Jeremi 8:13 - Maktub gə́ To gə Kəmee

¹³ Ma m’ndigi kar dee d’udu guduru, Njesigənea̰ ɓa pa bèe. Kandə nduú a godo rɔ nduú’g ləm, Kandə kodé a godo rɔ kodé’g ləma, Kam dee a ndòlé ləm tɔ, Néje lai gə́ ma m’ar dee kédé lé D’a sané pá rɔ dee’g.

Jeremi 8:13 Iomraidhean Croise

Esai 5:10

Ŋgan ndɔ-nduú dɔg ndá manee a kas litər rɔ-mi el ləm, Kandə kó gə́ ka̰ dubu as nékwɔji kwɔi-lə-né tɔl (100) Ndá a kandə gə ka̰dee as nékwɔji kwɔi-lə-né dɔg ba ləm tɔ.

Jeremi 14:12

Ɓó lé d’ɔg meḛ dee ɓoo kara n’a koo ndu no̰ lə dee el ləm, əsé lé d’un nékinjanéməsje gə́ ka̰ roo əsé nékarje kara n’a taa el ləm tɔ. Mbata neḛ ndigi tuji dəwje neelé gə kiambas ləm, gə ɓoo-boo ləma, gə yoo-koso ləm tɔ.

Jeremi 14:15

Gelee gə́ nee ɓa Njesigənea̰ pata nee wɔji ne dɔ njéteggintaje gə́ tegginta gə ria lal karee ula dee ləm, deḛ gə́ pa pana: Dəw a koo kiambas əsé ɓoo-boo mee ɓee’g neelé el ləm tɔ lé pana: Njéteggintaje neelé d’a kwəi yoo-kiambas ləm, gə yoo ɓoo-boo ləm tɔ.

Jeremi 17:8

Yeḛ to asəna gə kag gə́ mea̰ mbɔr mán’g Gə́ ula ŋgira par gə́ kəm-rəw-mán’g, Yeḛ oo kɔs lə kàr gə́ né el ləm, Kamee kara ndolé el ləm tɔ. Mee ləb gə́ loo tudu keneŋ lé Yeḛ ɓəl el ləm, Yeḛ lal kandə el ləm tɔ.

Jeremi 5:17

D’a rɔm koje lə sí lai gə muru lə sí ləm, D’a tɔl ŋgan síje gə́ diŋgam gə njé gə́ dené ləm, D’a sɔ badje gə maŋgje lə sí ləm, D’a sɔ nduúje gə kodéje lə sí ləma, D’a tuji ɓee-booje lə sí gə́ siŋga dee to Gə́ seḭ ɔmje meḛ sí dɔ’g lé Gə kiambas ləm tɔ.

Jeremi 7:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, m’a kar oŋg ləm gə oŋg-boo ləm taa loo gə́ neelé yal-yal. A kɔm dɔ dəwje’g, gə dɔ daje’g, gə dɔ kagje gə́ mee ndɔje’g, gə dɔ kandə néje gə́ naŋg nee tɔ, oŋg neelé a ko̰ to gə́ pər bèe ndá a kwəi nda̰ el.

Ejekel 22:31

Yen ŋga n’a kɔm boo-oŋg lə neḛ dɔ dee’g ləm, n’a roo dee dula-dula gə pər oŋg lə neḛ ləma, n’a kar ta néra deeje tel wa dɔ dee ləm tɔ. Mbaidɔmbaije gə́ Njesigənea̰ ɓa pa bèe.

Ojee 2:12

Bèe ɓa ɓasinè n’a kɔr kubu kudee’g kəm njéto səaje’g Ndá dəw kára kara a kɔree ji neḛ’g el.

Joɛl 1:7

Deḛ tuji kag-nduúje ləm ləm, Deḛ guru kag-kodé ləm rug-rug ləm, Deḛ tusu ŋgɔyee ŋgəu-ŋgəu d’ɔm naŋg ləma, Barkəm nduúje tel ndá pal-pal ləm tɔ.

Ləbije 26:20

Seḭ a saneje siŋga sí kari ba ləm, dɔ naŋg lə sí a kinja gə né el ləma, kagje gə́ dɔ naŋg ɓee’g lə sí kara d’a kandə el ləm tɔ.

Habakuk 3:17

Mbata kag-kodé a pudu el ləm, Kag-nduú kara ka̰dee a godo ləm, Kandə kag-koiyo a godo ləma, D’a kiŋga nésɔje gə́ mee ndɔje’g el ləm tɔ. Badje d’a godo loo-kaar dee’g ləm, Maŋgje kara a koo dee loo-sɔ-né’g lə dee el ləm tɔ.

Ajee 1:11

Neḛ n’ila loo-tudu dɔ ɓee’g gə dɔ mbalje’g ləm, gə dɔ kó’g gə mán-nduú’g, gə ubu’g ləm, gə dɔ né gə́ naŋg a kaskəm kar sí’g ləm, gə dɔ dəwje’g gə dɔ daje’g ləma, gə dɔ kulaje lai gə́ ji dəwje ra ləm tɔ.

Ajee 2:17

Neḛ n’ar rɔko̰ rɔ-kwa-moro ɗugugu-ɗugugu ləm, gə mia̰je ləma, gə ndi-kwɔji ləm tɔ tuji kó lə sí. Neḛ n’tuji kulaje lai gə́ seḭ raje gə ji sí tɔ. Nɛ lé bèe kara seḭ tel reeje rɔ neḛ Njesigənea̰’g el ya ɓəi.

Malasi 3:11

Néje gə́ d’a gə tuji kó lə sí lé m’a ndaŋg dee mbata lə sí ndá d’a tuji dɔ kó lə sí gə́ a gə teḛ mbi lé el ləm, nduú gə́ mee ndɔje’g lə sí kara d’a lal kandə el ləm tɔ. Njesigənea̰ gə́ njeboo-néje lé ɓa pa bèe.

Matiyo 21:19

Jeju aa loo oo kodé dɔ ji rəw gə́ wala bèe. Yeḛ aw pər gə́ keneŋ ndá kamee ɓa yeḛ oo. Yen ɓa yeḛ pana: I a kandə gogo el nja saar gə no̰. Léegəneeya kodé lé wəi wuu, tudu kurum.

Maktub gə́ Jak ula ne ar ngan-Allaje 1:11

Kàr uba dor ɔs keḭ-keḭ ar mu ndòlé ləm, ar puduje gəḭ ləma, ar majee gə́ bə̰dərə bə̰ lé sané kad ləm tɔ. Togə́bè ɓa, bao kara a dəs koso kas loo-kula’g ləa bèe tɔ.