Jeremi 8:7 - Maktub gə́ To gə Kəmee

⁷ Yel tira̰-ŋgo̰ gə́ aw tar lé Gər naḭ ləa ləm, Dərnda, gə ləbm-siri, gə dao̰ kara Deḛ tɔs kəm dee bao-bao Dɔ ndɔje’g lə dee gə́ kəm tel ree ne ləm tɔ. Nɛ dəwje lə neḛ Gər godndu Njesigənea̰ el.

Jeremi 8:7 Iomraidhean Croise

Pa gə́ ur dɔ paje 2:12

Puduje nduba rɔ dee ləm, Kàr kɔs pa lə néje lai teḛ mba̰ ləma, Ndu no̰ lə dərnda ɓar Loo-ndɔ’g lə sí ləm tɔ.

Esai 1:3

Bɔ maŋg gər njekulee ləm, Mulayḛ̀ gər bəgərə-sɔ-né ləa Gə́ to rɔ ɓéeje’g ləm tɔ. Nɛ Israɛlje ndigi gər né kára kara el, Kəm koso-dəwje ləm inja dɔ gosonégər’g el.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Esai 5:12

Kṵdu-ka, gə kṵdu-ko̰dè, Gə dalè-bajiŋ, gə buula, gə mán-nduú gə́ mḭ ɓa D’ɔs ne kudu ra naḭje lə dee. Nɛ deḛ d’oo kula ra Njesigənea̰ gə́ né el ləm, Kulaje gə́ jia ra lé d’oo el ləm tɔ.

Jeremi 4:22

Tɔgərɔ ya, koso-dəwje ləm tɔ mbəje, Deḛ gərm el, Deḛ to ŋganje gə́ dɔ dee godo Ar gosonégər lal dee, Kəm dee àr dɔ néra gə́ majel’g ɓa Néra gə́ maji ndá deḛ gər loo rəa el.

Jeremi 5:6

Gelee gə́ nee ɓa Toboḭ gə́ mee kag-kɔr’g tɔl dee ne ləm, Jagmjər gə́ dɔdilaloo’g tuji dee ne ləma, Kàgje d’iya ne rɔ dee no̰ ɓee-booje’g lə dee ləm tɔ, Deḛ lai gə́ d’a kunda loo mee ɓee’g nee teḛ ndá D’a ti dee mbidi-mbidi, Mbata nékal godndu lə dee to yaa̰ ləm, Néra majikojielje lə dee ḭ dɔ maree’d Gə́ kédé-kédé ləm tɔ.

Habakuk 1:4

Bèe ɓa godndu lé siŋgá godo ne ləm, Rəwta-gaŋg kara kul ne kwɔji-kwɔji ləm tɔ, Mbata njemeeyèr lé dum dɔ njera nédana ləm, Njégaŋ-rəwtaje gaŋg ne ta gə goo rəbee el ləm tɔ.

Jakari 5:9

Ma m’un kəm m’aa loo ndá aa oo, denéje joo d’unda loo teḛ. Lel ula bag dee’g, bag dee to keneŋ to gə́ ka̰ ndilili-woḭ bèe. Deḛ d’un karè lé d’aw ne mbuna dara’g gə naŋg’d nee.