Jeremi 9:11 - Maktub gə́ To gə Kəmee

¹¹ See dəw gə́ ra ɓa gə́ njekəmkàr Gə́ gər gin néje neelé wa. Yeḛ gə́ Njesigənea̰ ulá ta lé maji karee pa! See gelee ban ɓa ɓee tuji ləm, Pər roo to gə́ dɔdilaloo gə́ dəw kára kara Dəs keneŋ el ləm tɔ wa.

Jeremi 9:11 Iomraidhean Croise

Nehemi 4:2

Ndá deḛ lai d’ɔm na̰’d gə mba ree rɔ gə Jerusalem mba tuji ne meḛ dəwje gə́ ra kula neelé.

Pakɔsje 107:43

Maji kar yeḛ gə́ to gə́ njekəmkàr lé Tɔs kəmee dɔ néje’g neelé ləm, Maji karee ra kəmee rakaa dɔ némeemajije’g lə Njesigənea̰ lé ləm tɔ.

Pakɔsje 44:19

Meḛ sí ɔs səi ŋgwɔḭ el ləm, Gɔl sí kara uba rəw ləi ya̰ gə goo ŋgalee el ləm tɔ

Pakɔsje 79:1

Pakɔs lə Asap. Ǝi Ala, Ginkoji dəwje gə raŋg lé aa loo pəl-pəl dɔ nédɔji’g ləi ləm, Kəi ləi gə́ to gə kəmee doi lé d’ila ndɔl dɔ’g ləma, Jerusalem kara d’aree tel to gə́ kɔr mbalje Gə́ d’wa kugu dɔ na̰’d bèe ləm tɔ.

Esai 13:22

Rigəmje d’a no̰ mee kəi-mbaije’g lə dee ləm, Tálje d’a no̰ mee kəije’g lə deḛ gə́ maji péd-péd ləm tɔ. Ndɔ lə dee nai dəb ba ŋga Ndá d’a kila ndɔje lə dee dɔ maree’g kar dee el ŋga.

Esai 25:2

Mbata i ar ɓee-boo tel to To gə́ kɔr mbalje gə́ to dɔ na̰’d bèe ləm, Ɓee-boo gə́ siŋgá to lé I aree tel to loo-tuji ləm tɔ, Kəi-kaar-kɔgərɔ lə dəw-dɔ-ɓeeje kara tuji pugudu Askəm kar dee tel gɔlee gogo el ŋga.

Esai 34:13

Kunje d’a kuba dan mee kəi-mbaije’g ləa ləm, Kun-pɔrɔrɔje gə ŋgarje d’a kuba kəi-kaar-kɔgərɔ’g ləa ləm tɔ. Ndá a tel to loo-to tàlje ləm, Gə loo-kaar miruje ləm tɔ.

Esai 44:26

Ta gə́ kura ləm pa lé m’aree to njaŋg, Deḛ gə́ m’ula dee lé M’ar ta gə́ deḛ pa lé aw lée’g béréré, Ma m’pata m’wɔji dɔ Jerusalem m’pana: Dəwje d’a tel si keneŋ ɓəi ləm, M’pata wɔji dɔ ɓee-booje gə́ Juda m’pana: D’a tel gɔl dee gogo ləma, Dɔ nduba lə dee lé M’a kar dee tel d’unda gogo ləm tɔ.

Jeremi 1:15

Mbata aa oo, m’a gə ɓar Koso-dəwje lai gə́ d’isi ɓeeko̰je Gə́ par gə́ dɔgel, Njesigənea̰ ɓa pa bèe, Ndá deḛ d’a ree kar nana kara a kunda kalimbai ləa Tarəwkɔgje lə ɓee gə́ Jerusalem No̰ ndògo-bɔrɔje lai gə́ gugu dəa ləm, Gə no̰ ɓee-booje lai gə́ Juda ləm tɔ.

Jeremi 10:22

Aa ooje, sorta gə́ dəwje d’oo, To gə́ baŋga rɔ gə́ ḭ par gə́ dɔgel bèe ɓa si ree Gə mba kar ɓee-booje gə́ Juda tel to gə́ dɔ nduba ləm, Gə loo-to tàlje ləm tɔ.

Jeremi 16:10

Loo gə́ m’a gə kila mber ta néje lai neelé kar koso-dəwje nee d’oo ndá d’a dəjim pana: See gelee ban ɓa Njesigənea̰ wɔji-kwɔji kar boo-nékəmndooje neelé teḛ dɔ dee’g wa. See ɗi ɓa gə́ néra kori-kori lə dee wa. See kaiya gə́ ra ɓa deḛ ra d’ɔs ne ta lə Njesigənea̰, Ala lə dee rəw wa.

Jeremi 25:11

Ɓee nee lai a tuji ləm, a tel to dɔ nduba ləm tɔ ndá ginkoji dəwje gə raŋg neelé d’a ra kula ɓər kar mbai gə́ Babilɔn as ləb dee rɔ-siri.

Jeremi 25:18

Ma m’ar deḛ gə́ d’isi Jerusalem ləm, gə ɓee-booje gə́ Juda ləm, gə mbaije ləa ləma, gə ŋgan-mbaije ləa ləm tɔ lé d’ai, gə mba kar ɓee lé tel to ne dɔ nduba ləm, gə néno̰ ləm, gə nékula sul dɔ’g ləma, gə né gə́ ndɔl wa dəa ləm tɔ, to gə́ seḭ ooje ne ɓogənè bèe lé ya tɔ.

Jeremi 26:18

Mise, dəw gə́ Moreset tegginta mee ndəa’g lə Ejekias, mbai gə́ Juda lé ndá yeḛ ula koso-dəwje lai gə́ Juda pana: Njesigənea̰ gə́ njeboo-néje pa togə́bè pana: D’a ndɔ Sio̰ bur-bur to gə́ mee ndɔ bèe ləm, Jerusalem a tel to kɔr mbalje Gə́ tɔs dɔ na̰’d ləma, Mbal gə́ kəi gə́ to gə kəmee To keneŋ lé a tel to mee kag-kɔr ləm tɔ.

Jeremi 26:9

Gə mba ɗi ɓa i tegginta gə ri Njesigənea̰ pa ne pana: Kəi gə́ nee a to kasəna gə Silo bèe ləm, ɓee-boo gə́ nee a tuji kar dəw godo keneŋ ləm tɔ wa. Koso-dəwje lai ɓugu na̰ dɔ Jeremi’g mee kəi’g lə Njesigənea̰.

Jeremi 34:22

Aa ooje, m’a kun ndum kar dee tel ree mee ɓee-boo’g neelé, deḛ d’a rɔ gə ɓee-booje neelé ləm, d’a taa ləma, d’a roo pər ləm tɔ. Tɔɓəi m’a kar ɓee-booje gə́ Juda tel to gə́ dɔdilaloo gə́ dəw godo keneŋ ya.

Jeremi 4:27

Njesigənea̰ pa togə́bè pana: Ɓee bura a tel to dɔ nduba, Nɛ m’a tujee gə gelee bura el.

Jeremi 44:2

Njesigənea̰ gə́ njeboo-néje gə́ to Ala lə Israɛlje pa togə́bè pana: Seḭ ooje némeekonje lai gə́ m’aree teḛ dɔ Jerusalem’g gə dɔ ɓee-booje lai gə́ Juda. Aa ooje, ɓogənè ɓee-booje neelé to dɔ nduba ləm, dəw kára kara si keneŋ el ləm tɔ,

Jeremi 49:33

Ɓee-boo gə́ Asɔr A to loo-to tàlje ləm, A to dɔ nduba ya saar gə no̰ ləm tɔ, Dəw kára kara a ra ɓee keneŋ el ləm, Dəw a si keneŋ el ləm tɔ.

Jeremi 50:3

Mbata ginkoji dəwje d’ḭ dɔgel D’aw gə mba rɔ səa, D’a kar ɓee ləa tel to dɔdilaloo ləm, Dəwje d’a si keneŋ el ŋga ləm tɔ. Dəwje gə daje d’aḭ d’aw.

Jeremi 51:37

Babilɔn a to kugu néje gə́ tuji ləm, Gə loo-to tàlje ləm tɔ. Yee a to nékwa dɔ jiim ləm, Gə nékula sul dɔ’g ləm tɔ, Dəw kára kara a si keneŋ el ŋga.

Jeremi 8:22

See kuma̰ godo Galaad’g wa. See njekuma̰-kaji godo wa. See gelee ban ɓa koso-dəwje ləm d’aji el wa.

Nɔ̰-ndôo gə́ wɔji dɔ Jerusalem 1:4

Rəwje gə́ aw gə́ Sio̰ lé No̰ ndòo ɓa taa pəl-pəl ya Mbata dəw kára kara ila gɔlee loo-ra-naḭ’g el. Tarəwkɔgje ləa lai wa ŋgɔ njag-njag ləm, Njékinjanéməsje ləa tuma̰ ŋgururu-ŋgururu ləm, Ŋgama̰dje ləa lai d’isi dan ndòo’g ləma, Mee ɓee-boo lai adə mbag-mbag ləm tɔ.

Nɔ̰-ndôo gə́ wɔji dɔ Jerusalem 2:2

Mbaidɔmbaije tuji loo-sije lə Jakob lai-lai Lal koo kəmtondoo ləa ləm, Dan meekḭ jugugu’g ləa lé Yeḛ unda ne kəi-kaar-kɔgərɔje Lə ŋgolə Juda gə́ dené lé naŋg rab-rab ləma, Yeḛ ar dee tel gɔl ne naŋg ləm tɔ, Tɔɓəi yeḛ ila ndɔl dɔ ɓeeko̰’g ləm, Gə dɔ ŋgan-mbaije gə́ keneŋ ləm tɔ.

Nɔ̰-ndôo gə́ wɔji dɔ Jerusalem 3:47

Ɓəl ləm, gə bwa-yoo ləm, Gə néurti ləma, gə tuji ləm tɔ Ɓa to néje gə́ wɔji dɔ sí.

Ləbije 26:32

M’a kar ɓee lə sí tel to dɔ nduba mba kar njéba̰je lə sí gə́ d’a ree sí keneŋ lé kara kaar dee a kwa dee ne paḭ kar dee d’isi ne jim tɔ.

Misee 1:6

M’a kar Samari tel to kɔr mbalje Gə́ d’wa kugu loo-ndɔ’g bèe ləm, M’a karee tel to gə́ loo-ma̰a-nduú ləm tɔ, M’a jura kɔr mbalje ləa kəm wəl-loo’g ləm, M’a kar gelee gə́ tum lé to raga ndəgəsə ləm tɔ.

Misee 3:12

Gelee gə́ nee ɓa gə mbata lə sí-seḭ lé ɓa Sio̰ a tel to gə́ loo-ndɔ Gə́ ndɔ bur-bur ləm, Jerusalem a tel to kɔr mbalje Gə́ tɔs dɔ na̰’d ləma, Dɔ mbal gə́ wɔji dɔ kəi gə́ to gə kəmee lé Semee a tel to ne mee kag-kɔr ləm tɔ.

Misee 6:16

Seḭ ndolèje goo néjiɓeje lə Ɔmri ləm, Gə néraje lə njémeekəije lə Akab ləma, Seḭ njaaje goo ta kwɔji kəmkàrje’g lə dee ləm tɔ. Gelee gə́ nee ɓa m’a kya̰ sí ne dan tuji’g ləm, M’a kar dəw-mee-ɓeeje lə sí Tel to ne nékogo lə dəwje ləm tɔ.

Tel tura Godndu 29:23

ginkoji dəwje gə raŋg lai d’a pana: See gelee ban ɓa Njesigənea̰ ra ne né gə́ togə́bè gə ɓee nee wa. See gelee ban ɓa boo-oŋg gə́ taa pər togə́bè nee teḛ ne wa.

Loo gə́ killa rea kəm Ja̰’g 18:2

Yeḛ pata gə ndia gə́ boi wəl pana: Babilɔn, ɓee-boo lé tuji oso dəa’g aree tuji pugudu ya. Yee nja tel to loo-si ndilje gə́ majel ləm, gə ndilje gə́ mina̰ jɔmri-jɔmri gə́ rara kara ləma, yelje gə́ rara gə́ to ramielje gə́ to kḛji kara deḛ ra ɓee keneŋ ləm tɔ.