Jeremi 8:12 - Maktub gə́ To gə Kəmee

¹² D’a si gə rɔkul mbata deḛ ra néje gə́ mina̰, Rɔkul ra dee el ləm, sɔḭ wa kəm dee el ləm tɔ. Gelee gə́ nee ɓa d’a koso na̰’d Gə deḛ gə́ d’oso lé ləm, N’a tɔs dee tila dee Loo gə́ n’a kar bo̰ néra dee ɔs ta dee’g ləm tɔ. Njesigənea̰ ɓa pa bèe.

Jeremi 8:12 Iomraidhean Croise

Gḭ-Néje 19:34

Bèlè lookàree, ŋgondər lé ula yeḛ gə́ ndɔḭ pana: Aa oo, tagə́nè loondul’g lé ma m’to gə bɔm ya. Maji kar sí j’aree mán-nduú gə́ mḭ lé ai loondul’g nee ya tɔɓəi ndá i lé aw to səa to ɓó gə mba kar sí yel ne kó ka bɔ síje lé.

Pakɔsje 52:1

Pakɔs lə Dabid gə́ ar bao-pa mba karee ɔs sə dee lé.

Pakɔsje 52:7

Gelee gə́ nee ɓa Ala a kari udu bo̰, Yeḛ a kwai kɔri mee kəi-kubu’g ləi ya, Yeḛ a kɔri gə ŋgirai naŋg ɓugudu Mbuna dəwje gə́ d’aw kəmba’g lé ya tɔ.

Esai 24:2

A to kwɔji dɔ njekinjanéməs gə koso-dəwje ləm, A to kwɔji dɔ mbai gə kura ləa ləm, A to kwɔji dɔ njekəi gə́ dené gə ŋgonjelookisi ləa gə́ dené ləm, A to kwɔji dɔ njerab-né gə njendogee ləm, A to kwɔji dɔ njekar maree tona né gə njetaa né jia’g ləma, A to kwɔji dɔ njekunda ɓaŋg dɔ maree’g gə njetaa né tel kəmee ləm tɔ.

Esai 3:9

Kəm dee-deḛ ya ɔr ta ila dɔ dee’g ləm, Néra majelje lə dee lé d’ila mberee wəl-wəl To gə́ ka̰ njé gə́ Sɔdɔm Ɓó d’iya dəa el ləm tɔ. Meeko̰ a koso dɔ dee’g Mbata deḛ d’wa dɔ gɔl néje gə́ majel Gə́ a gə tel koso dɔ dee-deḛ’g ya.

Jeremi 10:15

Deḛ to néje gə́ mḭdé ba ləm, To nésukəmloo ləm tɔ. Loo gə́ bo̰ néra dee a kɔs ta dee’g ndá D’a tuji pugudu-pugudu.

Jeremi 14:15

Gelee gə́ nee ɓa Njesigənea̰ pata nee wɔji ne dɔ njéteggintaje gə́ tegginta gə ria lal karee ula dee ləm, deḛ gə́ pa pana: Dəw a koo kiambas əsé ɓoo-boo mee ɓee’g neelé el ləm tɔ lé pana: Njéteggintaje neelé d’a kwəi yoo-kiambas ləm, gə yoo ɓoo-boo ləm tɔ.

Jeremi 23:12

Gelee gə́ nee ɓa Rəw-kaw dee a kaḭgəm ləm, A ndul ndiŋ-ndiŋ ləm tɔ. D’a tɔs dee tila dee, Mbata n’a kar némeeko̰ teḛ dɔ dee’g Mee ləb gə́ n’a kar bo̰ néra dee Ɔs ta dee’g keneŋ lé. Njesigənea̰ ɓa pa bèe.

Jeremi 3:3

Togə́bè ɓa ma m’ɔg ndi kər ləm, Ndi dɔ naḭ lal kər ləm tɔ, Nɛ seḭ ndoḭje kəm sí nda̰-nda̰ To gə́ ka̰ kaiya-dené bèe Ɓó seḭ ndigije kar rɔkul wa kəm sí el.

Jeremi 44:10

Saar ɓogənè lé deḛ d’ula dɔ dee el ləm, deḛ ɓəl el ləma, deḛ ra godndum gə torndum gə́ m’unda no̰ sí’g gə no̰ bɔ síje-je’g lé el ləm tɔ.

Jeremi 6:15

D’a si gə rɔkul Mbata deḛ ra né gə́ mina̰, Rɔkul ra dee el ləm, sɔḭ wa kəm dee el ləm tɔ, Gelee gə́ nee ɓa d’a koso na̰’d Gə deḛ gə́ d’oso lé ləm, M’a tɔs dee tila dee Loo gə́ m’a kar bo̰ néra dee ɔs ta dee’g ləm tɔ, Njesigənea̰ ɓa pa bèe.

Jeremi 6:21

Gelee gə́ nee ɓa Njesigənea̰ pa ne pana: Aa ooje, m’a kar kɔr mbalje To no̰ koso-dəwje’g neelé Gə́ nétuga gɔl dee ya, Ndá bɔ ŋganje gə ŋgan deeje gə́ diŋgam ləm, Njéboataɓeeje gə baokuraje lə dee ləm D’a tuga gɔl dee keneŋ Ndá d’a kudu ne guduru.

Ejekel 23:18

Néra kaiya-dené ləa lé to raga pai-pai, yeḛ ya̰ kudee dum, bèe ɓa mee neḛ tel ndigee el to gə́ mee neḛ tel ndigi ne ŋgokea̰ gə́ dené el lé bèe tɔ.

Ojee 5:9

Ndɔ gə́ m’a kar bo̰ néra dee ɔs ta dee’g Ndá Eprayimje d’a godo péd-péd, Ma m’ula ginkoji Israɛlje né gə́ a teḛ tɔgərɔ ya.

Soponi 3:5

Njesigənea̰ to njera né gə dɔ najee mbuna dee’g Ɓó yeḛ ra né gə́ majel kára kara el. Teḛ gə ndɔ gə ndɔje kára-kára lai lé Yeḛ riba dɔ rəwta ləa ar dee d’oo Ɓó lal gɔl kára el. Nɛ njémeeyèrje lé rɔkul ra dee el!

Tel tura Godndu 32:35

Dalba̰ gə bo̰ néra lé wɔji dɔm ma nja, Loo gə́ gɔl dee a gə kunda ndolé, Mbata ndɔ nékəmndooje lə dee nai dəb ləm, Né gə́ to ŋgina dee lé kara A tila gə́ tila el ləm tɔ.

Njé gə́ Pilibə 3:19

Bo̰ néra dee gə́ a kɔs ta dee’g lé yee ɓa to tuji gə́ d’a tuji ne gə no̰ ya. Golé meḛ dee ɓa gə́ Ala lə dee ləm, nérɔkul gə́ deḛ ra lé deḛ beelé dɔ’g ləma, néje gə́ dɔ naŋg ya kára ba ɓa wa meḛ dee ləm tɔ.