Jeremi 7:14 - Maktub gə́ To gə Kəmee

¹⁴ kəi gə́ rim ɓar dɔ’g gə́ seḭ ɔmje meḛ sí dɔ’g lé ləm, gə loo gə́ m’ar sí-seḭ gə bɔ síje-je ləm tɔ lé m’a ra sə dee né to gə́ ma m’ra ne gə Silo bèe ya tɔ.

Jeremi 7:14 Iomraidhean Croise

2 Mbaije 25:9

Yeḛ roo kəi lə Njesigənea̰ ləm, gə kəi lə mbai ləma, gə kəije lai gə́ Jerusalem ləm tɔ, tɔɓəi yeḛ tila pər dɔ kəije gə́ boo-boo’g lai tɔ.

2 Sôrta Gḭka Israɛlje 7:21

Bèe ɓa kəi gə́ d’unda gə kəmee ɗaŋg neelé nana ɓa gə́ a dəs mbɔree’g ndá kaaree a kwá paḭ karee ə̰ji ŋgəḭ pana: See gelee ban ɓa Njesigənea̰ ra né gə́ togə́bè gə ɓee nee ləm, gə kəi nee ləm wa.

Pakɔsje 78:60

Yeḛ uba ne loo-siée gə́ Silo ya̰, Yee ɓa to kəi-kubu gə́ yeḛ si ne mbuna dəwje’g lé.

Esai 64:11

Gə goo néje neelé əi Njesigənea̰, See i a kɔg rɔi ra né wa. See i a si bèe-bèe ya gə mba kula kəm sí ndòo Karee al dɔ sí sula wa.

Jeremi 12:7

M’a m’uba kəi ləm m’ya̰ ləm, Ma m’uba nédɔji ləm kara m’ya̰ ləma, M’uba yeḛ gə́ m’undá dan kəm’g lé M’yá̰ ji njéba̰je’g ləa ləm tɔ.

Jeremi 23:39

Gelee gə́ nee ɓa, aa ooje, n’a kar mee neḛ wəi dɔ sí’g ləm, n’a mbad sí-seḭ gə ɓee-boo gə́ n’ar sí gə n’ar bɔ síje-je ləma, n’a kɔm sí əw no̰ neḛ’g ləm tɔ.

Jeremi 26:18

Mise, dəw gə́ Moreset tegginta mee ndəa’g lə Ejekias, mbai gə́ Juda lé ndá yeḛ ula koso-dəwje lai gə́ Juda pana: Njesigənea̰ gə́ njeboo-néje pa togə́bè pana: D’a ndɔ Sio̰ bur-bur to gə́ mee ndɔ bèe ləm, Jerusalem a tel to kɔr mbalje Gə́ tɔs dɔ na̰’d ləma, Mbal gə́ kəi gə́ to gə kəmee To keneŋ lé a tel to mee kag-kɔr ləm tɔ.

Jeremi 26:4

A kula dee pana: Njesigənea̰ pa togə́bè pana: Ɓó lé seḭ ooje ta ləm gə mba njaa gə goo godndum gə́ m’unda no̰ sí’g el ləm,

Jeremi 7:10

Tɔɓəi seḭ reeje aarje no̰m’g, mee kəi’g nee gə́ ɓar rim keneŋ lé ndá seḭ pajena: Ta ɔr dɔ sí’g mba̰! ... Yee ɓa gə mba ra ne néje gə́ mina̰ lai neelé gə́ kédé-kédé.

Jeremi 7:12

Bèe ndá awje Silo mee loo gə́ deḛ d’unda gə kəmee d’am gə́ m’ar rim ɓar keneŋ kédé ndá ooje né gə́ ma m’ra keneŋ mbata meeyèr lə dəwje ləm gə́ Israɛl.

Jeremi 7:4

Undaje meḛ sí yel dɔ ta sukəmlooje gə́ pana: Loo neelé to kəi lə Njesigənea̰, to kəi lə Njesigənea̰ ya bèe el.

Nɔ̰-ndôo gə́ wɔji dɔ Jerusalem 2:7

Mbaidɔmbaije ə̰ji loo-nékinjaməs ləa lé bəḭ-bəḭ ləm Yeḛ uba loo-siée gə́ to gə kəmee ya̰ ləm tɔ, Yeḛ wa ndògo-bɔrɔje gə́ gugu dɔ kəi-mbaije gə́ Sio̰ lé Bura ɔm dee ji njeba̰’g lé, Ndu dee ɓar u-u-u mee kəi’g lə Njesigənea̰ To gə́ ndɔ ra naḭ bèe.

Nɔ̰-ndôo gə́ wɔji dɔ Jerusalem 4:1

See ɗi togə́bè wa. Larlɔr lé ndɔḭ ləa tuji ŋga. Larlɔr gə́ àr ŋgad-ŋgad lé Tel mina̰ ŋga! Kɔr mbalje gə́ mee kəi gə́ to gə kəmee lé kara Deḛ sané dee kad-kad tɔ-rəwje’g lai-lai ya tɔ.

Ejekel 23:31

I un dɔ gɔl néra ŋgokɔḭ gə́ dené, bèe ɓa n’a kari ai né mee bai-oŋg’d lə neḛ to gə́ yeḛ bèe.

Ejekel 24:21

Maji kam m’ula gel-bɔje lə Israɛl m’pana: Mbaidɔmbaije gə́ Njesigənea̰ pa togə́bè pana: Aa ooje, n’a gə kila ndɔl dɔ loo lə neḛ gə́ to gə kəmee gə́ to néti-rɔ dɔ siŋgamoŋ’d lə sí ləm, gə to ŋgonkəm sí ləma, gə né gə́ seḭ undaje dan kəm sí’g ləm tɔ. Ŋgan síje gə́ diŋgam gə njé gə́ dené gə́ seḭ ya̰ deeje lé d’a kwəi yoo-kiambas tɔ.

Tel tura Godndu 12:5

Nɛ seḭ a sa̰geeje loo-siée’g loo gə́ Ala lə sí gə́ Njesigənea̰ a mbər mbuna ginkojije’g lə sí lai gə mba kunda ria dɔ’g lé ləm tɔ.

Tel tura Godndu 28:52

D’a kaḭ dɔ sí tarəwkɔgje’g lə sí lai gə rɔ saar kar ndògo-bɔrɔje lə sí təd, ndògo-bɔrɔje neelé gə́ ŋgal gə́ siŋga dee to yaa̰ gə́ seḭ ɔmje meḛ sí dɔ dee’g dɔ naŋg ɓee’g lə sí lai, d’a kaḭ dɔ sí tarəwkɔgje’g lə sí lai mee ɓeeje lai gə́ Ala lə sí gə́ Njesigənea̰ ar sí lé.