Jeremi 7:28 - Maktub gə́ To gə Kəmee

²⁸ Bèe ɓa maji kari ula dee togə́bè pana: Seḭ toje ginkoji dəwje gə́ d’un mbi dee rəw dɔ ta’g lə Njesigənea̰, Ala lə dee ləm, deḛ ndigi taa tandooje ləa el ləm tɔ, kankəmta sané rɔ dee’g pa ɓó to ta dee’g el.

Jeremi 7:28 Iomraidhean Croise

Pakɔsje 12:2

Ǝi Njesigənea̰, gə́ ree la sə sí! Njémeemajije d’isi sané pá ləm, Majikojije d’udu mbuna dəwje’g ləm tɔ.

Pakɔsje 50:17

Ta gə́ d’wɔjii lé i ə̰ji bəḭ-bəḭ ləm, Taje lə neḛ kara i mbad ya ləm tɔ.

Gosota-Kəmkàrje 1:7

Ɓəl Njesigənea̰ ɓa To gin gosonégər gə́ dɔtar, Mbəje lé d’ə̰ji takəmkàr Gə tandoo lé bəḭ-bəḭ.

Esai 30:9

Mbata to koso-dəwje gə́ njékaltaje ləm, Deḛ to ŋganje gə́ njépa taŋgɔmje ləma, Deḛ to ŋganje gə́ ndigi koo godndu Njesigənea̰ lé el ləm tɔ.

Jeremi 11:10

Deḛ tel d’uru dan néraje gə́ kori-kori’g lə bɔ deeje-je gə́ dɔtar gə́ mbad koo taje ləm lé ləm, deḛ ndolè goo magəje gə́ dɔ ɓee’g ɓa pole dee ləm tɔ. Gel-bɔje lə Israɛl gə gel-bɔje lə Juda d’uba goo ta manrɔ lə neḛ gə́ n’ar bɔ deeje-je lé d’ya̰ ya.

Jeremi 17:23

Deḛ lé d’un mbi dee rəw dɔ’g ləm, deḛ tuga mbi dee d’oo ne ta lé el ləm tɔ. Deḛ to njégwɔbkelkwɔije ɓó d’oo ta el ləm, deḛ taa tandoo el ləm tɔ.

Jeremi 2:30

Ma m’kunda ŋgan síje kara M’kunda dee pi, Deḛ d’oo ta gɔl ləm gə́ m’gɔl dee lé gə́ né el, Seḭ gaŋgje njéteggintaje lə sí gə kiambas Asəna gə toboḭ gə́ njetuji né bèe.

Jeremi 32:33

Deḛ tel gir dee d’ila d’am ɓó d’oom gə kəm dee el. Deḛ ndoo dee né teḛ gə ndɔ rad ya ndoo dee ya nɛ deḛ d’ur mbi dee mba taa ne tandoo lé el.

Jeremi 5:1

Awje gə́ mba̰-rəwje ɓəd-ɓəd Mee ɓee gə́ Jerusalem, Aaje loo ooje ləm, dəjije na̰ ləma, Saŋje ndaa-looje ləa ləm tɔ, Ɓó lé seḭ iŋgaje dəw kára keneŋ Gə́ to njera nédana Gə́ ɔm na̰’d gə kankəmta, Ɓó lé dəw gə́ bèe si keneŋ ndá M’a kar məəm oso lemsé dɔ njé gə́ Jerusalem’g ya.

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Jeremi 6:17

M’unda njéŋgəmlooje mbɔr sí’g dəb, Urje mbi sí gèŋ gə mba kooje ne ndu to̰to̰! Nɛ deḛ d’ilá keneŋ pana: Jeḛ j’a kurje mbi sí el.

Jeremi 6:28

Deḛ lai to gə́ njékɔsta-rəwje Gə njétədta kunda ta mar deeje’gje Gə́ kədərə asəna gə larkas gə larndul bèe, Deḛ lai tel to né gə́ ndum.

Jeremi 6:8

Dəwje gə́ Jerusalem, Taaje tandooje ləm Nà m’a kɔr rɔm rɔ sí’g, Kar ɓee lə sí tel to dɔdilaloo ləm, Gə ɓee gə́ dəw si keneŋ el ləm tɔ!

Ojee 4:1

Seḭ Israɛlje lé maji kar sí ooje ta lə Njesigənea̰! Mbata Njesigənea̰ aw gə ta mba kila dɔ dəw-mee-ɓeeje’g neelé Mbata kankəmta godo mee ɓee’g neelé ləm, Meekɔrjol godo keneŋ ləma, Gər Ala kara godo keneŋ ləm tɔ.

Soponi 3:2

Yeḛ oo ta lə dəw kára kara el ləm, Oo takwɔji-kəmkàr gə́ né el ləm, Ɔm mée dɔ Njesigənea̰’g el ləma, Yeḛ rəm pər gə́ rɔ Ala’g ləa el ləm tɔ.

Soponi 3:7

Ma m’pana: Ɓó lé seḭ ndigije ndá a ɓəlmje ɓa A taaje takwɔji-kəmkàr Ndá loo-si sí a tuji el ləm, Némajelje lai gə́ m’wɔji mba ra sə sí lé D’a teḛ dɔ sí’g el ləm tɔ. Nɛ dee d’ɔs rɔ dee ɓad Mba kar néra dee majel gə́ kédé-kédé.