Jeremi 8:1 - Maktub gə́ To gə Kəmee

¹ Njesigənea̰ pana: Mee ndəa’g neelé d’a teg siŋga mbaije gə́ Juda ləm, gə siŋga ŋgan-mbaije ləa ləm, gə siŋga njékinjanéməsje ləm, gə siŋga njéteggintaje ləma, gə siŋga dəw-mee-ɓeeje gə́ Jerusalem ləm tɔ loo-dubu dee’g.

Jeremi 8:1 Iomraidhean Croise

1 Mbaije 13:2

Yeḛ pata gə ndia gə́ boi wəl ila ne ndɔl dɔ loo-nékinjaməs’g lé gə goo ta gə́ Njesigənea̰ pa lé pana: Loo-nékinjaməs! Loo-nékinjaməs! Njesigənea̰ pa togə́bè pana: Aa ooje, d’a koji ŋgon gə́ diŋgam mee kəi’g lə Dabid, d’a kunda ria lə Jojias, yeḛ a tɔl njékinjanéməsje gə́ wɔji dɔ looje gə́ ndəw dɔi’g, deḛ gə́ d’aw roo néje gə́ ə̰də sululu dɔi’g lé tɔɓəi siŋga dəwje kara d’a roo dɔi’g tɔ.

2 Mbaije 23:16

Jojias ɔm rəd oo dɔɓarje gə́ to dɔ mbal’g ndá yeḛ ula dəwje ar dee d’aw d’odo siŋgaje mee dɔɓarje’g tɔɓəi yeḛ roo dee dɔ loo-nékinjaməs’g aree tel to ne né gə́ to kḛji gə goo taree gə́ Njesigənea̰ pa gə ndu dəw lə Ala gə́ njepa ta néje neelé.

2 Mbaije 23:20

Yeḛ tɔl njékinjanéməsje lai gə́ wɔji dɔ looje gə́ ndəw gə́ d’isi lée’g neelé dɔ loo-nékinjaməs’g ndá yeḛ roo siŋga dəwje dɔ’g tɔ. Yen ŋga yeḛ tel aw Jerusalem gogo.

2 Mbaije 9:37

Ndá nin Jejabel a to mee ndɔ gə́ Jisreel to gə́ siḭ néje gə́ to dɔ naŋg’d bèe gə mba kar dəw pana: Jejabel ɓa to’n el tɔ.

Pakɔsje 53:5

Deḛ gə́ ra néje gə́ yèr lé See dee gər rəbee el wa. Deḛ gaŋg dəwje ləm mbidi-mbidi D’ar dee to gə́ nésɔ lə dee, Deḛ ɓar ri Ala bèe el.

Jeremi 14:16

Nɛ dəwje gə́ tegginta d’ar dee lé ɓoo-boo gə kiambas a kar dee to naŋg rib-rib mba̰-rəwje gə́ Jerusalem. Dəw kára kara a nai mba dubu dee-deḛ əsé denéje lə dee əsé ŋgan deeje gə́ diŋgam əsé njé gə́ dené lé el. Yee ɓa gə́ bo̰ néra majel lə dee gə́ n’a karee ɔs ta dee’g ya.

Ejekel 37:1

Ji Njesigənea̰ to dɔm’g ndá Njesigənea̰ ar ndilee unm aw səm ilam mee wəl-loo’g loo gə́ siŋga dəwje to keneŋ njɔg-njɔg.

Ejekel 6:4

D’a tuji loo-nékinjanéməsje lə sí pugudu-pugudu ləm, néndajije lə sí gə́ wɔji dɔ kàr lé d’a tɔ dee pɔs-pɔs ləm tɔ. Tɔɓəi n’a kar yoo-dəwje lə sí to naŋg rib-rib no̰ magəje’g lə sí.

Ejekel 6:5

N’a kɔm nin Israɛlje no̰ magəje’g lə dee ləm, n’a sané sḭgarɔ sí kad-kad gir loo-nékinjanéməsje’g lə sí ləm tɔ.

Amɔs 2:1

Njesigənea̰ ɓa pa togə́bè pana: Gə mbata kaiya ra Moabje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ roo siŋga mbai gə́ Edɔm Ar buée ndá to gə́ pɔrɔ bèe.