Jeremi 9:14 - Maktub gə́ To gə Kəmee

¹⁴ Gelee gə́ bèe ɓa Njesigənea̰ gə́ njeboo-néje, Ala lə Israɛlje pa ne togə́bè pana: Aa ooje, m’a kul dəwje neelé gə nésɔ gə́ adə mbag-mbag ləm, m’a kar dee d’ai mán gə́ kuma̰ yoo to keneŋ ləm tɔ.

Jeremi 9:14 Iomraidhean Croise

Gḭ-Néje 6:5

Njesigənea̰ oo to gə́ meeyèr lə dəwje gə́ dɔ naŋg nee to yaa̰ ləm, takə̰jije gə́ meḛ dee’g lai lé wɔji dɔ né gə́ majel ya goo kára ba gə ndɔ dee ndɔ dee ləm tɔ.

Maktub gə́ wɔji dɔ Jɔb 9:18

Yeḛ ya̰’m am m’taa kəmə el ləma, Yeḛ ar meekad ɓa taa məəm pəl-pəl ləm tɔ.

Jeremi 11:8

Nɛ deḛ d’un mbi dee rəw dɔ ta’g neelé ləm, deḛ d’ur mbi dee gèŋ dɔ’g el ləm tɔ. Deḛ njaa gə goo takə̰jije lə dee ləm, gə meeyèr gə́ meḛ dee’g ləm tɔ. Yen ɓa taje lai gə́ mee manrɔ’g neelé gə́ neḛ n’un ndu neḛ dɔ’g mba kar dee d’aa dəa nɛ deḛ ra née el lé n’aree aw ne lée’g béréré dɔ dee’g gə mbəa,

Jeremi 13:10

Koso-dəwje nee gə́ to njémeeyèrje gə́ mbad koo taje lə neḛ ləm, gə́ ndolè goo takə̰jije gə́ meḛ dee’g ləma, gə ndolè goo magəje gə mba pole dee kunda ne barmba dəb kəm dee naŋg no̰ dee’g ləm tɔ lé maji kar dee tel to d’asəna gə ndar neelé gə́ to kəm ra ne né kára el ŋga lé tɔ.

Jeremi 16:12

Nɛ seḭ lé seḭ raje né gə́ majel undaje ka̰ bɔ síje-je. Aa ooje, seḭ lé nana kara mbuna sí’g ndolè goo takə̰jije gə́ majel gə́ mée’g mba kun ne mbia rəw dɔ ta’g ləm.

Jeremi 2:23

See ban ɓa seḭ ulaje pajena: Rɔ sí mina̰ el ləm, Seḭ awje goo magə-Baal’g el ləm tɔ lé wa. Aaje loo ooje tor gɔl sí Gə́ to kəm wəl-loo’g ləm, Tegje gin né gə́ seḭ raje ləm tɔ. Seḭ gə́ toje asəna gə jambalje Gə́ njérɔkwɔilɔje gə́ awje yo gə́ nee!

Jeremi 2:8

Njékinjanéməsje kara dəji ta bèe pana: See Njesigənea̰ si ra wa el ləm, Njégər gin godnduje gərm el ləm, Njékɔrno̰ dəwje to majikojije el ləm, Njéteggintaje tegginta gə ri magə-Baal ləma, Deḛ d’aw goo deḛ gə́ D’askəm la sə dee el ləm tɔ.

Jeremi 23:15

Gelee gə́ nee ɓa Njesigənea̰ gə́ njeboo-néje pa ne ta togə́bè Dɔ njéteggintaje’g pana: Aa ooje, n’a kar dee d’usɔ kam kag-táaje ləm, N’a kar dee d’ai mán gə́ kuma̰-yoo to keneŋ ləm tɔ. Mbata njéteggintaje gə́ Jerusalem lé D’ar kɔs ta lə Ala rəw Taa loo mee ɓee’g pəl-pəl.

Jeremi 23:27

Deḛ d’ə̰ji mba kar mee koso-dəwje lə neḛ wəi sel dɔ ri neḛ’g gə nije’g lə dee gə́ nana kara ndaji taree ar maree to gə́ bɔ deeje-je d’ar meḛ dee wəi ne dɔ ri neḛ’g mbata magə-Baal lé tɔ.

Jeremi 3:17

Mee ndəa’g neelé d’a ɓar Jerusalem kalimbai lə Njesigənea̰. Ginkoji dəwje gə raŋg lai d’a mbo̰ dɔ na̰ Jerusalem gə ri Njesigənea̰. Ndá d’a ndolè goo takə̰jije gə́ majel gə́ to meḛ dee’g el ŋga.

Jeremi 44:17

Nɛ jeḛ ndigi raje né gə goo ta gə́ teḛ ta sí’g ləm, j’a tuuje né gə́ ə̰də sululu kar mbai gə́ dené gə́ pən dara’g ləm, j’a kunje nékar gə́ ka̰ saga naŋg kaareeje to gə́ jeḛ gə bɔ síje-je, gə mbaije lə sí, gə ŋgan-mbaije lə sí n’raje ne kédé mee ɓee-booje gə́ Juda ləm, gə mba̰-rəwje gə́ Jerusalem ləm tɔ. Yee ɓa jeḛ j’iŋgaje ne muru mba kar meḛ sí nda̰ ne ləm, j’isije ne dan rɔlel’g ləma, j’iŋgaje ne némeeko̰ kára kara el ləm tɔ.

Jeremi 7:24

Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el ləm tɔ. Deḛ njaa gə goo takə̰jije lə dee ləm, gə meeyèr gə́ meḛ dee’g ləm tɔ, deḛ tel gir dee ɓa d’ila d’am ɓó tel kəm dee gə́ rɔm’g el.

Jeremi 8:14

See gelee ban ɓa j’isi naŋg wa. Maji kar sí mbo̰je dɔ na̰, J’awje mee ɓee-booje gə́ siŋga dee to Mba kar sí j’wəije keneŋ! Mbata Njesigənea̰ Ala wɔji kar sí j’wəije, Yeḛ ar sí j’aije mán Gə́ kuma̰ tɔl dəw to keneŋ, Mbata jeḛ n’raje kaiya J’ɔsje ne ta lə Njesigənea̰ rəw.

Nɔ̰-ndôo gə́ wɔji dɔ Jerusalem 3:15

Yeḛ ar meekad taa məəm pəl-pəl ləm, Yeḛ am m’ai ta-a M’aree tɔlm ləm tɔ.

Amɔs 2:4

Njesigənea̰ ɓa pa togə́bè pana: Gə mbata kaiya ra Judaje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ə̰ji godndu Njesigənea̰ bəḭ-bəḭ ləm, Deḛ d’aa dɔ torndiaje kər-kər el ləm tɔ, Mbata magəje gə́ ŋgɔm ɓa ar dee ndəm ya, To magəje gə́ bɔ deeje-je kara ndolè goo dee ya tɔ.

Njé gə́ Galati 1:14

Tɔɓəi néra Jibje lé ma m’gər ur dɔ dəwje bula gə́ ləb koji dee səm na̰’d ləm, gə deḛ gə́ to gə́ ginkojije lé ləm tɔ mbata néjiɓee lə bɔmje-je lé ɔs məəm ta ɓɔḭ-ɓɔḭ ya.

Njé gə́ Epesə 2:3

Jeḛ lai kara j’ɔm sə dee na̰’d tɔ ndá kédé lé jeḛ n’tɔlje ne mal né gə́ ra darɔ sí bém ləm, n’raje ne né gə́ darɔ sí gə meḛ sí ɓa wɔji ləma, n’toje ne ŋganje gə́ oŋg ɓa wɔji dɔ sí to gə́ njé gə́ raŋg lé ləm tɔ.

1 Piɛrə 1:18

Mbata seḭ gərje gao, néje gə́ a gə tuji asəna gə larnda əsé larlɔr, yee ɓa gə́ né gə́ uga sí ne ɔr sí ne dan néra gə́ gə mḭdé ba gə́ ka síje d’ya̰ sí keneŋ lé el.