Jeremi 7:19 - Maktub gə́ To gə Kəmee

¹⁹ See to ma ya ɓa gə́ d’ar meḛ dee ḭ sə dee pu dɔm’g wa. Njesigənea̰ dəji ta bèe. See to deḛ nja ɓa meḛ dee ḭ sə dee pu dɔ rɔ dee’g ar boo-rɔkul wa ne kəm dee el wa.

Jeremi 7:19 Iomraidhean Croise

Esdras 9:7

Un kudee mee ndəa’g lə bɔ síje-je lé ta gə́ boo wa dɔ sí saar teḛ ɓogənè ndá gə goo néra kori-korije lə sí ɓa deḛ d’ɔm sí ne jeḛ gə mbaije lə sí gə njékinjanéməsje lə sí ji mbaije gə́ to dəw-dɔ-ɓeeje ləm, gə ta kiambas’g ləm, d’wa sí gə́ ɓərje ləm, d’unda sí banrɔ ləma, d’ar rɔkulee wa kəm sí saar ɓogənè ləm tɔ.

Maktub gə́ wɔji dɔ Jɔb 35:6

Ɓó lé i ra kaiya ndá see majee gə́ ra ɓa i ra gə Ala wa. Loo gə́ kaiyaje ləi ḭ dɔ maree’d gə́ kédé-kédé kara See ɗi ɓa i a ra ne səa wa.

Esai 1:20

Nɛ ɓó lé seḭ mbadje ləm, Ɓó lé seḭ ɔsje ta rəw ləm tɔ ndá D’a tuji sí gə kiambas Mbata yee ɓa gə́ né gə́ Njesigənea̰ pa njaŋg ya.

Esai 1:24

Gelee gə́ nee ɓa, aa ooje, Ta gə́ Mbaidɔmbaije Ala gə́ njeboo-néje Gə́ to Njesiŋgamoŋ lə Israɛl pa lé ɓa nee: N’a tel tɔl ta oŋg lə neḛ dɔ njékoma̰ sə neḛje’g Ndá n’a dal ba̰ lə neḛ dɔ njéba̰je’g lə neḛ tɔ.

Esai 45:16

Deḛ gə́ njéra magəje lé Deḛ lai nai gə rɔkul ləm, Kəm sɔḭ wa kəm dee ləma, Deḛ lai d’ɔd d’aw d’ula dɔ dee naŋg jugum ləm tɔ.

Jeremi 15:9

Yeḛ gə́ oji ŋganje siri lé unda ndolè Ar kəmə ləa godo, Loo gə́ kàr aar tar ɓəi ndá, Loondul dəb dəa’g, Rɔkul dəb dəa’g ar sɔḭ wa kəmee. Ges dee gə́ nai lé neḛ m’ɓugu dee Ta kiambas’g lə njéba̰je lə dee. Njesigənea̰ ɓa pa bèe.

Jeremi 2:17

Néje neelé see teḛ dɔ sí’g Mbata seḭ ubaje Njesigənea̰, Ala lə sí yá̰je Loo gə́ yeḛ ɔr no̰ sí rəw gə́ maji’g lé el wa.

Jeremi 2:19

Meeyèr lə sí a kwɔji sí kəmkàr ləm, Kalta lə sí a kar bo̰ néra sí Ɔs ta sí’g ləm tɔ. Bèe ɓa seḭ a kooje gao To gə́ kuba Njesigənea̰, Ala lə sí kyá̰ ləm, Gə lal ɓəlee ləm tɔ lé To né gə́ majel gə adə ta’g mbag-mbag ya, Mbaidɔmbaije gə́ Njesigənea̰ Gə́ njeboo-néje gə́ dara ɓa pa bèe.

Jeremi 20:11

Nɛ Njesigənea̰ nai səm Asəna gə bao-rɔ gə́ njesiŋgamoŋ bèe, Gelee gə́ nee ɓa njékula kəm ndooje lé D’unda ne ndolè ɓó dum dɔm el, Rɔkul a tɔ dee gaa-gaa Mbata dum gə́ deḛ dum dɔm el lé. To rɔkul gə́ a to saar gə no̰ Gə́ mee dəw a kwəi dɔ’g el.

Jeremi 22:22

Njékul síje lai lé Lel a kɔr dee kaw sə dee əw ləm, Deḛ gə́ d’unda sí dan kəm dee’g kara D’a kaw ɓee-ɓər’g ləm tɔ. Yen ŋga rɔkul a dəb dɔ sí’g Kar sɔḭ wa kəm sí Mbata néra meeyèrje lə sí lai.

Jeremi 25:7

Nɛ seḭ unje mbi sí rəw dɔ ta’g lə neḛ mba kar kula ra sí ar mee neḛ ḭ sə neḛ pu kar neḛ n’ra ne sə sí majel. Njesigənea̰ ɓa pa bèe.

Jeremi 3:25

Jeḛ lé n’toje naŋg dan rɔkul’g ləm, Rɔkul gə́ boo ɓa gə́ néko̰ dɔ sí ləm tɔ, Mbata jeḛ n’raje kaiya j’ɔsje ne ta lə Njesigənea̰, Ala lə sí rəw Jeḛ gə bɔ síje-je Un kudee loo gə́ jeḛ nai ne basa ɓəi Saar teḛ ɓogənè ləm, Jeḛ j’oo ndu Njesigənea̰, Ala lə sí gə́ né el ləm tɔ.

Jeremi 44:3

mbata néra majel lə dee gə́ deḛ ra d’aw roo ne néje gə́ ə̰də sululu d’ar magəje ləm, deḛ pole magəje gə́ deḛ əsé seḭ əsé bɔ síje-je gər deeje el lé ləm tɔ d’ar məəm ḭ ne səm pu dɔ dee’g lé.

Jeremi 8:19

Aa ooje, ndu no̰ lə koso-dəwje ləm ɓar Dɔ naŋg ɓeeje gə́ əw’g pana: See Njesigənea̰ godo Sio̰ wa. See mbai lə dee godo keneŋ wa. See gelee ban ɓa Deḛ tɔl néndajije gə́ magəje Gə́ to magəje gə́ dɔ ɓee’g D’ar oŋg ḭ ne səm pu wa.

Jeremi 9:19

Denéje, maji kar sí ooje ta lə Njesigənea̰, Urje mbi sí ooje ta gə́ teḛ təa’g, Ndooje ŋgan síje gə́ dené Loo kun pa no̰ ndòo yoo ləm, Seḭje kara ndooje na̰ Loo kun pa no̰ ndòo yoo kar na̰ ləm tɔ.

Ejekel 16:26

I ya̰ rɔi dan kaiya’g gə Ejiptəje gə́ to njéboataɓeeje ləi gə́ d’uba rɔ dee moŋgoŋgo̰-moŋgoŋgo̰ ndá i ar kaiya raije ḭ dɔ maree’d gə́ kédé-kédé gə mba kar mee neḛ ḭ sə neḛ jugugu.

1 Njé gə́ Kɔrḭtə 10:22

See j’a kɔs gel kəmkəḭ lə Mbaidɔmbaije wa. See siŋga sí ur dɔ kea̰’g wa.

Tel tura Godndu 32:16

Deḛ d’ar kəmkəḭ lə Njesigənea̰ ḭ dɔ maree’d gə́ kédé-kédé mbata lə magəje gə́ dɔɓee’g, Deḛ d’ar mée ḭ səa pu gə néje gə́ mina̰ tɔ.