⁵ Deḛ gə́ to Ejiptəje, gə Judaje, gə Edɔmje, gə ŋgaka Amo̰, gə Moabje, deḛ lai gə́ ndisa kil mbaita dee ləm, deḛ lai gə́ d’isi dɔdilaloo’g ləm tɔ. Mbata ginkoji dəwje gə raŋg lai lal kinja tamɔd dee ləm, gel-bɔje lə Israɛl lai d’inja tamɔd dee nɛ d’ya̰ meḛ dee gə́ kəi ləm tɔ.

Jeremi 9:25 Iomraidhean Croise

Jeremi 25:23

M’ar Dedanje ləm, gə Temaje ləm, gə Busje ləma, gə deḛ lai gə́ to njéndisa kil mbaita deeje ləm tɔ lé d’ai.

Jeremi 4:4

Seḭ Judaje gə seḭ gə́ síje Jerusalem lé Ar deeje d’inja tamɔd sí D’unda sí ne gə kəmee d’ar Njesigənea̰, To kinja tamɔd gə́ wɔji dɔ dɔɓəŋgərə sí, Nà oŋg ləm a kḭ nduba to gə́ pər bèe ləm, A mbudu ko̰ ndá dəw kára kara Gə́ a kaskəm tɔlee lé godo gə mbata néra meeyèr lə sí.

Jeremi 49:32

Jamalje lə dee d’a to nékwa ləm, Koso-nékulje lə dee gə́ bula digi-digi lé D’a to gə́ né banrɔ ləm tɔ, Njḛ́disa kil mbaita deeje lé M’a sané dee gə looje lai Ndá m’a kar tuji ḭ gə looje lai Ree dɔ dee’g. Njesigənea̰ ɓa pa bèe.

Ejekel 28:10

I a kwəi yoo-kwəi lə njépole-magəje ji dəw-dɔ-ɓeeje’g mbata neḛ ɓa m’pata, Mbaidɔmbaije gə́ Njesigənea̰ ɓa pa bèe.

Ejekel 31:18

See na̰ ɓa rɔnduba ləa gə boo ləa as səi mbuna kagje gə́ Edḛ wa. D’a kɔsi kalaŋ kilai kari aw gin naŋg’d bər gə kagje gə́ Edḛ na̰’d ləm, i a to dan njépole-magəje’g gə deḛ gə́ d’wəi yoo-kiambas ləm tɔ. Yee ɓa gə́ né gə́ a teḛ dɔ Parao̰’g gə dɔ njé’g ləa gə́ bula digi-digi lé! Mbaidɔmbaije gə́ Njesigənea̰ ɓa pa bèe.

Ejekel 44:7

Seḭ arje dəw-dɔ-ɓeeje gə́ meḛ dee tɔ kujita el ləm, deḛ lal kinja tamɔd dee ləm tɔ lé d’andə mee kəi’g lə neḛ gə́ to gə kəmee d’ila ndɔl dɔ’g, tɔɓəi seḭ unje muru lə neḛ gə ubu nékinjanéməsje gə məs to arje magəje lə sí lai gə́ mina̰ jɔmri-jɔmri ləm, seḭ gaŋgje ne kúla manrɔ lə neḛ ləm tɔ.

Ləbije 19:27

Seḭ a kinjaje dɔ sí gubér el ləm, seḭ a ndisaje kil mbai ta sí el ləm tɔ.

Ləbije 26:41

kaiya ra dee gə́ togə́bè ɓa a karm ma nja kara m’a kɔs dee ne rəw ləm, m’a ndɔr dee ne kɔm dee ne ɓee’g lə njéba̰je lə dee ləm tɔ. Yen ɓa deḛ gə́ meḛ dee tɔ kujita el lé d’a tel kula ne dɔ dee ləm, d’a kuga ne ɓaŋg néra kori-korije lə dee ləm tɔ.

Amɔs 3:2

Ma mbər sí-seḭ ya kára ba Mbuna ginkoji dəwje’g lai-lai gə́ dɔ naŋg nee: Gelee gə́ nee ɓa m’a kar bo̰ néra majel lə sí lai ɔs ta sí’g ya.

Njé gə́ Rɔmə 2:28

Dəw gə́ to Jib gə́ raga puduru ba ɓó to Jib gə́ kojikəi el. Kinja tamɔd lé to yee gə́ darɔ’g ka̰ kar dee d’oo gə kəm dee bèe el tɔ.

Njé gə́ Rɔmə 2:29

Jib gə́ kojikəi ɓa gə́ Jib gə́ gəd ya. Kinja tamɔd gə́ kojikəi ɓa gə́ kinja tamɔd gə́ gəd ya tɔ. To né gə́ wɔji dɔ meḛ dəw ɓó wɔji dɔ darəa gə́ raga puduru el. Riɓar lə Jib neelé ḭ rɔ Ala’g ɓó ḭ rɔ dəwje’g el.

1 Samel 14:6

Jonatan ula basa gə́ odo nérɔje ləa lé pana: Gə́ ree ar sí j’aw saar n’teḛje loo-si njé gə́ lal kinja tamɔd dee’g. Banelə Njesigənea̰ a ra né mbata lə sí mbata Njesigənea̰ lé ɓó lé njé gə́ ləa jebəre ba əsé deḛ bula kara né gə́ njekɔgee loo kaji dəwje lé godo.

1 Samel 17:26

Dabid dəji njérɔje gə́ d’aar mbɔree’g pana: See ɗi ɓa d’a kar yeḛ gə́ a tɔl dəw gə́ Pilisti nee ləm, a kɔr boo-rɔkul dɔ Israɛlje’g ləm tɔ lé wa. See dəw gə́ Pilisti nee gə́ inja tamɔdee el ya to na̰ ɓa aar ula sul dɔ njérɔje’g lə Ala gə́ njesikəmba lé wa.