Jeremi 8:2 - Maktub gə́ To gə Kəmee

² D’a naji dee kəm kàr’g, gə kəm naḭ’g, gə kəm nékundaje gə́ dará gə́ deḛ d’unda dee dan kəm dee’g pole dee ne ləm, gə́ d’un rəw goo dee’g ləm, gə deḛ saŋg dee ləma, gə d’unda barmba no̰ dee’g ləm tɔ. Dəw a mbo̰ dee dɔ na̰’d el ləm, d’a dubu dee el ləm tɔ nɛ d’a to kasəna gə ɓiri-ɓisi gə́ to dɔ naŋg’d bèe.

Jeremi 8:2 Iomraidhean Croise

2 Mbaije 17:16

Deḛ d’uba ndukunje lə Njesigənea̰, Ala lə deḛ lai d’ya̰ ləm, dee léḛ larndul ndaji ne ŋgan maŋgje joo mbata lə dee ləm, dee ra magəje gə́ ri dee lə Astarte ləm, dee d’unda barmba dəb kəm dee naŋg no̰ boo-néje’g lai gə́ dara ləma, dee ra né d’ar magə-Baal ləm tɔ.

2 Mbaije 21:3

Yeḛ tel uba dɔ looje gə́ ndəw gə́ bɔbeeje Ejekias tuji dee kédé lé ləm, yeḛ unda loo-nékinjanéməsje ar magə-Baal ləm, yeḛ ra magə-Astarté to gə́ Akab, mbai gə́ Israɛl ra ləma, yeḛ unda barmba no̰ boo-néje lai gə́ dara pole dee ne ləm tɔ.

2 Mbaije 21:5

Yeḛ unda loo-nékinjanéməsje ar boo-néje gə́ dara mee gadlooje joo gə́ to mee ndògo gə́ wɔji dɔ kəi lə Njesigənea̰ lé.

2 Mbaije 23:5

Yeḛ tɔl njékinjanéməsje gə́ wɔji dɔ magəje gə́ mbaije gə́ Juda mbər dee mba kar dee roo néje gə́ ə̰də sululu dɔ looje’d gə́ ndəw-ndəw gə́ to mee ɓee-booje’d gə́ Juda ləm, gə looje gə́ gugu dɔ Jerusalem ləm tɔ. Tɔɓəi yeḛ tɔb dee gə́ njéroo néje gə́ ə̰də sululu kar magə-Baal ləm, gə kàr ləm, gə naḭ ləm, gə boo-kéréméje ləma, gə boo-néje lai gə́ dara ləm tɔ.

Pakɔsje 53:5

Deḛ gə́ ra néje gə́ yèr lé See dee gər rəbee el wa. Deḛ gaŋg dəwje ləm mbidi-mbidi D’ar dee to gə́ nésɔ lə dee, Deḛ ɓar ri Ala bèe el.

Pakɔsje 83:10

Maji kari ra sə dee to gə́ i ra gə Madian gə Sisera Gə Jabḭ mbɔr mán gə́ Kiso̰’g bèe ya.

Pakɔsje 83:11

Deḛ lé tuji pugudu mee ɓee gə́ En-Dɔr’g Ar nin dee tel to asəna gə siḭ néje gə́ d’ɔm naŋg bèe.

Njekillamber 6:3

Ɓó lé dəw oji ŋganje tɔl (100) ləm, Si kəmba ləbee bula ləma, Ar ndɔje gə́ wɔji dɔ ləbje d’ḭ dɔ maree’g gə́ kédé-kédé ləm tɔ Nɛ ɓó lé yeḛ si dan maji’g el ləm, Ɓó lé dɔɓaree kara godo ləm tɔ ndá Ma m’pana: Ŋgon gə́ d’ɔree gə́ kɔr ya kara maji undá.

Jeremi 14:16

Nɛ dəwje gə́ tegginta d’ar dee lé ɓoo-boo gə kiambas a kar dee to naŋg rib-rib mba̰-rəwje gə́ Jerusalem. Dəw kára kara a nai mba dubu dee-deḛ əsé denéje lə dee əsé ŋgan deeje gə́ diŋgam əsé njé gə́ dené lé el. Yee ɓa gə́ bo̰ néra majel lə dee gə́ n’a karee ɔs ta dee’g ya.

Jeremi 16:11

Ndá i a kila dee keneŋ pana: Bɔ síje-je d’ubam d’ya̰m, Njesigənea̰ ɓa pa bèe. Deḛ d’aw goo magəje’g ɓa pole dee ləm, d’unda barmba no̰ dee’g ləm tɔ. Deḛ d’ubam d’ya̰m ɓó deḛ d’ila koji dɔ godndu’g ləm el.

Jeremi 16:4

D’a kwəi yoo rɔko̰, ndá d’a no̰ dee el ləm, d’a dubu dee el ləm tɔ, d’a tel to asəna gə siḭ néje dɔ naŋg’d ləm, d’a kwəi yoo-kiambas gə yoo ɓoo-boo ləm tɔ ndá nin dee a tel to nésɔ lə yelje gə daje gə́ dɔ naŋg nee.

Jeremi 16:6

Dəwje gə́ boo-boo gə dəwje gə́ gɔ-gɔ d’a kwəi mee ɓee’g neelé. D’a dubu dee el ləm, d’a no̰ dee el ləm, d’a tḭja rɔ dee pədərə-pədərə mbata lə dee el ləma, d’a ndisa dɔ dee ŋgori-ŋgori gə mbata lə dee el ləm tɔ.

Jeremi 19:13

Kəije gə́ Jerusalem ləm, gə kəije lə mbaije gə́ Juda ləm, dɔ kəije lai gə́ d’aw roo né gə́ ə̰də sululu keneŋ d’ar boo-nékundaje lai gə́ dara ləma, gə d’un nékar gə́ ka̰ saga naŋg d’ar magəje ləm tɔ lé d’a mina̰ to gə́ loo gə́ Topet bèe.

Jeremi 22:19

Dɔɓaree a kasəna gə ka̰ mulayḛ̀je bèe, D’a ndɔree naŋg kaw kilá gir tarəwkɔgje gə́ Jerusalem.

Jeremi 25:33

Deḛ gə́ Njesigənea̰ a tɔl dee mee ndəa’g neelé d’a to naŋg rib-rib un kudee dəb naŋg gə́ kel kára’g saar teḛ ne debee gə́ kel gə́ raŋg’d. D’a no̰ dee el ləm, d’a kodo yoo dee el ləma, d’a dubu dee el ləm tɔ. D’a to asəna gə siḭ néje gə́ dɔ naŋg’d bèe.

Jeremi 31:40

Wəl-loo kɔm nin dəwje gə́ bu to keneŋ lai ləm, gə loo-ndɔje lai saar teḛ ne kəm-rəw-mán gə́ Sedro̰ ləma, saar teḛ ne kil tarəwkɔg gə́ ria lə Rəw-kaw-kundaje gə́ to par gə́ bər ləm tɔ lé d’a kunda dee gə kəmee kar Njesigənea̰ ndá d’a koso nda̰ el ləm, d’a tuji nda̰ el ləm tɔ saar gə no̰.

Jeremi 36:30

Gelee gə́ nee ɓa Njesigənea̰ pa ne ta togə́bè dɔ Jojakim’g, mbai gə́ Juda lé pana: Dəw ləa kára kara a si dɔ kali mbai’g lə Dabid el ləm, ninee a to naŋg loo-nuŋga’g lə kàr gə loo-kul’g lə loondul ləm tɔ.

Jeremi 9:20

Mbata yoo andə kəmbolè kəije’g lə sí ləm, Yee andə mee kəi-mbaije’g lə sí ləm tɔ, Yee tɔl ŋganje mba̰-rəwje’g ləm, Yee tɔl basaje ndaa-looje’g ləm tɔ.

Jeremi 9:21

Jeremi, maji kari ula dee pana: Njesigənea̰ pa togə́bè pana: Nin dəwje d’a to naŋg To gə́ siḭ néje to ne mee ndɔje’g bèe ləm, To gə́ dɔ koje nai ne goo njekinjako’d Gə́ dəw odo dee el bèe ləm tɔ.

Jeremi 9:22

Njesigənea̰ pa togə́bè pana: Maji kar njekəmkàr ɔs gaji rəa dɔ kəmkàr’g ləa el ləm, Maji kar njesiŋgamoŋ ɔs gaji rəa dɔ siŋgamoŋ’d ləa el ləma, Maji kar bao ɔs gaji rəa dɔ nébao’g ləa el ləm tɔ.

Ejekel 29:5

N’a rɔgi piriŋ kilai dɔdilaloo’g, i gə ka̰jije lai gə́ dan baa-boo’g ləi. I a koso mee ndɔje’g nɛ dəw a kuni kundai tar el ləm, a dubi el ləm tɔ. N’a kari tel to nésɔ lə daje gə yelje.

Ejekel 39:5

I a kwəi mee wala’g mbata neḛ Mbaidɔmbaije gə́ Njesigənea̰ ɓa n’pa taree,

Ejekel 6:5

N’a kɔm nin Israɛlje no̰ magəje’g lə dee ləm, n’a sané sḭgarɔ sí kad-kad gir loo-nékinjanéməsje’g lə sí ləm tɔ.

Ejekel 8:16

Tɔɓəi yeḛ ɔr nɔm aw səm mee gadloo’g mee kəi’g lə Njesigənea̰. Ndá aa oo, dəwje d’as rɔ-joo-gir-dee-mi d’aar tarəw kandə mee kəi’g lə Njesigənea̰ mbuna gel jala’g gə loo-kḭjanéməs’g. Deḛ tel gir dee d’ila d’ar kəi lə Njesigənea̰ ndá tel kəm dee par gə́ bər. Deḛ d’unda barmba par gə́ bər dəb kəm dee naŋg no̰ kàr’g.

Soponi 1:17

N’a kɔm dəwje dan néɓəŋgərətije’g ləm, N’a kar dee njaa asəna gə njékəmtɔje bèe ləm tɔ Mbata deḛ ra kaiya d’ɔs ne ta lə Njesigənea̰ rəw, N’a saga məs dee naŋg to gə́ babur bèe ləm, N’a kɔm dakasrɔ dee dɔ ɓiri-ɓisi’g ləm tɔ.

Soponi 1:5

N’a tuji deḛ gə́ d’unda barmba dɔ kəije’d gə́ tar no̰ boo-néje gə́ dara’g ləm, Gə deḛ gə́ d’unda barmba d’ubu ne rɔ dee gə ri Njesigənea̰ Esé gə ri mbai lə dee ləm tɔ lé

Néra Njékaḭkulaje 7:42

Yen ŋga mee Ala tel sə dee gel aree sula dee ne sɔgɔ dan népole gə́ wɔji dɔ boo-néje gə́ dara, to gə́ deḛ ndaŋg ne taree mee maktub’g lə njéteggintaje’g pana: Seḭ ŋgaka Israɛlje gə́ kojikəi lé Loo gə́ seḭ awje dɔdilaloo’g as ləb sí rɔ-sɔ lé See seḭ injaje nékulje gə́ nékinjanéməsje amje wa.

Tel tura Godndu 17:3

aw ne rɔ magəje’g gə mba pole dee kunda ne barmba no̰ dee’g, lé to gə́ kàr əsé gə́ naḭ əsé boo-néje lai gə́ dara kara, to gə́ ndum ma el.

Tel tura Godndu 4:19

Meḛ sí dɔ rɔ sí’g, nà loo gə́ seḭ a kunje kəm sí par gə́ dara gə mba koo kàr, gə naḭ, gə kéréméje gə boo-nékundaje lai gə́ to mee dara’g ndá d’a ndɔr sí kar sí undaje barmba, dəbje kəm sí naŋg no̰ dee’g, gə mba kwa dee meḛ sí’g: néje lai neelé Ala lə sí gə́ Njesigənea̰ ra dee ar koso-dəwje lai gə́ d’isi dɔ naŋg nee gə́ né ka̰ dee.