Jeremi 7:24 - Maktub gə́ To gə Kəmee

²⁴ Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el ləm tɔ. Deḛ njaa gə goo takə̰jije lə dee ləm, gə meeyèr gə́ meḛ dee’g ləm tɔ, deḛ tel gir dee ɓa d’ila d’am ɓó tel kəm dee gə́ rɔm’g el.

Jeremi 7:24 Iomraidhean Croise

Nehemi 9:29

I ndəji dee kɔr mba kar dee tel ree dɔ godndui’g Nɛ deḛ d’aar njaŋg dɔ beelé’g lə dee ləm, D’un mbi dee rəw dɔ godnduije’g ləm, Ndukunje ləi gə́ a kar dəw gə́ njera née a kisi ne kəmba lé Deḛ ra kaiya d’ɔs ne rəw ləm, Deḛ d’ɔs bag dee gə́ tar-tar d’ɔs ne ta ləi rəw ləm, Deḛ d’uba gwɔbkelkwɔi ləma, Deḛ mbad kila ŋgonkoji saar ləm tɔ.

Pakɔsje 81:13

Yen ɓa ma m’ya̰ dee ne M’sula dee ne sɔgɔ dan néje gə́ meḛ dee wɔji’g lé. Néje gə́ d’wɔji meḛ dee’g lé deḛ ndolè gée ya.

Jeremi 13:10

Koso-dəwje nee gə́ to njémeeyèrje gə́ mbad koo taje lə neḛ ləm, gə́ ndolè goo takə̰jije gə́ meḛ dee’g ləma, gə ndolè goo magəje gə mba pole dee kunda ne barmba dəb kəm dee naŋg no̰ dee’g ləm tɔ lé maji kar dee tel to d’asəna gə ndar neelé gə́ to kəm ra ne né kára el ŋga lé tɔ.

Jeremi 13:11

To gə́ d’wa ne reŋ dəw gə ndar bèe lé neḛ kara n’tɔ gel-bɔje lə Israɛl gə gel-bɔje lə Juda lai reŋ neḛ’g togə́bè tɔ, gə mba kar dee to koso-dəwje lə neḛ ləm, gə riɓar lə neḛ ləm, gə népidi lə neḛ ləma, gə nérɔnduba lə neḛ ləm tɔ, nɛ deḛ d’un mbi dee rəw dɔ ta’g lə neḛ.

Jeremi 15:6

Seḭ ubamje ya̰’mje, Njesigənea̰ pa bèe. Seḭ rəmje gogo. Nɛ neḛ n’ula ji neḛ ndiŋ gə́ dɔ sí’g Ndá n’tuji sí ne, Rɔ neḛ as neḛ dɔ koo kəmtondooje’g lə sí.

Jeremi 16:12

Nɛ seḭ lé seḭ raje né gə́ majel undaje ka̰ bɔ síje-je. Aa ooje, seḭ lé nana kara mbuna sí’g ndolè goo takə̰jije gə́ majel gə́ mée’g mba kun ne mbia rəw dɔ ta’g ləm.

Jeremi 17:23

Deḛ lé d’un mbi dee rəw dɔ’g ləm, deḛ tuga mbi dee d’oo ne ta lé el ləm tɔ. Deḛ to njégwɔbkelkwɔije ɓó d’oo ta el ləm, deḛ taa tandoo el ləm tɔ.

Jeremi 17:9

Mee dəw ɓa ulá na̰’d Unda néje gə́ raŋg lai, Meeyèr taa loo keneŋ pəl-pəl, See na̰ askəm gər né gə́ to keneŋ wa.

Jeremi 18:10

Nɛ ɓó lé ginkoji dəwje neelé ra né gə́ to majel kəm’g ləm, d’un mbi dee rəw dɔ ta’g ləm ləm tɔ ndá ma tel gə ndum dɔ né gə́ maji gə́ m’wɔji mba ra sə dee lé tɔ.

Jeremi 18:12

Nɛ deḛ d’ilam keneŋ pana: To ta gə́ kari ba! Mbata jeḛ lé j’a ndolè goo takə̰jije lə sí ləm, nana kara mbuna sí’g a ra né gə goo meemajel ləa ləm tɔ.

Jeremi 2:27

Deḛ d’ula kag pana: I to bɔ síje! Deḛ d’ula mbal pana: I ɓa ar sí j’isi kəmba! Mbata deḛ turu gir dee d’ila d’am ləm, D’aa loo gə́ rɔm’g el ləm tɔ Ndá loo gə́ nékəmndoo teḛ dɔ dee’g ɓa D’ulam pana: Ḭta aji sí!

Jeremi 22:21

Ma m’ula sí ta Loo gə́ seḭ síje dan maji’g, Nɛ seḭ pajena: A kooje ta el. Yee ɓa gə́ néra sí gə́ un kudee gə kas sí ba lé Seḭ unje ne mbi sí rəw dɔ ta’g lə neḛ.

Jeremi 23:17

Deḛ d’ula njékḛji neḛ bəḭ-bəḭje pana: Njesigənea̰ pana: Seḭ a kiŋgaje meelɔm, Tɔɓəi deḛ d’ula Njé njaa gə goo takə̰ji gə́ meḛ dee’gje pana: Némajel kára kara a teḛ dɔ sí’g el.

Jeremi 3:13

Maji kar sí tegje gin néra gə́ kori-korije lə sí ləm, Maji kar sí tegje gin majikoji el lə sí No̰ Njesigənea̰, Ala’g lə sí ləm, Gə kaw gə́ seḭ awje yo gə́ nee no̰ magəje gə́ dɔ ɓee’g gel kagje lai gə́ to təb ləma, Gə mbad gə́ seḭ mbad kooje Ne ta ləm saar lé ləm tɔ. Njesigənea̰ ɓa pa bèe.

Jeremi 3:17

Mee ndəa’g neelé d’a ɓar Jerusalem kalimbai lə Njesigənea̰. Ginkoji dəwje gə raŋg lai d’a mbo̰ dɔ na̰ Jerusalem gə ri Njesigənea̰. Ndá d’a ndolè goo takə̰jije gə́ majel gə́ to meḛ dee’g el ŋga.

Jeremi 32:23

Deḛ ree keneŋ, deḛ taa gə́ né ka̰ dee. Nɛ deḛ d’ila ŋgonkoji dɔ tapai’g el ləm, deḛ d’aa dɔ godnduije kər-kər el ləma, deḛ ra néje lai gə́ i un ndui dɔ’g mba kar dee ra lé el ləm tɔ. Yee gə́ bèe ɓa i ar nékəmndooje lai neelé teḛ ne dɔ dee’g gə mbəa.

Jeremi 32:33

Deḛ tel gir dee d’ila d’am ɓó d’oom gə kəm dee el. Deḛ ndoo dee né teḛ gə ndɔ rad ya ndoo dee ya nɛ deḛ d’ur mbi dee mba taa ne tandoo lé el.

Jeremi 35:15

Ma m’ula kuraje ləm lai gə́ to njéteggintaje rɔ sí’g, un kudee gə ndɔ rad ya m’ula dee m’ar dee d’aw d’ula sí pana: Ɔsje badm telje dɔ panjaa sí gə́ majel’g ləm, tel gɔlje néra síje ləma, awje goo magəje gə mba pole dee el ləm tɔ ndá seḭ a síje mee ɓee gə́ m’ar sí ləm, gə m’ar bɔ síje-je ləm tɔ. Nɛ seḭ tugaje mbi sí ooje ne ta ləm el ləm, seḭ unje mbi sí rəw dɔ’g ləm tɔ.

Jeremi 6:16

Njesigənea̰ pa togə́bè pana: Undaje rɔ sí rəwje’g aaje loo ooje. Dəjije kila-rəwje gə́ ləw ooje, See rəw gə́ ra ɓa maji wa. Bèe ndá njaaje keneŋ Ndá seḭ a kiŋgaje loo-kwa-rɔ sí keneŋ! Nɛ deḛ d’ilá keneŋ pana: Jeḛ j’a njaaje keneŋ el.

Jeremi 7:26

Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el. Deḛ to njékuba gwɔbkelkwɔije ləm, deḛ ra néje gə́ majel d’aree al dɔ ka̰ bɔ deeje-je ləm tɔ.

Jeremi 8:5

Ŋga see gelee ban ɓa Koso-dəwje gə́ Jerusalem nee D’ya̰ ne rɔ dee yag loo-ndəm’g lə dee ta-ta wa. Deḛ d’aar njaŋg dɔ sukəmloo’g ləm, Deḛ mbad kɔs badm tel ləm tɔ.

Jeremi 9:14

Gelee gə́ bèe ɓa Njesigənea̰ gə́ njeboo-néje, Ala lə Israɛlje pa ne togə́bè pana: Aa ooje, m’a kul dəwje neelé gə nésɔ gə́ adə mbag-mbag ləm, m’a kar dee d’ai mán gə́ kuma̰ yoo to keneŋ ləm tɔ.

Ejekel 20:13

Nɛ gel-bɔje lə Israɛl d’ḭ sə neḛ d’ɔs ta lə neḛ rəw dɔdilaloo’g. Deḛ d’un goo godnduje lə neḛ el ləm, d’uba ndukunje lə neḛ gə́ dəw ra née ndá a si ne kəmba lé d’ya̰ ləma, deḛ d’ula sul dɔ ndɔ-kwa-rɔje’g lə neḛ ləm tɔ. Bèe ɓa neḛ n’wɔji mba ɓugu boo-oŋg lə neḛ dɔ dee’g dɔdilaloo’g kar dee d’udu guduru tɔ.

Ejekel 20:16

ndá n’ra togə́bè mbata deḛ d’uba ndukunje lə neḛ d’ya̰ ləm, d’un goo godnduje lə neḛ el ləma, mbata deḛ d’ila ndɔl dɔ ndɔ-kwa-rɔje’g lə neḛ ləm tɔ mbata meḛ dee ɔr dɔ magəje’g lə dee el.

Ejekel 20:21

Nɛ ŋganje neelé d’ḭ sə neḛ d’ɔs ta lə neḛ rəw. Deḛ d’un goo godnduje lə neḛ lad-lad el ləm, deḛ d’aa dɔ ndukunje lə neḛ ra née gə́ dəw ra ndá a si ne kəmba lé el ləma, d’ila ndɔl ɓa dɔ ndɔ-kwa-rɔje’g lə neḛ ləm tɔ. Ndá neḛ n’wɔji mba ɓugu boo-oŋg lə neḛ dɔ dee’g ləm, kar oŋg lə neḛ aw lée’g béréré dɔ dee’g dɔdilaloo’g ləm tɔ.

Ejekel 20:8

Nɛ deḛ d’ḭ sə neḛ d’ɔs ta lə neḛ rəw ɓó deḛ ndigi koo ta lə neḛ el. Dəw kára kara ya̰ goo néje gə́ mina̰ gə́ tel kəmee lé el ləm, deḛ d’ya̰ goo magəje gə́ Ejiptə lé el ləm tɔ. Ndá neḛ n’wɔji mba ɓugu boo-oŋg lə neḛ dɔ dee’g ləm, mba kar oŋg lə neḛ aw lée’g béréré dɔ dee’g mee ɓee gə́ Ejiptə ləm tɔ.

Loo gə́ killa rea kəm Daniel’g 9:6

Ta gə́ kuraje ləi gə́ to njéteggintaje pa gə rii d’ar mbaije lə sí ləm, gə ŋgan-mbaije lə sí ləm, gə bɔ síje-je ləma, gə koso-dəwje lai mee ɓee’g ləm tɔ lé jeḛ j’unje mbi sí dɔ’g rəw.

Ojee 10:6

Ala neelé d’a kunee kaw səa Asiri Gə mba kar mbai Jareb gə́ nénoji. Kəm sɔḭ a kwa kəm Eprayimje ləm, Israɛlje kara d’a si dan rɔkul’g Mbata né gə́ deḛ d’wɔji-kwɔji ra lé ləm tɔ.

Ojee 4:16

Mbata Israɛlje d’al ta to gə́ ko̰ maŋg gə́ ndigi kar dee d’ila néməməna̰ gwɔbee’g el bèe. Ɓasinè lé see Njesigənea̰ a kar dee d’ulee to gə́ ŋgon badə gə́ d’ulee ndag-loo ko̰ mu’g bèe wa.

Misee 6:16

Seḭ ndolèje goo néjiɓeje lə Ɔmri ləm, Gə néraje lə njémeekəije lə Akab ləma, Seḭ njaaje goo ta kwɔji kəmkàrje’g lə dee ləm tɔ. Gelee gə́ nee ɓa m’a kya̰ sí ne dan tuji’g ləm, M’a kar dəw-mee-ɓeeje lə sí Tel to ne nékogo lə dəwje ləm tɔ.

Jakari 7:11

Nɛ deḛ ndigi koo ta el ləm, deḛ d’ɔs bag dee gə́ tar gə kəsta ləma, d’ɔs mbi dee jigi d’udu nà d’a koo ne ləm tɔ.

Tel tura Godndu 29:19

Njesigənea̰ a ndigi səa mba kar mée oso lemsé dəa’g el. Nɛ oŋg gə kəmkəḭ lə Njesigənea̰ a kḭ səa pu dɔ diŋgam’g neelé kar ndɔlje lai gə́ ndaŋg taree mee maktub’g neelé a nai dəa’g ləm, Njesigənea̰ a tuji ria gin dara’g ləm tɔ.