Jeremi 7:29 - Maktub gə́ To gə Kəmee

²⁹ Maji kar sí ndisaje yiŋga dɔ sí Gə́ ŋgal pɔ-pɔ ɔmje əw ləm, Ubaje dɔ looje gə́ ndəw, Ɔsje pa no̰ ndòo ləm tɔ. Mbata Njesigənea̰ mbad Ginkoji dəwje gə́ d’ɔs gin oŋg-boo ləa lé ila dee əw.

Jeremi 7:29 Iomraidhean Croise

2 Mbaije 17:20

Deḛ lai gə́ to ginkoji Israɛlje lé Njesigənea̰ uba dee ya̰ dee, yeḛ ar dee d’ula dɔ dee ləm, yeḛ ya̰ dee ji njébusu deeje’g ləma, né gə́ rudu lé yeḛ tuba dee nea̰’g ɔm dee əw ləm tɔ.

Maktub gə́ wɔji dɔ Jɔb 1:20

Yen ŋga Jɔb ḭta til kubu ləa gə́ boi yul rəa’g ləm, ndisa dəa ŋgori-ŋgori ləm tɔ, tɔɓəi yeḛ oso naŋg bəbərə dəb kəmee naŋg

Esai 22:12

Mbaidɔmbaije gə́ Njesigənea̰ gə́ njeboo-néje Ɓar sí mee ndəa’g neelé Gə mba kar sí no̰je ləm, Gə kunda kaar sí ləm, Kar sí ndisaje dɔ sí ləma, Gə kulaje kubu-kwa-ndòo rɔ sí’g ləm tɔ.

Jeremi 12:7

M’a m’uba kəi ləm m’ya̰ ləm, Ma m’uba nédɔji ləm kara m’ya̰ ləma, M’uba yeḛ gə́ m’undá dan kəm’g lé M’yá̰ ji njéba̰je’g ləa ləm tɔ.

Jeremi 14:19

Njesigənea̰, See i uba Juda yá̰ ŋga wa. See i ə̰ji Sio̰ bəḭ-bəḭ wa. See gelee ban ɓa i ula kəm sí ndòo Ar sí j’iŋgaje doo gə́ lal kər wa. Jeḛ j’undaje meḛ sí yel Dɔ kiŋga meelɔm’g Nɛ aa oo, nérɔlel kára kara Teḛ keneŋ el ləm, Meḛ sí to yel mba kaji Nɛ aa oo, ɓəl-boo ɓa teḛ ləm tɔ.

Jeremi 16:6

Dəwje gə́ boo-boo gə dəwje gə́ gɔ-gɔ d’a kwəi mee ɓee’g neelé. D’a dubu dee el ləm, d’a no̰ dee el ləm, d’a tḭja rɔ dee pədərə-pədərə mbata lə dee el ləma, d’a ndisa dɔ dee ŋgori-ŋgori gə mbata lə dee el ləm tɔ.

Jeremi 3:2

Unje kəm sí gə́ dɔ looje gə́ tar lé ooje! See loo gə́ ra ɓa lal to sə sí keneŋ wa. Seḭ síje mbɔr rəwje’g ŋgina deeje To gə́ Arabə si ne dɔdilaloo’g bèe. Bèe ɓa seḭ arje ɓee mina̰ ne Gə néra kəmnda lə sí ləm, Gə meeyèr lə sí ləm tɔ.

Jeremi 3:21

Ndu ɓar dɔdərlooje gə́ ndəw’g, To ndu no̰ gə ndu kwɔi lə Israɛlje. Mbata deḛ d’un rəwje Gə́ nduni koŋ-koŋ ləm, D’ar meḛ dee wəi ne dɔ Njesigənea̰, Ala’g lə dee lé ləm tɔ.

Jeremi 47:5

Njé gə́ Gaja ndisa dɔ dee ŋgori-ŋgori ləm, Njé gə́ Askalo̰ lé d’isi ta dee mundu ləma, Gə ges ndag-loo lə dee na̰’d bèe ya ləm tɔ. See saar ndɔ gə́ ra ɓa seḭ a kundaje ŋgaŋ kinja rɔ sí pədərə-pədərə bèe ɓəi wa.

Jeremi 48:37

Mbata deḛ lai ndisa dɔ dee ŋgori-ŋgori ləm, d’inja mbaita deeje bur-bur ləm tɔ, deḛ lai tḭja ji dee pədərə-pədərə ləm, d’ula kubu-kwa-ndòo rɔ dee’g ləm tɔ.

Jeremi 6:30

Deḛ ɓar dee lar gə́ kəm kɔm kɔrɔ Mbata Njesigənea̰ mbad dee Ɔm dee kɔrɔ.

Jeremi 9:10

Njesigənea̰ pana: M’a kwa Jerusalem kugu ɓiri-ɓisi Karee to gə́ loo-to lə tàlje ləm, M’a kar ɓee-booje gə́ Juda Tel to dɔnduba kar dəw kára kara Si keneŋ el ləm tɔ.

Jeremi 9:16

Njesigənea̰ gə́ njeboo-néje pa togə́bè pana: Saŋje loo ɓarje njéno̰paje ar deeje ree! Ulaje kula rɔ denéje gə́ njéno̰paje ar deeje ree to!

Nɔ̰-ndôo gə́ wɔji dɔ Jerusalem 5:22

See i a kuba sí bura ya kya̰ sí wa. See i a kar məəi ḭ səi jugugu dɔ sí’g saar-saar bèe ya wa.

Ejekel 19:1

Ma lé maji kam m’ɔr ndum gə́ tar m’ɔs pa no̰ ndòo mbaije gə́ njékaa dɔ dəb ɓeeko̰je gə́ Israɛl

Ejekel 28:12

I ŋgon-dəw lé, un pa no̰ ndòo mbai gə́ Tir! A kulá pana: Mbaidɔmbaije gə́ Njesigənea̰ pa togə́bè pana: I ya gə́ nékwɔji maji kɔr njoroŋ lə né ləm, kəmkàr taa rɔi pəl-pəl ləma, i maji péd-péd ləm tɔ.

Amɔs 5:1

Seḭ gel-bɔje lə Israɛl lé urje mbi sí ooje ne ta nee gə́ ma m’no̰ ne gə meeko̰yoo mbata lə sí lé.

Misee 1:16

Maji kar sí ndisaje dɔ sí ŋgori-ŋgori. Mbata lə ŋgan síje gə́ seḭ unda deeje dan kəm sí’g! Ndisaje dɔ sí ŋgori-ŋgori Areeje to asəna gə́ dɔ malje bèe Mbata d’isi d’aw sə dee gə́ ɓee-ɓər’d gə́ əw.

Matiyo 12:39

Yeḛ ila dee keneŋ pana: Ginka dəwje gə́ to njémeeyèrje gə njékaiyaje lé deḛ dəji némɔrije gə́ mba koo. Nɛ ka̰ njetegginta Junas ɓa d’a koo ɓó d’a koo némɔri gə́ raŋg el ŋga.

Matiyo 16:4

Ginka dəwje gə́ njémeeyèrje gə njémɔdkaiyaje lé dəjim gə mba koo némɔri nɛ ka̰ Junas ɓa d’a koo ɓó d’a koo némɔri gə́ raŋg el. Tɔɓəi yeḛ uba dee ya̰ dee, ɔd aw loo ləa.

Matiyo 23:36

Ma m’ula sí təsərə, ta néje neelé lai a kwa dɔ ginka dəwje gə́ nee lé ya.

Matiyo 3:7

Loo gə́ yeḛ oo Parisiḛje gə Saduseḛje bula ree rəa’g mba karee ra dee batɛm lé ndá yeḛ ula dee pana: Seḭ ŋgan li-meewaije, see na̰ ɓa ndoo sí mba kar sí aḭje oŋg gə́ a gə ree lé wa.

Néra Njékaḭkulaje 2:40

Piɛrə pa taje gə́ raŋg bula ɔm dɔ’g ɓəi ndəji dee ne ləm, man dee ne ləm tɔ pana: Saaje rɔ sí rɔ ginkoji dəwje gə́ dɔ naŋg nee gə́ njéra néje gə́ yèr neelé ɓó gə ajije ne ya.

Tel tura Godndu 32:5

Ɓó lé deḛ d’oso dan kaiya’g ndá To ta ləa-yeḛ el Rɔkul neelé to ka̰ ŋganeeje Deḛ to gə́ ginkoji dəwje Gə́ njékaw kori-korije Gə njéndɔji pɔdɔdɔje.