Jeremi 9:23 - Maktub gə́ To gə Kəmee

²³ Nɛ yeḛ gə́ ndigi kɔs gaji rəa ndá Maji karee ɔs gaji rəa Mbata yeḛ gər gosonégər Gə mbata gər gə́ yeḛ gərm ne ləm. Gə gər gə́ yeḛ gər To gə́ ma m’to Njesigənea̰, Gə́ njera meemaji gə njera né gə́ danasur, Gə njenéra gə́ gə dɔ najee dɔ naŋg nee ləm tɔ, Yee neelé ɓa gə́ né gə́ taa kəm rəgm, Njesigənea̰ ɓa pa bèe.

Jeremi 9:23 Iomraidhean Croise

Maktub gə́ wɔji dɔ Jɔb 32:13

Lé bèe kara seḭ pajena: Seḭ iŋgaje kəmkàr rəa’g bèe el, Ala ɓa askəm kɔsee dɔ ta’g ləa ɓó dəw el.

Maktub gə́ wɔji dɔ Jɔb 41:15

Kɔr rəa ɔs na̰’d ndər tim-tim Ar siŋgá to yaa̰, loo yə rəa godo.

Pakɔsje 33:5

Meekarabasur gə néra gə́ danasur lé Yeḛ unda dee dan kəmee’g, Meemaji lə Njesigənea̰ lé Taa dɔ naŋg nee yal-yal tɔ.

Pakɔsje 34:3

Maji kar Njesigənea̰ ɓa m’nduba ne rɔm ká ləm, Maji kar njénékəmndooje d’oo ndá ra ne rɔlel ləm tɔ!

Pakɔsje 44:9

Jeḛ lé ndɔje kára-kára lai jeḛ ndubaje rɔ sí kà gə ri Ala ləm, J’a kɔsje gaji rii saar-saar gə no̰ ya ləm tɔ.

Pakɔsje 62:10

Oiyo, dəwje lé to né gə́ əḭ el. Dəwje lé to néŋgɔm to! Ɓó lé orè dee na̰’d wɔji kwɔi lə dee dɔ nékwɔji-kwɔi lə néje ndá D’wɔilɔ pélé-pélé unda lel gə́ tó pu bèe ba ya.

Gosota-Kəmkàrje 11:4

Ndɔ meekḭ jugugu lé Nébao a tel to né gə́ kari ba, Nɛ néra gə́ gə dɔ najee ɓa Ɔr dəw ta yoo’g.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Gosota-Kəmkàrje 3:5

Ɔm məəi jəb-jəb dɔ Njesigənea̰’g Ɓó nduna rɔi dɔ négər’g ləi-i el.

Njekillamber 2:19

See na̰ ɓa gər to gə́ debee neelé a to njekəmkàr əsé a to mbə-dəw wa. Nɛ lé bèe kara kulaje lai gə́ m’ra lé yeḛ a to dəw dəa ləm, gə dɔ kandə nékəmkàrje ləm lai gə́ m’ra dee dɔ naŋg neelé ya ləm tɔ. Yee neelé kara to gə́ né gə́ kari ba ya ɓəi.

Njekillamber 9:11

Ma m’tel m’oo dɔ naŋg nee ya ɓəi. To gə́ ŋgwɔd lé To gə mba njékaḭgwɔd kalaŋje ba el ləm, Rɔ lé kara wɔji dɔ bao-rɔje ba el ləm, Nésɔ lé wɔji dɔ njékəmkàrje ba el ləm, Nékiŋga kara wɔji dɔ njégosonégərje ba el ləma, Riɓar kara wɔji dɔ bao-gosɔnégərje ba el ləm tɔ. Mbata néje lai teḛ dɔ dee’g Gə goo ndəaje gə kàreje ɓa.

Esai 10:8

Mbata deḛ pana: See ɓé-njérɔje lə neḛje lé D’as gə mbaije el wa.

Esai 20:5

Bèe ɓa deḛ gə́ d’ɔm meḛ dee dɔ Etiopi’g ləm gə d’ɔs gaji rɔ dee mba Ejiptə ləm tɔ lé, ɓəl a kunda dee ne badə gaŋg dee ləm, rɔ dee a kul ne ləm tɔ.

Esai 47:10

Seḭ ɔmje meḛ sí dɔ meeyèr’g lə sí, Seḭ pajena: Dəw kára kara oo sí el! Kəmkàr lə sí gə négər lə sí lé su kəm sí Ndá seḭ paje meḛ sí’g pajena: Seḭ nja gə kar sí ba Ɓó dəw gə́ raŋg kára kara godo, Seḭ nja gə́ kar sí ba!

Esai 5:21

Meeko̰ a koso dɔ deḛ gə́ D’oo rɔ dee-deḛ gə́ njékəmkàrje ləm, D’oo rɔ dee-deḛ gə́ njégosonégərje ləm tɔ.

Jeremi 31:34

Dəw kára kara a ndoo maree əsé ŋgokea̰ pana: Maji kar sí gərje Njesigənea̰ a pa bèe el! Mbata dəwje lai d’a gərm təsərə un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. Njesigənea̰ pa bèe. Mbata məəm a koso lemsé dɔ néra kori-kori’g lə dee ləm, m’a kar məəm olé dɔ kaiya ra dee’g el ŋga ləm tɔ.

Jeremi 48:14

See to gə́ ban ɓa seḭ asjekəm pajena: Jeḛ n’toje njésiŋgamoŋje ləm, Gə njérɔje gə́ d’isi pèrèrè Gə mba rɔ ləm tɔ lé wa.

Jeremi 48:7

Mbata i ɔm məəi dɔ kula raije’g ləm, Gə dɔ nébaoje’g ləi ləm tɔ lé Ndá i kara d’a dum dɔi tɔ. Ala ləi gə́ ria lə Kemos lé A kaw ɓee-ɓər’g Gə njékinjanéməsje gə mbaije ləa na̰’d.

Jeremi 49:4

See gelee ban ɓa Seḭ ɔsje gaji rɔ sí dɔ kəm wəl-looje’g lə sí wa. Kəm wəl-loo lə sí aw tuji, Seḭ gə́ toje asəna gə ŋgama̰dje gə́ njédumje Gə́ ɔmje meḛ sí dɔ nébaoje’g lə sí pajena: See na̰ ɓa a ree rɔ sə sí wa.

Ejekel 29:9

Ɓee gə́ Ejiptə a tel to dɔdilaloo gə́ wa ŋgɔ njag-njag ndá d’a gər to gə́ neḛ n’to Njesigənea̰ ya. Mbata yeḛ pana: Baa-boo lé to ka̰ neḛ, neḛ ɓa gə́ njerea.

Ejekel 7:19

D’a sané larndaje lə dee mba̰-rəwje’g ləm, Larlɔr lə dee a tel to né gə́ to kḛji kəm dee’g ləm tɔ. Larnda gə larlɔrje lə dee d’a kaskəm kaji dee Ndɔ boo-oŋg’d lə Njesigənea̰ lé el, D’a kaskəm kiŋga né karee as dee nag el ləm, D’a kas sɔ né kar meḛ dee ndan tub-tub el ləm tɔ, Mbata yee nee ɓa to né gə́ ar dee d’oso ne dan néraje gə́ kori-kori’g lə dee.

Loo gə́ killa rea kəm Daniel’g 3:15

Ɓasinè lé, meḛ sí dɔ rɔ sí’g ar loo gə́ seḭ a kooje ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd ləm tɔ ndá seḭ a kundaje barmba ləm, seḭ a kwaje néndaji gə́ m’ra lé meḛ sí’g ləm tɔ. Ɓó lé seḭ a kwáje meḛ sí’g el ndá léegəneeya d’a kwa sí kɔm sí mee bwa pər gə́ o̰ bilim-bilim’g. Ŋga see magə gə́ ra ɓa a kɔr sí jim’g kɔm sí tar wa.

Misee 6:8

I dəw lé d’ulai né gə́ maji gə́ wɔji dɔi Gə né gə́ Njesigənea̰ ndigi kiŋga rɔi’g to: To mba kari ra né gə́ to gə dɔ najee ləm, Gə unda meekɔrjol dan kəmi’g ləma, Gə njaa gə Ala ləi gə ŋgonkoji ləm tɔ.

Soponi 1:18

Larnda lə dee əsé larlɔr lə dee kara D’a kaskəm taa ne dɔ rɔ dee mee ndɔ oŋg-boo’g lə Njesigənea̰ lé el, Pər boo-oŋg ləa a roo ɓeeje lai dula-dula, Mbata yeḛ a tuji dəwje lai Gə́ d’isi mee ɓee’g neelé pugudu-pugudu gə́ léegəneeya.

Mark 10:24

Njékwakiláje lé kaar dee wa dee paḭ dɔ ta gə́ Jeju pa togə́bè. Yeḛ un ta ula dee tɔɓəi pana: Ŋganəmje, deḛ gə́ d’ɔm meḛ dee dɔ nébaoje’g lə dee lé kaw ɓeeko̰’g lə Ala lé lée a kuba mu dɔ dee’g el!

Njé gə́ Rɔmə 1:22

Deḛ ɓar rɔ dee njékəmkàrje nɛ deḛ tel to mbə-dəwje.

1 Njé gə́ Kɔrḭtə 1:31

ɓó gə mba kar ta gə́ ndaŋg mee maktub’g lé to ne lée’g béréré pana: Nana ɓa gə́ ti rəa ndá maji karee ti rəa gə ri Mbaidɔmbaije ɓa.

Tel tura Godndu 8:17

Meḛ sí dɔ rɔ sí’g nà a paje meḛ sí’g pajena: Siŋga sí gə ji sí gə́ ɓar mèr-mèr ɓa jeḛ j’iŋgaje ne nébaoje neelé.

Njé gə́ Pilibə 3:10

Tɔgərɔ ma m’ndiŋga rɔm gə mba gər ndəaa ləm, gə mba gər siŋgamoŋ gə́ yeḛ teḛ ne dɔkumbwa’g ləma, gə mba gər kula rɔ ndòo ləa lé m’ɔm səa na̰’d keneŋ sad ləma, m’ɔm səa na̰’d sad loo kwəi’g ləa ləm tɔ

Njé gə́ Pilibə 3:8

Tɔgərɔ ya, néje lai kara ma m’oo dee gə́ néje gə́ tuji mbata gər ndaa Mbaidɔmbaije Jeju Kristi lé yee ɓa ma m’oo gə́ né gə́ maji dum ya ndá m’uba néje lai m’ya̰ dee m’oo dee ne gə́ néje gə́ sa d’ɔm dɔ ɓiri-ɓisi’g, mba kiŋga Kristi ləm,

1 Timote 6:10

Mbata mwəiyoolar ɓa gə́ ŋgira néraje gə́ majel lai. Njé gə́ na̰je gə́ malee ra dee togə́bè lé d’uba ne goo meekun lə dee d’ya̰ ndá deḛ nja d’wa ne nékəmndooje bula ɓugu dɔ dee’g d’ar ɓəŋgərə dee gaŋg ne.

1 Samel 17:42

Dəw gə́ Pilisti lé aa loo oo Dabid ndá yeḛ ə̰jee gə́ kḛji mbata yeḛ ée gə́ ŋgon gə́ basa gə́ kas pəl-pəl ləm, kəmee turu sia̰-sia̰ ləm tɔ.