Jeremi 7:34 - Maktub gə́ To gə Kəmee

³⁴ Mee ɓee-booje gə́ Juda gə mba̰-rəwje gə́ Jerusalem lé m’a kar ndu rɔlel gə ndu kalrɔ, gə pakɔs lə njedené-sigi gə pakɔs lə njeŋgao-sigi d’a godo keneŋ, mbata ɓee a tel to dɔ nduba ya.

Jeremi 7:34 Iomraidhean Croise

Maktub gə́ wɔji dɔ Jɔb 3:7

Oiyo, maji kar mee tilee’g neelé to mee til gə́ kəm keskèm keneŋ el ləm, Maji kar ndu rɔlel ɓar keneŋ el ləm tɔ.

Pakɔsje 78:63

Pər ḭ roo basaje ləa lé dula-dula ləm, Ŋganeeje gə́ ma̰də lé d’ɔs pa pidi dee ne el ləm tɔ.

Esai 1:7

Ɓee lə sí to nduba ləm, Pər roo ɓee-booje lə sí ləm, Dəw-dɔ-ɓeeje tuji ndɔje lə sí, Kəm sí’g ya pugudu-pugudu ləma, Deḛ d’undá naŋg rə̰dəŋ-rə̰dəŋ Gə tuji pugudu-pugudu To gə́ dəw-mee-kɔrje bèe ləm tɔ.

Esai 3:26

Denéje d’a no̰ kwa ne ndòo yoo tarəwkɔgje gə́ Sio̰, Némajije d’a godo rɔ dee’g ndá d’a si naŋg kari ba.

Esai 6:11

Ma m’dəjee m’pana: See a to bèe saar ndɔ gə́ ra wa. Ndá yeḛ ilam’g pana: Saar kar ɓee-booje neelé tuji pugudu Kar dee tel to nduba piu-piu, Saar kar dəw kára kara nai mee kəi’g el Gə mba kar ɓee neelé tel to nduba.

Jeremi 16:9

Mbata Njesigənea̰ gə́ njeboo-néje, Ala lə Israɛlje pa togə́bè pana: Aa ooje, lé neelé n’a kunda ŋgaŋ ndu kii rɔlel gə boo-rɔkal gə ndu paje lə njedené-sigi gə ka̰ njeŋgao-sigi kəm sí’g mee ndəaje’g lə sí.

Jeremi 22:6

Mbata Njesigənea̰ pata wɔji ne dɔ kəi-mbai lə mbai gə́ Juda pana: Kəm neḛ’g lé i to asəna gə ɓee gə́ Galaad bèe ləm, Asəna gə dɔ sém mbal gə́ Liba̰ bèe ləm tɔ. Nɛ tɔgərɔ n’a kari tel to asəna gə dɔdilaloo ləm, Gə ɓee-boo gə́ dəw kára kara si keneŋ el ləm tɔ.

Jeremi 25:10

N’a kar ndu rɔlel gə ndu pa kalrɔ ləm, gə pakɔs lə njedené-sigi gə pakɔs lə njeŋgao-sigi ləm, gə kaa mbal-kusu-kó ləma, gə ndogó lə pərŋgel ləm tɔ d’a godo mbuna dee’g.

Jeremi 27:17

Maji kar sí ooje ta lə dee el nɛ osoje gel mbai gə́ Babilɔn’g ndá seḭ a síje ne kəmba. See gelee ban ɓa ɓee-boo neelé a tel tuji pugudu wa.

Jeremi 33:10

Njesigənea̰ pa togə́bè pana: Lée neelé gə́ seḭ paje ta dɔ’g pajena: To dɔdilaloo gə́ dəwje gə daje godo keneŋ lé d’a koo mee ɓee-booje gə́ Juda ləm, gə mba̰-rəwje gə́ Jerusalem gə́ tuji pugudu ar dəwje gə daje godo keneŋ ləm tɔ lé

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Jeremi 4:26

M’aa loo ndá aa oo, Dɔ mbal gə́ Karmel tel to dɔdilaloo, Ɓee-booje lai tuji no̰ Njesigənea̰’g No̰ boo-oŋg’d ləa.

Jeremi 4:27

Njesigənea̰ pa togə́bè pana: Ɓee bura a tel to dɔ nduba, Nɛ m’a tujee gə gelee bura el.

Jeremi 44:6

Ma m’ɓugu oŋg gə meekḭ jugugu ləm dɔ dee’g ndá m’roo ɓee-booje gə́ Juda ləm, gə mba̰-rəwje gə́ Jerusalem ləm tɔ ar dee tuji pugudu ləm, ar dee tel to dɔdilaloo ləm tɔ, to gə́ dəwje d’oo ɓogənè lé.

Nɔ̰-ndôo gə́ wɔji dɔ Jerusalem 5:14

Ŋgatɔgje lé d’aw D’isi tarəwkɔg’d el ŋga ləm, Basaje kara d’unda ŋgaŋ paje lə dee ləm tɔ.

Ejekel 26:13

N’a kar ndu paje lə njé’g ləi ɓar el ŋga ləm, d’a koo ndu kṵdu-kagje ləi el ŋga ləm tɔ.

Ejekel 7:11

Néra kərm-kərm ḭta mba to ne ndəi meeyèr. Dəw kára kara mbuna koso-dəwje’g lə dee gə́ bula digi-digi gə́ d’aw dɔ na̰’d pum-pum lé a nai el! D’a no̰ sii mbigi-mbigi dɔ dee’g el!

Ojee 2:11

Gelee gə́ nee ɓa n’a tel taa kó lə neḛ mee ndɔ kḭjá’g ləm, Gə mán-nduú mee naḭyee’g ləma, N’a kɔr kubu lə neḛ gə́ bḭ-maji Gə kubu gə́ d’ṵji gə kúla palégal Gə́ yeḛ o̰ ne kudee lé rəa’g ləm tɔ.

Ojee 2:13

Nérɔlelje ləa lai ləm, gə ra naḭje ləa ləm, Gə naḭje ləa gə́ teḛ sigi ləm Gə ndɔ-kwa-rɔje ləa ləma, Gə néje ləa lai gə́ gə nduree-nduree ləm tɔ lé N’a kar dee godo.

Ləbije 26:33

M’a sané sí mbuna ginkoji dəwje gə raŋg’g, tɔɓəi m’a kar dee d’orè goo sí ndəŋ gə kiambas tɔ. Ɓee lə sí a to nduba ləm, ɓee-booje lə sí kara d’a tel to dɔdilalooje ləm tɔ.

Misee 7:13

Ges ɓee gə́ nai lé a tel to dɔdilaloo Mbata dəwje gə́ d’isi keneŋ Mbata lə kandə néra gə́ yèr lə dee lé.

Loo gə́ killa rea kəm Ja̰’g 18:23

Pərndɔ a ndogó ɓee ləi el ŋga ləm, ndu njédené sigije gə denéje lə dee a ɓar ɓee’g ləi gogo el ŋga ləm tɔ, mbata njételkəmlarje ləi to dəwje gə́ boo dɔ naŋg nee ləm, mbata nésukəmlooje ləi lé i su ne kəm ginkoji dəwje gə raŋg lai su-su ləma,