Jeremi 7:25 - Maktub gə́ To gə Kəmee

²⁵ Un kudee mee ndəa gə́ bɔ síje-je d’unda ne loo mee ɓee gə́ Ejiptə’g teḛ saar teḛ ne mee ndəa’g neelé ma m’ula gə kuraje ləm gə́ to njéteggintaje rɔ dee’g. Teḛ gə ndɔ gə ndɔje kára-kára lai lé m’ula dee rɔ dee’g ya.

Jeremi 7:25 Iomraidhean Croise

2 Sôrta Gḭka Israɛlje 24:19

Njesigənea̰ ula gə njéteggintaje rɔ dee’g gə mba kar dee tel ree sə dee rəa’g nɛ deḛ d’oo ta ndəjije lə dee gə́ ndəji dee lé el.

2 Sôrta Gḭka Israɛlje 36:15

Njesigənea̰, Ala lə bɔ deeje-je lé ɔm ta ta njékaḭkulaje’g ləa ula dee ne gɔl bula ndəji dee ne mbata yeḛ ndigi kaji dəwje ləa ləm, gə kaa dɔ kəi ləa ləm tɔ.

Esdras 9:7

Un kudee mee ndəa’g lə bɔ síje-je lé ta gə́ boo wa dɔ sí saar teḛ ɓogənè ndá gə goo néra kori-korije lə sí ɓa deḛ d’ɔm sí ne jeḛ gə mbaije lə sí gə njékinjanéməsje lə sí ji mbaije gə́ to dəw-dɔ-ɓeeje ləm, gə ta kiambas’g ləm, d’wa sí gə́ ɓərje ləm, d’unda sí banrɔ ləma, d’ar rɔkulee wa kəm sí saar ɓogənè ləm tɔ.

Nehemi 9:26

Lé bèe kara d’ḭ d’ɔsi rəw Deḛ d’ila godndui goo dee’g gogo ləm, Deḛ tɔl njéteggintaje ləi Gə́ ndəji dee kɔr mba kar dee tel ree rɔi’g lé ləm tɔ. Tɔɓəi deḛ ra néje gə́ yèr d’ila ne boo-rɔkulje dɔi’g.

Nehemi 9:30

I ila məəi po̰ dɔ dee’g ləbi bula ləm, I ndəji dee kɔr gə ndili. Gə rəw gə́ rɔ njéteggintaje’g ləi ləm tɔ, Nɛ deḛ tuga mbi dee d’oo ne ta ləi el. Togə́bè ɓa i uba dee ne ya̰ dee ne Ji koso-dəwje gə́ to dəw-dɔ-ɓeeje’g.

Esai 5:4

See ɗi ɓa gə́ né gə́ kəm ra gə ndɔ-nduú ləm Gə́ ma m’lal ra səa ɓəi wa. See gelee ban ɓa loo gə́ m’unda məəm yel gə mba kiŋga ka̰dee gə́ maji Ndá yee andə gə ka̰dee gə́ majel wa.

Jeremi 11:7

Mbata neḛ ndəji bɔ síje-je bər-bər, un kudee mee ndəa gə́ n’ar dee d’unda ne loo mee ɓee gə́ Ejiptə teḛ saar teḛ ɓogənè. Teḛ gə ndɔ gə ndɔje kára-kára lai lé neḛ ndəji pana: Maji kar dee d’oo ndu neḛ.

Jeremi 25:3

Un kudee mee ləb gə́ njekɔm’g dɔg-giree-munda gə́ Jojias, ŋgolə Amo̰, mbai gə́ Juda o̰ ne ɓee saar ɓogənè lé Njesigənea̰ ulam ta as ləb rɔ-joo-giree-munda ŋga. Ma m’ula sí taree, m’ula sí taree ya teḛ gə́ ndɔ rad nɛ seḭ unje mbi sí rəw dɔ ta’g ləm.

Jeremi 25:4

Njesigənea̰ ula kuraje ləa lai gə́ njéteggintaje lé rɔ sí’g, yeḛ ula dee gə ndɔ rad ya. Nɛ seḭ unje mbi sí rəw dɔ’g ləm, seḭ tugaje mbi sí ooje ne ta lé el ləm tɔ.

Jeremi 29:19

mbata deḛ d’un mbi dee rəw dɔ taje’g ləm ləm, deḛ gə́ m’a m’ula kuraje ləm gə́ to njéteggintaje rɔ dee’g un kudee gə ndɔ rad nɛ deḛ d’un mbi dee rəw dɔ’g lé. Njesigənea̰ ɓa pa bèe.

Jeremi 35:14

Deḛ d’aa dɔ taje lə Jonadab, ŋgolə Rekab gə́ un ndia ar ŋganeeje mba kar dee d’ai mán-nduú gə́ mḭ el lé kər-kər ndá deḛ d’ai el ya saar teḛ ɓogənè to mbata deḛ d’ila koji dɔ ndukun’g lə bɔ deeje. Nɛ ma lé m’ula sí ta, un kudee teḛ gə ndɔ rad ya m’ula sí ta nɛ seḭ unje mbi sí rəw dɔ ta’g ləm.

Jeremi 35:15

Ma m’ula kuraje ləm lai gə́ to njéteggintaje rɔ sí’g, un kudee gə ndɔ rad ya m’ula dee m’ar dee d’aw d’ula sí pana: Ɔsje badm telje dɔ panjaa sí gə́ majel’g ləm, tel gɔlje néra síje ləma, awje goo magəje gə mba pole dee el ləm tɔ ndá seḭ a síje mee ɓee gə́ m’ar sí ləm, gə m’ar bɔ síje-je ləm tɔ. Nɛ seḭ tugaje mbi sí ooje ne ta ləm el ləm, seḭ unje mbi sí rəw dɔ’g ləm tɔ.

Jeremi 44:4

Ma m’ula kuraje ləm lai gə́ to njéteggintaje rɔ sí’g, ma m’ula dee un kudee gə ndɔ rad ya mba kar dee d’ula sí pana: Raje néje gə́ mina̰ gə́ m’ə̰ji dee bəḭ-bəḭ lé el.

Jeremi 7:13

Njesigənea̰ pana: Ɓasinè to gə́ seḭ raje néje nee lai ləm, to gə́ ma m’pata m’ar sí un kudee gə ndɔ rad ya nɛ seḭ ndigi kooje el ləma, to gə́ ma m’ɓar sí nɛ seḭ ndigije tam’g el ləm tɔ ndá

Ejekel 2:3

Yeḛ ulam pana: Ma ŋgon-dəw lé neḛ n’ulam gə́ rɔ Israɛlje’g, rɔ koso-dəwje nee gə́ to njékɔsta-rəwje gə́ d’ḭ d’ɔs ta lə neḛ rəw lé, deḛ ləm, gə bɔ deeje-je ləm tɔ lé ra kaiya d’ɔs ne ta lə neḛ rəw saar teḛ ne ndɔ gə́ j’aar keneŋ ɓogənè ya.

Ojee 11:7

Koso-dəwje lə neḛ d’unda rɔ dee ɓad rɔ neḛ’g ta-ta. Deḛ ɓar dee gə́ rɔ Njekurdɔloo’g Nɛ dəw kára kara ila riɓar dəa’g el.

Ojee 12:10

Nɛ ma nja m’to Ala lə sí gə́ Njesigənea̰, Un kudee mee ɓee gə́ Ejiptə’g, M’a kar sí síje mee kəi-kubuje’g To gə́ mee ndɔ ra naḭje’g bèe.

Amɔs 2:11

Neḛ mbər ŋgan síje gə́ diŋgam gə́ na̰je N’ar dee to Njéteggintaje ləm, Ŋgan basaje lə sí gə́ na̰je kara Neḛ mbər deḛ gə́ njésaŋ rɔ deeje ləm tɔ. Israɛlje, see to togə́bè el wa. Njesigənea̰ ɓa pa bèe.

Malasi 3:7

Un kudee mee ndəa’g lə bɔ síje-je lé seḭ undaje rɔ sí ŋgərəŋ dɔ tornduje’g ləm ɓó seḭ ilaje koji dɔ dee’g nda̰ el. Gə́ telje reeje rɔm’g ndá ma kara m’a tel ree rɔ sí’g ya tɔ. Njesigənea̰ gə́ njeboo-néje lé ɓa pa bèe. Nɛ seḭ pajena: See kəm kar sí n’telje n’reeje to gə́ ban wa.

Lugu 11:49

Gelee gə́ nee ɓa Ala pa ne ta kəmkàr ləa pana: N’a kula njéteggintaje gə njékaḭkulaje rɔ dee’g ndá d’a tɔl njé gə́ na̰je ləm, d’a kula kəm njé gə́ na̰je ndòo ləm tɔ.

Tel tura Godndu 9:7

Arje meḛ sí olé dɔ né gə́ seḭ raje ɔsje ne oŋg lə Ala lə sí gə́ Njesigənea̰ ilaje dɔ sí’g dɔdilaloo’g lé arje meḛ sí wəi dɔ’g el. Un kudee mee ndəa gə́ seḭ undaje ne loo mee ɓee gə́ Ejiptə teḛje ne loo gə́ nee’g lé seḭ toje njékaltaje ɔsje ne Njesigənea̰ rəw ya.