Jeremi 9:16 - Maktub gə́ To gə Kəmee

¹⁶ Njesigənea̰ gə́ njeboo-néje pa togə́bè pana: Saŋje loo ɓarje njéno̰paje ar deeje ree! Ulaje kula rɔ denéje gə́ njéno̰paje ar deeje ree to!

Jeremi 9:16 Iomraidhean Croise

Nehemi 1:8

Maji kari ar məəi olé dɔ ta gə́ i ar kura ləi Moyis, pa pana: Loo gə́ jeḛ j’a raje kaiya ndá i a sané sí mbuna koso-dəwje’g.

Pakɔsje 106:27

Mba kar ginkaje lə dee d’wəi ne Mbuna ginkoji dəwje gə raŋg’g lé ləma, Gə mba sané dee ne mee ɓeeje gə́ dɔ naŋg nee ləm tɔ.

Njekillamber 12:5

Tɔɓəi dəwje d’a ɓəl dɔ loo gə́ ḭta’g ləm, d’a ndəb pəd-pəd rəw kaw dee’g ləm, yiŋga dɔ dəw a ndá to gə́ pudu kag-dḭ bèe ləm, loo gə́ rɔ beedéje tel wɔi ndiŋ-ndiŋ ləma, mal nésɔ godo meḛ dəwje’g ləm tɔ. Mbata dəw lé si aw gə́ loo-siée’d gə́ to gə no̰ ndá njéno̰je d’aw gə mba̰-rəwje yéŋgé-yéŋgé.

Jeremi 13:24

M’a sané dee to gə́ ləm mu Gə́ lel gə́ dɔdilaloo’g sané bèe.

Jeremi 24:10

M’a kula gə kiambas gə ɓoo-boo gə yoo-koso mbuna dee’g saar kar dee godo mee ɓee gə́ m’ar dee-deḛ gə bɔ deeje-je lé.

Jeremi 25:27

M’a kula dee pana: Njesigənea̰ gə́ njeboo-néje, Ala lə Israɛlje pa togə́bè pana: Aije areeje tɔl sí ar sí tɔméje tululu-tululu ndá tosoje ne lal kuba loo kḭ tar loo gə́ seḭ ooje kiambas gə́ n’a gə kula ne mbuna sí’g lé!

Jeremi 29:17

Njesigənea̰ gə́ njeboo-néje lé pa togə́bè pana: Aa ooje, m’a kula gə kiambas, gə ɓoo-boo, gə yoo-koso dan dee’g tɔɓəi m’a kar dee to d’asəna gə kandə kodéje gə́ to kḛji gə́ dəw askəm sɔ el mbata lə ndum lə dee lé.

Jeremi 44:27

Aa ooje, m’a kunda kəm goo dee’g mba ra sə dee majel ɓó maji ɓa el. Dəwje lai gə́ Juda gə́ d’isi mee ɓee gə́ Ejiptə lé kiambas, gə ɓoo-boo a tuji dee saar kar gin dee un ɗiao.

Jeremi 7:29

Maji kar sí ndisaje yiŋga dɔ sí Gə́ ŋgal pɔ-pɔ ɔmje əw ləm, Ubaje dɔ looje gə́ ndəw, Ɔsje pa no̰ ndòo ləm tɔ. Mbata Njesigənea̰ mbad Ginkoji dəwje gə́ d’ɔs gin oŋg-boo ləa lé ila dee əw.

Jeremi 8:19

Aa ooje, ndu no̰ lə koso-dəwje ləm ɓar Dɔ naŋg ɓeeje gə́ əw’g pana: See Njesigənea̰ godo Sio̰ wa. See mbai lə dee godo keneŋ wa. See gelee ban ɓa Deḛ tɔl néndajije gə́ magəje Gə́ to magəje gə́ dɔ ɓee’g D’ar oŋg ḭ ne səm pu wa.

Ejekel 11:17

Gelee gə́ nee ɓa m’a kula dee pana: Mbaidɔmbaije gə́ Njesigənea̰ pa togə́bè pana: N’a kḭ sə sí mbuna ginkoji dəwje gə raŋg’g mbo̰ sí dɔ na̰’d ləm, n’a kar sí undaje loo mee ɓeeje ɓəd-ɓəd gə́ neḛ n’sané sí keneŋ lé teḛje reeje ləm tɔ ndá n’a kar sí dɔ naŋg gə́ Israɛl gə́ néka̰ sí ya.

Ejekel 12:15

Bèe ɓa d’a gər ne to gə́ neḛ n’to Njesigənea̰ loo gə́ n’tuba dee n’ɔm dee mbuna ginkoji dəwje gə raŋg’g ləm, loo gə́ n’sané dee kad-kad gə dɔ ɓeeje ɓəd-ɓəd ləm tɔ.

Ejekel 14:17

Esé ɓó lé neḛ n’ree gə kiambas n’wɔji ne dɔ ɓee neelé ləm, lé m’pana: Maji kar kiambas ta̰ mbuna ɓee neelé ləma, ɓó lé neḛ n’tuji dəwje gə daje mee ɓee’g neelé pugudu-pugudu ləm tɔ

Ejekel 20:23

Loo gə́ dɔdilaloo’g lé ya neḛ manrɔ neḛ n’ula ji neḛ ndiŋ gə́ rɔ dee’g gə mba sané dee mbuna ginkoji dəwje gə raŋg’g ləm, gə mba kɔm dee mee ɓeeje’g ɓəd-ɓəd ləm tɔ

Ejekel 27:2

I ŋgon-dəw lé, un pa no̰ ndòo ɓee gə́ Tir.

Ejekel 5:12

Dəwje lai gə́ kudu munda lé kudu deḛ gə́ kára d’a kwəi yoo-koso ləm, ɓoo-boo a kula kəm dee ndòo mbuna sí’g ləm tɔ, deḛ gə́ kudu kára d’a kwəi yoo-kiambas gugu gir sí sub, tɔɓəi deḛ gə́ kudu kára lé n’a sané dee dan lel’g ndá n’a kɔr kiambas kore ne goo dee tɔ.

Ejekel 5:2

Yee gə́ loo kára lé m’a roo dan mee ɓee-boo’g loo gə́ ndɔ kaḭ dəa sub gə rɔ lé aw lée’g béréré mba̰, yee gə́ njekɔm’g loo joo lé m’a kodo kaw tḭja gə yiŋga gugu ne gir ɓee-boo lé sub, tɔɓəi yee gə́ njekɔm’g loo munda lé m’a sané dan lel’g ndá n’a kɔr kiambas korè ne gée.

Ləbije 26:33

M’a sané sí mbuna ginkoji dəwje gə raŋg’g, tɔɓəi m’a kar dee d’orè goo sí ndəŋ gə kiambas tɔ. Ɓee lə sí a to nduba ləm, ɓee-booje lə sí kara d’a tel to dɔdilalooje ləm tɔ.

Amɔs 5:16

Gelee gə́ nee ɓa, Njesigənea̰ Ala gə́ njeboo-néje, Mbaidɔmbaije ɓa pa togə́bè pana: D’a no̰ yoo gə mee looje lai gèr-gèr Sii ne mbigi-mbigi ya, Gə kila-rəwje lai lé kara d’a pa pana: Kwii-kwii, ɗi ɓa to togə́bè wa. D’a ɓar njendɔ gə mba karee ree loo-yoo’g ləm, D’a ɓar deḛ gə́ gər pa no̰ yoo Kar dee ree no̰ ne yoo ləm tɔ.

Misee 2:4

Mee ndəaje’g neelé d’a pata gə goso taji sí ne ləm, D’a kɔr ndu dee gə́ tar wəl no̰ ne sii ne mbigi-mbigi ləm tɔ. D’a pana: Jeḛ lai n’tujije pugudu ya! Yeḛ kai né lə koso-dəwje lə neḛ ar njé gə́ raŋg! Ɗi togə́bè wa. Yeḛ ɔr né neelé ji neḛ’g. Yeḛ kai loo-ndɔje lə sí ar njeba̰ lé.

Jakari 7:14

Neḛ n’sané dee mbuna ginkoji dəwje gə raŋg’d Gə́ deḛ gər dee el ləm, Ɓee lə dee tel to dɔnduba tor dee’g Ar dəw kára kara dəs keneŋ aw Esé tel keneŋ el ləm tɔ. Ɓee gə́ maji dum lé deḛ d’aree tel to dɔdilaloo ya.

Tel tura Godndu 28:25

Njesigənea̰ a kar njéba̰je lə sí dum sí, seḭ a teḛje kawje gə mba rɔje sə dee gə rəw gə́ kára ba ndá seḭ a kaḭje no̰ dee’g gə rəwje siri, tɔɓəi seḭ a toje né rɔkul gə́ boo lə ɓeeko̰je lai gə́ dɔ naŋg nee.

Tel tura Godndu 28:36

Njesigənea̰ a kar sí awje gə mbai gə́ seḭ a kundaje dɔ sí’g par gə́ rɔ ginkoji dəwje gə́ seḭ gə bɔ síje-je gər deeje el. Ndá lée’g neelé ɓa seḭ a poleje magəje gə́ to kagje əsé mbalje keneŋ ya.

Tel tura Godndu 28:64

Njesigənea̰ a sané sí mbuna ginkoji dəwje gə raŋg’g, un kudee gwɔi naŋg’d bər njal teḛ ne rudee gə́ dɔ-gó, lé gə́ neelé ɓa seḭ a poleje magəje gə́ to kag əsé mbal gə́ seḭ əsé bɔ síje-je gər dee kédé el lé keneŋ.

Tel tura Godndu 32:26

M’a m’ula m’pana: M’a gə sané dee gə lel tam ləm, M’a gə kar ri dee udu Mbuna dəwje’g ləm tɔ!

Tel tura Godndu 4:27

Njesigənea̰ a sané sí mbuna ginkoji dəwje gə raŋg’d gə́ raŋg ndá seḭ a naije jebəre ba mbuna ginkoji dəwje’d gə́ Njesigənea̰ a kar sí awje mbuna dee’g lé.

Maktub gə́ Jak ula ne ar ngan-Allaje 1:1

Ma Jak, kura lə Ala ləm, gə ka̰ Mbaidɔmbaije Jeju Kristi ləm tɔ, m’ula gə maktub nee m’ar gin ɓeeje lə Israɛl dɔg-gir-dee-joo gə́ sanéna̰. M’ra sí lapia!