Jeremi 9:22 - Maktub gə́ To gə Kəmee

²² Njesigənea̰ pa togə́bè pana: Maji kar njekəmkàr ɔs gaji rəa dɔ kəmkàr’g ləa el ləm, Maji kar njesiŋgamoŋ ɔs gaji rəa dɔ siŋgamoŋ’d ləa el ləma, Maji kar bao ɔs gaji rəa dɔ nébao’g ləa el ləm tɔ.

Jeremi 9:22 Iomraidhean Croise

2 Mbaije 20:13

Ejekias wa njékaḭkulaje lé gə́ rəa’g gə meendakaḭ ndá yeḛ tɔji dee ne loo néje lai gə́ gad dee to yaa̰ gə́ to larnda gə larlɔr ləm, gə ubu gə́ gadee yaa̰ ləm, gə loo-ŋgəm-nérɔje ləa ləma, gə néje lai gə́ to mee kəi-nébaoje’g ləa ləm tɔ, né gə́ yeḛ lal tɔji dee mee kəi’g ləa əsé mee ɓeeko̰’g ləa lé godo.

2 Mbaije 20:15

Esai dəjee tɔɓəi pana: See ɗije ɓa d’oo mee kəi’g ləi wa. Ejekias tel ilá keneŋ pana: Néje lai gə́ to mee kəi’g ləm lé deḛ d’oo ya: né kára kara gə́ mee kəi-nébaoje’g ləm gə́ lal kam m’tɔji dee lé godo.

2 Mbaije 9:37

Ndá nin Jejabel a to mee ndɔ gə́ Jisreel to gə́ siḭ néje gə́ to dɔ naŋg’d bèe gə mba kar dəw pana: Jejabel ɓa to’n el tɔ.

Maktub gə́ wɔji dɔ Jɔb 5:13

Yeḛ wa ta njékəmkàrje dɔ goso’g lə dee ləm, Dəwje gə́ njégosoje lé yeḛ tuji négosɔje lə dee ləm tɔ,

Pakɔsje 49:7

Deḛ lé némajije lə dee lé ɓa d’ɔm meḛ dee dɔ’g ləm, Boo-nébaoje lə dee lé ɓa deḛ ti ne rɔ dee gə mbəa ləm tɔ.

Pakɔsje 83:10

Maji kari ra sə dee to gə́ i ra gə Madian gə Sisera Gə Jabḭ mbɔr mán gə́ Kiso̰’g bèe ya.

Gosota-Kəmkàrje 18:11

Nébao lə bao lé To asəna gə ɓee-boo ləa gə́ siŋgá tɔ, Gə goo takə̰ji ləa lé Yeḛ ée asəna gə ndògo-bɔrɔ gə́ ḭ gə́ tar yaa̰ bèe.

Gosota-Kəmkàrje 23:4

Sané siŋgai mba tel to bao el ləm, Ǝw rɔi kḛji ta dɔ’g yaa̰ ləm tɔ.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Jeremi 16:4

D’a kwəi yoo rɔko̰, ndá d’a no̰ dee el ləm, d’a dubu dee el ləm tɔ, d’a tel to asəna gə siḭ néje dɔ naŋg’d ləm, d’a kwəi yoo-kiambas gə yoo ɓoo-boo ləm tɔ ndá nin dee a tel to nésɔ lə yelje gə daje gə́ dɔ naŋg nee.

Jeremi 25:33

Deḛ gə́ Njesigənea̰ a tɔl dee mee ndəa’g neelé d’a to naŋg rib-rib un kudee dəb naŋg gə́ kel kára’g saar teḛ ne debee gə́ kel gə́ raŋg’d. D’a no̰ dee el ləm, d’a kodo yoo dee el ləma, d’a dubu dee el ləm tɔ. D’a to asəna gə siḭ néje gə́ dɔ naŋg’d bèe.

Jeremi 6:21

Gelee gə́ nee ɓa Njesigənea̰ pa ne pana: Aa ooje, m’a kar kɔr mbalje To no̰ koso-dəwje’g neelé Gə́ nétuga gɔl dee ya, Ndá bɔ ŋganje gə ŋgan deeje gə́ diŋgam ləm, Njéboataɓeeje gə baokuraje lə dee ləm D’a tuga gɔl dee keneŋ Ndá d’a kudu ne guduru.

Jeremi 7:33

Nin koso-dəwje neelé d’a to nésɔ lə yelje gə́ pə̰ dara’g ləm, gə daje gə́ dɔ naŋg nee ləm tɔ, dəw kára kara gə́ njejɔg dee a godo.

Jeremi 8:2

D’a naji dee kəm kàr’g, gə kəm naḭ’g, gə kəm nékundaje gə́ dará gə́ deḛ d’unda dee dan kəm dee’g pole dee ne ləm, gə́ d’un rəw goo dee’g ləm, gə deḛ saŋg dee ləma, gə d’unda barmba no̰ dee’g ləm tɔ. Dəw a mbo̰ dee dɔ na̰’d el ləm, d’a dubu dee el ləm tɔ nɛ d’a to kasəna gə ɓiri-ɓisi gə́ to dɔ naŋg’d bèe.

Habakuk 1:11

Deḛ dəs kalaŋ to gə́ lel-mal bèe ləm, Deḛ njaa kəm dee gə́ kédé d’ar ta wa dɔ dee ləm tɔ. Deḛ d’oo Siŋgamoŋ lə dee-deḛ nja ɓa gə́ magə lə dee ya.

Soponi 1:17

N’a kɔm dəwje dan néɓəŋgərətije’g ləm, N’a kar dee njaa asəna gə njékəmtɔje bèe ləm tɔ Mbata deḛ ra kaiya d’ɔs ne ta lə Njesigənea̰ rəw, N’a saga məs dee naŋg to gə́ babur bèe ləm, N’a kɔm dakasrɔ dee dɔ ɓiri-ɓisi’g ləm tɔ.

Tel tura Godndu 8:17

Meḛ sí dɔ rɔ sí’g nà a paje meḛ sí’g pajena: Siŋga sí gə ji sí gə́ ɓar mèr-mèr ɓa jeḛ j’iŋgaje ne nébaoje neelé.