Jeremi 7:7 - Maktub gə́ To gə Kəmee

⁷ m’a kya̰ sí kar sí síje lée’g neelé mee ɓee gə́ ma m’ar bɔ síje-je kédé par-par saar gə no̰ lé.

Jeremi 7:7 Iomraidhean Croise

2 Sôrta Gḭka Israɛlje 33:8

Ɓó lé deḛ d’aa dɔ godnduje lai gə ndukunje gə́ m’un m’ar dee gə ndu Moyis lé ra née ndá ɓee gə́ ma m’wɔji m’ar bɔ deeje-je lé m’a kar dee d’ḭ keneŋ d’unda loo teḛ d’aw raŋg el ŋga.

Teḛ-Raga 22:22

Ɓó lé seḭ ulaje kəm dee ndòo ɓa deḛ ree ne rɔm’g ndá m’a koo ndu no̰ lə dee ya.

Esai 1:19

Ɓó lé seḭ ḭje gə meḛ sí Mba koo ne ta ləm ndá Seḭ a sɔje némajije Gə́ ur dɔ mareeje mee ɓee’g neelé,

Jeremi 25:5

Deḛ pana: Nana kara maji karee ɔs badm tel ya̰ rəw-kabee gə́ majel ləm, ya̰ goo néra meeyèrje ləa ləm tɔ ndá seḭ a síje mee ɓee gə́ n’ar sí-seḭ gə bɔ síje-je lé saar-saar gə no̰.

Jeremi 26:13

Ɓasinè, maji kar sí gɔlje panjaa sí ləm, gə néra sí ləma, ooje ndu Ala lə sí gə́ Njesigənea̰ gə́ ɓar ləm tɔ, yen ɓa Njesigənea̰ a kya̰ ne goo némajel gə́ yeḛ pa taree wɔji ne dɔ sí lé ɓəi.

Jeremi 3:18

Mee ndəaje’g neelé gel-bɔje lə Juda d’a kɔm na̰’d gə gel-bɔje lə Israɛl, d’a kḭ na̰’d mee ɓee gə́ dɔgel kaw mee ɓee gə́ ma m’ar bɔ deeje-je gə́ né ka̰ dee lé.

Jeremi 35:15

Ma m’ula kuraje ləm lai gə́ to njéteggintaje rɔ sí’g, un kudee gə ndɔ rad ya m’ula dee m’ar dee d’aw d’ula sí pana: Ɔsje badm telje dɔ panjaa sí gə́ majel’g ləm, tel gɔlje néra síje ləma, awje goo magəje gə mba pole dee el ləm tɔ ndá seḭ a síje mee ɓee gə́ m’ar sí ləm, gə m’ar bɔ síje-je ləm tɔ. Nɛ seḭ tugaje mbi sí ooje ne ta ləm el ləm, seḭ unje mbi sí rəw dɔ’g ləm tɔ.

Jeremi 4:1

Seḭ Israɛlje, ɓó lé seḭ telje Seḭ tel reeje rɔm’g, Njesigənea̰ ɓa pa bèe. Ɓó lé seḭ tɔrje néje gə́ mina̰ nɔm’g Ndá seḭ a kilaje tar mbir-mbir el ŋga.

Soponi 3:7

Ma m’pana: Ɓó lé seḭ ndigije ndá a ɓəlmje ɓa A taaje takwɔji-kəmkàr Ndá loo-si sí a tuji el ləm, Némajelje lai gə́ m’wɔji mba ra sə sí lé D’a teḛ dɔ sí’g el ləm tɔ. Nɛ dee d’ɔs rɔ dee ɓad Mba kar néra dee majel gə́ kédé-kédé.

Tel tura Godndu 4:40

Maji kar sí aaje dɔ godndiaje gə ndukunje ləa gə́ m’tɔji sí ɓogənè mba kar sí síje ne dan rɔlel’g, seḭ gə ŋgan síje gə́ goo sí’g ləm, mba kar ndɔje lə sí d’ḭ ne dɔ maree’g mee ɓee gə́ Ala lə sí gə́ Njesigənea̰ ar sí ləm tɔ.