Jeremi 8:5 - Maktub gə́ To gə Kəmee

⁵ Ŋga see gelee ban ɓa Koso-dəwje gə́ Jerusalem nee D’ya̰ ne rɔ dee yag loo-ndəm’g lə dee ta-ta wa. Deḛ d’aar njaŋg dɔ sukəmloo’g ləm, Deḛ mbad kɔs badm tel ləm tɔ.

Jeremi 8:5 Iomraidhean Croise

Gosota-Kəmkàrje 4:13

Wa tandoo kɔgərɔ ɓó ya̰ gée el, Ŋgəmee maji mbata Yee ɓa to gə́ kəmə ləi.

Esai 1:20

Nɛ ɓó lé seḭ mbadje ləm, Ɓó lé seḭ ɔsje ta rəw ləm tɔ ndá D’a tuji sí gə kiambas Mbata yee ɓa gə́ né gə́ Njesigənea̰ pa njaŋg ya.

Esai 30:10

Deḛ d’ula njénékooje pana: Maji kar sí toje njénékooje el! Tɔɓəi d’ula njéteggintaje pana: Tegje gintaje gə́ tɔgərɔ ar síje el tɔ. Nɛ taje gə́ ka̰ su kəm loo ɓa ula síje ləm, Tegje gintaje gə́ rii ar síje ləm tɔ!

Esai 44:20

Yeḛ munu bu pər, Mée əree aree ndəm Ndá yeḛ askəm kaji rəa pai godo ləm, Askəm pa pana: Néŋgɔm ɓa to ji neḛ’g lé a pa bèe el ləm tɔ.

Jeremi 14:7

Ɓó lé néraje gə́ kori-kori lə koso-dəwje lə sí D’ɔr ta d’ɔm dɔ sí’g kara Ǝi Njesigənea̰, maji kari ra né Mbata lə sí gə mbata lə rii. Mbata kaltaje lə sí bula yaa̰ ləm, Jeḛ n’raje kaiya j’ɔs ne ta ləi rəw ləm tɔ.

Jeremi 2:32

See mee ŋgoma̰də wəi dɔ néndam’g ləa Esé mee njeŋgao-sigi wəi dɔ mər’g ləa wa. Nɛ koso-dəwje ləm d’ar meḛ dee wəi dɔm’g Ləw ba as ndɔje bula dum tura.

Jeremi 3:5

See yeḛ a kar oŋg ləa to saar wa. See yeḛ a ŋgəm oŋg lé mée’g saar-saar gə no̰ wa. Aa ooje, seḭ paje ta nee ya Nɛ seḭ raje majel kəm sí gə́ kédé-kédé ləm, Seḭ gərje gao ləm tɔ.

Jeremi 5:27

To asəna gə kəi-yel gə́ dəw ra bèe Ɓa ɔm yelje keneŋ aree rusu tub-tub lé Néraje gə́ ŋgɔm taa mee kəije lə dee pəl-pəl togə́bè ləm tɔ. Yee gə́ bèe ɓa deḛ tel to ne Njésiŋgamoŋje ləm, gə baoje ləm tɔ.

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Jeremi 5:6

Gelee gə́ nee ɓa Toboḭ gə́ mee kag-kɔr’g tɔl dee ne ləm, Jagmjər gə́ dɔdilaloo’g tuji dee ne ləma, Kàgje d’iya ne rɔ dee no̰ ɓee-booje’g lə dee ləm tɔ, Deḛ lai gə́ d’a kunda loo mee ɓee’g nee teḛ ndá D’a ti dee mbidi-mbidi, Mbata nékal godndu lə dee to yaa̰ ləm, Néra majikojielje lə dee ḭ dɔ maree’d Gə́ kédé-kédé ləm tɔ.

Jeremi 6:17

M’unda njéŋgəmlooje mbɔr sí’g dəb, Urje mbi sí gèŋ gə mba kooje ne ndu to̰to̰! Nɛ deḛ d’ilá keneŋ pana: Jeḛ j’a kurje mbi sí el.

Jeremi 6:19

I dɔ naŋg neelé maji kari oo ta, Aa oo, m’a gə kar némeeko̰ ree Dɔ koso-dəwje’g neelé Gə goo kandə takə̰jije lə dee, Mbata deḛ d’ur mbi dee Dɔ taje’g ləm el ləm, Deḛ d’ə̰ji godndum bəḭ-bəḭ ləm tɔ.

Jeremi 9:6

Gelee gə́ nee ɓa Njesigənea̰ gə́ njeboo-néje Pa ne togə́bè pana: Aa ooje, m’a kur meḛ dee Gə mba naa dee. See ɗi gə́ raŋg tɔɓəi ɓa M’a ra gə koso-dəwje ləm ɓəi wa.

Loo gə́ killa rea kəm Daniel’g 9:11

Israɛlje lai d’al ta ta godnduije’g ləm, deḛ d’uba rəw ləi d’ya̰ d’oo ne ndui el ləm tɔ. Togə́bè ɓa ta ndɔlje gə ndu manje gə́ ndaŋg taree mee maktub godndu Moyis’g, kura lə Ala wa ne dɔ sí gə mbəa, mbata jeḛ n’raje kaiya, j’ɔsje ne ta lə Ala rəw.

Ojee 11:5

D’a tel kaw mee ɓee gə́ Ejiptə el, Nɛ dəw gə́ Asiri ɓa a to mbai lə dee Mbata deḛ mbad kɔs badm tel ree rɔ neḛ’g.

Ojee 11:7

Koso-dəwje lə neḛ d’unda rɔ dee ɓad rɔ neḛ’g ta-ta. Deḛ ɓar dee gə́ rɔ Njekurdɔloo’g Nɛ dəw kára kara ila riɓar dəa’g el.

Ojee 13:2

Ɓasinè lé d’aar njaŋg dɔ kaiya ra dee’g ləm, Deḛ léḛ larnda lə dee gə́ néndajije Ar dee to magəje lə dee gə goo takə̰jije lə dee ləm tɔ. Néje lai neelé to kula ra njégər goso kulaje. Dəwje pata d’wɔji ne dɔ dee pana: Maji kar deḛ gə́ d’inja néməs d’ar dee lé Ton néndaji ŋgan maŋgje gə ndo̰ dee.

Ojee 4:16

Mbata Israɛlje d’al ta to gə́ ko̰ maŋg gə́ ndigi kar dee d’ila néməməna̰ gwɔbee’g el bèe. Ɓasinè lé see Njesigənea̰ a kar dee d’ulee to gə́ ŋgon badə gə́ d’ulee ndag-loo ko̰ mu’g bèe wa.

Jakari 7:11

Nɛ deḛ ndigi koo ta el ləm, deḛ d’ɔs bag dee gə́ tar gə kəsta ləma, d’ɔs mbi dee jigi d’udu nà d’a koo ne ləm tɔ.

Tagə́maji gə́ Ja̰ ndang 5:40

Seḭ ndigije reeje rɔm’g gə mba kisi ne gə kəmə lé el.

1 Njé gə́ Tesalonikə 5:21

Nɛ tenje néje lai, waje meḛ sí ndər dɔ néje gə́ maji’g.

Ǝbrəje 12:25

Meḛ sí dɔ rɔ sí’g! Yeḛ gə́ ula sí ta lé uduje mbi sí dɔ ta’g ləa el. Mbata deḛ gə́ d’udu mbi dee dɔ ta’g lə yeḛ gə́ ndəji dee dɔ naŋg neelé deḛ teḛ ne ta yoo’g el, nɛ ɓəd ɓa see jeḛ gə́ j’udu mbi sí dɔ ta’g lə yeḛ gə́ si dara lé see j’a teḛ ta yoo’g loo gə́ ra wa.

Loo gə́ killa rea kəm Ja̰’g 2:25

Nɛ dɔgea̰ gə́ nai gə́ seḭ iŋgaje lé waje kɔgərɔ saar m’a ree keneŋ ɓəi.