Jeremi 7:26 - Maktub gə́ To gə Kəmee

²⁶ Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el. Deḛ to njékuba gwɔbkelkwɔije ləm, deḛ ra néje gə́ majel d’aree al dɔ ka̰ bɔ deeje-je ləm tɔ.

Jeremi 7:26 Iomraidhean Croise

1 Mbaije 14:22

Judaje ra né gə́ majel kəm Njesigənea̰’g ndá kaiyaje gə́ deḛ ra lé ɔs Njesigənea̰ ar kəmkəḭ ḭ səa dɔ dee’g ur dɔ kəmkəḭ gə́ yeḛ ra dɔ bɔ deeje’g ɓəi.

1 Mbaije 14:9

I ra némajel unda deḛ lai gə́ nɔḭ’g kédé ndá i aw ra magəje mbata ləi ləm, i léḛ néndajije gə mba kar məəm ḭ ne pu ləma, i ubam ya̰’m gooi’g gogo ləm tɔ.

2 Mbaije 17:14

Nɛ deḛ d’oo ta el, deḛ d’uba gwɔb kelkwɔi to gə́ bɔ deeje gə́ d’ɔm meḛ dee dɔ Njesigənea̰, Ala’g lə dee el lé d’uba ne gwɔb kelkwɔi bèe tɔ.

2 Mbaije 17:15

Deḛ d’uba godndiaje d’ya̰ ləm, gə ta manrɔ ləa gə́ yeḛ man ne rəa ar bɔ deeje-je ləma, gə ta ndəji kɔrje gə́ yeḛ ndəji dee ləm tɔ lé d’ya̰. Deḛ d’aw goo néje gə́ gə mḭdé ba ar dee nja kara tel to ne néje gə́ gə mḭdé ba ya tɔ, ndolè ne goo ginkoji dəwje gə raŋg gə́ gugu gir dee gə́ Njesigənea̰ ɔg dee dɔ ndaji kəm dee’g lé.

2 Sôrta Gḭka Israɛlje 30:8

Maji kar sí toje njégwɔbkelkwɔije to gə́ bɔ síje-je bèe el nɛ ya̰je rɔ sí arje Njesigənea̰, reeje ne mee kəi’g ləa gə́ yeḛ unda gə kəmee saar gə no̰ ləm, raje né arje Njesigənea̰, Ala lə sí ləm tɔ gə mba kar oŋg ləa gə́ o̰ to gə́ pər bèe lé wəi ne dɔ sí’g bèm ya.

2 Sôrta Gḭka Israɛlje 33:10

Njesigənea̰ ula Manasə gə koso-dəwje ləa ta, nɛ deḛ d’un mbi dee dɔ’g rəw.

2 Sôrta Gḭka Israɛlje 33:23

Yeḛ oso kul no̰ Njesigənea̰’g to gə́ bɔbeeje Manasə oso bèe el mbata Amo̰ lé ar ta wa ne dəa gə́ kédé-kédé.

Nehemi 9:29

I ndəji dee kɔr mba kar dee tel ree dɔ godndui’g Nɛ deḛ d’aar njaŋg dɔ beelé’g lə dee ləm, D’un mbi dee rəw dɔ godnduije’g ləm, Ndukunje ləi gə́ a kar dəw gə́ njera née a kisi ne kəmba lé Deḛ ra kaiya d’ɔs ne rəw ləm, Deḛ d’ɔs bag dee gə́ tar-tar d’ɔs ne ta ləi rəw ləm, Deḛ d’uba gwɔbkelkwɔi ləma, Deḛ mbad kila ŋgonkoji saar ləm tɔ.

Gosota-Kəmkàrje 29:1

Dəw gə́ kəm kar dee ndaŋgee nɛ yeḛ uba gwɔbkelkwɔi lé A təd njigi-njigi gə́ léegəneeya kar loo gɔlee a godo.

Esai 48:4

Mbata ma m’gər gao, Seḭ toje njédɔkədərəje ləm, Gwɔb sí to gə́ kag-lar ləma, Ŋgono̰ sí to gə́ larkas ləm tɔ.

Esai 5:4

See ɗi ɓa gə́ né gə́ kəm ra gə ndɔ-nduú ləm Gə́ ma m’lal ra səa ɓəi wa. See gelee ban ɓa loo gə́ m’unda məəm yel gə mba kiŋga ka̰dee gə́ maji Ndá yee andə gə ka̰dee gə́ majel wa.

Jeremi 11:8

Nɛ deḛ d’un mbi dee rəw dɔ ta’g neelé ləm, deḛ d’ur mbi dee gèŋ dɔ’g el ləm tɔ. Deḛ njaa gə goo takə̰jije lə dee ləm, gə meeyèr gə́ meḛ dee’g ləm tɔ. Yen ɓa taje lai gə́ mee manrɔ’g neelé gə́ neḛ n’un ndu neḛ dɔ’g mba kar dee d’aa dəa nɛ deḛ ra née el lé n’aree aw ne lée’g béréré dɔ dee’g gə mbəa,

Jeremi 16:12

Nɛ seḭ lé seḭ raje né gə́ majel undaje ka̰ bɔ síje-je. Aa ooje, seḭ lé nana kara mbuna sí’g ndolè goo takə̰jije gə́ majel gə́ mée’g mba kun ne mbia rəw dɔ ta’g ləm.

Jeremi 17:23

Deḛ lé d’un mbi dee rəw dɔ’g ləm, deḛ tuga mbi dee d’oo ne ta lé el ləm tɔ. Deḛ to njégwɔbkelkwɔije ɓó d’oo ta el ləm, deḛ taa tandoo el ləm tɔ.

Jeremi 19:15

Njesigənea̰ gə́ njeboo-néje, Ala lə Israɛlje pa togə́bè pana: Aa ooje, némeekonje lai gə́ m’pa taree kédé m’wɔji ne dɔ ɓee-boo neelé m’a gə karee teḛ dəa’g gə dɔ ɓee-booje lai gə́ nduna rɔ dee rəa’g lé mbata deḛ to njégwɔbkelkwɔije ɓó d’ur mbi d’oo ne taje ləm el.

Jeremi 22:21

Ma m’ula sí ta Loo gə́ seḭ síje dan maji’g, Nɛ seḭ pajena: A kooje ta el. Yee ɓa gə́ néra sí gə́ un kudee gə kas sí ba lé Seḭ unje ne mbi sí rəw dɔ ta’g lə neḛ.

Jeremi 25:3

Un kudee mee ləb gə́ njekɔm’g dɔg-giree-munda gə́ Jojias, ŋgolə Amo̰, mbai gə́ Juda o̰ ne ɓee saar ɓogənè lé Njesigənea̰ ulam ta as ləb rɔ-joo-giree-munda ŋga. Ma m’ula sí taree, m’ula sí taree ya teḛ gə́ ndɔ rad nɛ seḭ unje mbi sí rəw dɔ ta’g ləm.

Jeremi 25:7

Nɛ seḭ unje mbi sí rəw dɔ ta’g lə neḛ mba kar kula ra sí ar mee neḛ ḭ sə neḛ pu kar neḛ n’ra ne sə sí majel. Njesigənea̰ ɓa pa bèe.

Jeremi 26:5

gə mba koo taje lə kuraje ləm gə́ njéteggintaje gə́ m’ula dee rɔ sí’g un kudee gə ndɔ rad nɛ seḭ ooje ta lə dee el ləm tɔ lé ndá

Jeremi 29:19

mbata deḛ d’un mbi dee rəw dɔ taje’g ləm ləm, deḛ gə́ m’a m’ula kuraje ləm gə́ to njéteggintaje rɔ dee’g un kudee gə ndɔ rad nɛ deḛ d’un mbi dee rəw dɔ’g lé. Njesigənea̰ ɓa pa bèe.

Jeremi 3:13

Maji kar sí tegje gin néra gə́ kori-korije lə sí ləm, Maji kar sí tegje gin majikoji el lə sí No̰ Njesigənea̰, Ala’g lə sí ləm, Gə kaw gə́ seḭ awje yo gə́ nee no̰ magəje gə́ dɔ ɓee’g gel kagje lai gə́ to təb ləma, Gə mbad gə́ seḭ mbad kooje Ne ta ləm saar lé ləm tɔ. Njesigənea̰ ɓa pa bèe.

Jeremi 32:23

Deḛ ree keneŋ, deḛ taa gə́ né ka̰ dee. Nɛ deḛ d’ila ŋgonkoji dɔ tapai’g el ləm, deḛ d’aa dɔ godnduije kər-kər el ləma, deḛ ra néje lai gə́ i un ndui dɔ’g mba kar dee ra lé el ləm tɔ. Yee gə́ bèe ɓa i ar nékəmndooje lai neelé teḛ ne dɔ dee’g gə mbəa.

Jeremi 34:14

Loo gə́ rudu ləbje gə́ siri-siri lé as ndá nana kara mbuna sí’g a kya̰ ŋgokea̰ gə́ to Ǝbrə gə́ ya̰ rəa ar sí ndogeeje kaareeje aw ya. Yeḛ a ra kula kar sí ləb misa̰ ndá seḭ a kaareeje teḛ mee kəi’g lə sí aw. Nɛ bɔ síje-je d’un mbi dee rəw dɔ ta’g ləm ɓó deḛ tuga mbi dee d’oo ne ta ləm el.

Jeremi 35:15

Ma m’ula kuraje ləm lai gə́ to njéteggintaje rɔ sí’g, un kudee gə ndɔ rad ya m’ula dee m’ar dee d’aw d’ula sí pana: Ɔsje badm telje dɔ panjaa sí gə́ majel’g ləm, tel gɔlje néra síje ləma, awje goo magəje gə mba pole dee el ləm tɔ ndá seḭ a síje mee ɓee gə́ m’ar sí ləm, gə m’ar bɔ síje-je ləm tɔ. Nɛ seḭ tugaje mbi sí ooje ne ta ləm el ləm, seḭ unje mbi sí rəw dɔ’g ləm tɔ.

Jeremi 35:17

Gelee gə́ nee ɓa Njesigənea̰, Ala gə́ njeboo-néje gə́ to Ala lə Israɛlje pa ne togə́bè pana: Aa ooje, m’a kar némeekonje lai gə́ m’ila mberee m’wɔji ne dɔ Judaje gə dɔ njé gə́ Jerusalem lé teḛ dɔ dee’g mbata ma m’ula dee ta nɛ deḛ d’un mbi dee dɔ’g ləm, m’ɓar dee kara deḛ ndigi tam’g el ləm tɔ.

Jeremi 44:16

Jeḛ j’a kila koji dɔ ta kára kara gə́ i ula sí gə ri Njesigənea̰ lé el.

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Jeremi 6:10

See na̰ ɓa m’a kulá ta Esé see na̰ ɓa m’a karee To njekɔrgoota ləm kar dee d’oo wa. Aa ooje, mbi dee udu jig-jig D’askəm kur mbi dee koo ne ta el. Aa ooje, ta lə Njesigənea̰ Tel to gə́ nérɔkul mbata lə dee ləm, Rɔ dee lel dee keneŋ el ləm tɔ.

Jeremi 6:17

M’unda njéŋgəmlooje mbɔr sí’g dəb, Urje mbi sí gèŋ gə mba kooje ne ndu to̰to̰! Nɛ deḛ d’ilá keneŋ pana: Jeḛ j’a kurje mbi sí el.

Jeremi 7:24

Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el ləm tɔ. Deḛ njaa gə goo takə̰jije lə dee ləm, gə meeyèr gə́ meḛ dee’g ləm tɔ, deḛ tel gir dee ɓa d’ila d’am ɓó tel kəm dee gə́ rɔm’g el.

Jeremi 9:13

Mbata deḛ ndolè goo takə̰jije gə́ meḛ dee’g ləm, mbata deḛ d’un rəw goo magə-Baalje’g to gə́ bɔ deeje ndoo dee ne bèe ləm tɔ.

Ejekel 12:2

Ma ŋgon-dəw lé m’isi mbuna dəwje gə́ to njékɔsta-rəwje gə́ kəm dee to keneŋ mba kar dee d’oo ne loo ya nɛ d’oo ne loo el ləm, mbi dee to keneŋ mba kar dee d’oo ne ta ya nɛ d’oo ne ta el ləm tɔ, mbata deḛ to gel-bɔje gə́ to njékɔsta-rəwje.

Ejekel 12:3

Ma ŋgon-dəw lé maji kam m’wa dɔ gɔl nékawmbá ləm, m’unda loo m’teḛ m’aw kəm dee’g dan kàrá ya! M’ḭ loo’g ləm gə́ m’isi keneŋ lé kəm dee’g ya m’aw loo gə́ raŋg’d, banelə a kar dee gər to gə́ deḛ to dəwje gə́ to njékɔsta-rəwje ya.

Ejekel 20:30

Gelee gə́ nee ɓa maji kam m’dəji gel-bɔje lə Israɛl m’pana: Mbaidɔmbaije pa togə́bè pana: See seḭ arje rɔ sí mina̰ to gə́ ka̰ bɔ síje-je lé el wa. See seḭ raje kaiya gə goo néraje lə dee gə́ mina̰ lé el wa.

Loo gə́ killa rea kəm Daniel’g 9:6

Ta gə́ kuraje ləi gə́ to njéteggintaje pa gə rii d’ar mbaije lə sí ləm, gə ŋgan-mbaije lə sí ləm, gə bɔ síje-je ləma, gə koso-dəwje lai mee ɓee’g ləm tɔ lé jeḛ j’unje mbi sí dɔ’g rəw.

Ojee 11:7

Koso-dəwje lə neḛ d’unda rɔ dee ɓad rɔ neḛ’g ta-ta. Deḛ ɓar dee gə́ rɔ Njekurdɔloo’g Nɛ dəw kára kara ila riɓar dəa’g el.

Jakari 7:11

Nɛ deḛ ndigi koo ta el ləm, deḛ d’ɔs bag dee gə́ tar gə kəsta ləma, d’ɔs mbi dee jigi d’udu nà d’a koo ne ləm tɔ.

Malasi 3:7

Un kudee mee ndəa’g lə bɔ síje-je lé seḭ undaje rɔ sí ŋgərəŋ dɔ tornduje’g ləm ɓó seḭ ilaje koji dɔ dee’g nda̰ el. Gə́ telje reeje rɔm’g ndá ma kara m’a tel ree rɔ sí’g ya tɔ. Njesigənea̰ gə́ njeboo-néje lé ɓa pa bèe. Nɛ seḭ pajena: See kəm kar sí n’telje n’reeje to gə́ ban wa.

Matiyo 21:38

Loo gə́ njéndɔ-nduúje neelé d’aa loo d’oo ŋgon lé ndá d’ula njuma̰ meḛ na̰’d pana: Aa ooje, ŋgon gə́ njekwa-nénduba lé ya ŋga sí aw gə́ nee to ŋga. Reeje ɓó gə ar sí n’tɔleeje, j’ya̰je loo n’taaje ne nénduba ləa.

Matiyo 23:32

Néra bɔ síje-je lé seḭ tɔlje bém ya!

Néra Njékaḭkulaje 7:51

Seḭ dəwje gə́ njégwɔbkelkwɔije ləm, gə njémeetɔ kujita elje ləma, gə mbim-oo-ta-elje ləm tɔ lé ta-ta seḭ ɔsje Ndilmeenda rəw. Seḭ toje asəna gə bɔ síje lé bèe tɔ.

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.

Tel tura Godndu 8:20

Seḭ a tujije to gə́ ginkoji dəwje gə raŋg gə́ Njesigənea̰ ar dee tuji pugudu no̰ sí’g bèe to mbata seḭ ooje ndu Ala lə sí gə́ Njesigənea̰ el.