Jeremi 7:11 - Maktub gə́ To gə Kəmee

¹¹ Njesigənea̰ pana: Tɔgərɔ ya ma m’oo gao. See seḭ ooje kəi gə́ rim ɓar dɔ’g lé gə́ duu-loo lə njéɓogoje wa.

Jeremi 7:11 Iomraidhean Croise

2 Sôrta Gḭka Israɛlje 6:33

maji kari oo ndia mee dara’g loo-sii’g ndá ar dəw-dɔ-ɓee neelé néje lai gə́ yeḛ a dəjii mba kar koso-dəwje lai gə́ dɔ naŋg nee gər ne rii gə mba ɓəli ne to gə́ koso-dəwje ləi gə́ Israɛl bèe tɔ, yen ɓa d’a gər to gə́ rii ɓar mee kəi’d gə́ ma m’unda neelé ya.

Esai 1:12

Loo gə́ seḭ reeje nɔm’g lé See na̰ ɓa dəji sí kar sí reeje Tubaje gadloo gə́ to gə kəmee lé Gə gɔl sí wa.

Esai 56:7

Ndá m’a kaw sə dee dɔ mbal’g ləm Gə́ to gə kəmee ləm, M’a kar dee d’al rɔ dee Mee kəi-ra-tamaji’g ləm ləma, Nékinjaməsje lə dee gə́ ka̰ roo Gə nékinjanéməsje lə dee gə́ raŋg lé D’a taa kəm rəgm dɔ loo-nékinjaməs’g ləm ləm tɔ. Mbata kəi ləm lé D’a ɓaree kəi-ra-tamaji Mbata lə koso-dəwje lai-lai ya.

Jeremi 2:34

Saar kar ta kubuje lə sí gə́ rɔ sí’g ya Məs dəwje gə́ kari ba gə́ ta wa dɔ dee el lé Wa keneŋ mbəgə-mbəgə Ɓó to məs deḛ gə́ seḭ teḛje Dɔ dee’g wai loo-saŋg-denéje’g lé el.

Jeremi 23:24

Njesigənea̰ pana: See dəw a kiya rəa njo̰loo’g Lal kar neḛ n’ée wa. See neḛ ya ɓa n’un loo mee dara’g Gə dɔ naŋg nee lad el wa. Njesigənea̰ ɓa pa bèe.

Jeremi 29:23

Né neelé a teḛ dɔ dee’g mbata deḛ ra nérɔkul mbuna Israɛlje’g d’ya̰ ne rɔ dee dan ndal denéje lə mar deeje’g gə mɔdkaiya ləm, ma m’un ndum m’ar dee el nɛ deḛ pa taŋgɔm gə rim ləm tɔ. Ma m’gər gao ləm, m’oo gə kəm ləm tɔ. Njesigənea̰ ɓa pa bèe.

Jeremi 7:10

Tɔɓəi seḭ reeje aarje no̰m’g, mee kəi’g nee gə́ ɓar rim keneŋ lé ndá seḭ pajena: Ta ɔr dɔ sí’g mba̰! ... Yee ɓa gə mba ra ne néje gə́ mina̰ lai neelé gə́ kédé-kédé.

Ejekel 35:13

Seḭ ḭje ɔsje neḛ rəw gə tapa sí ləm, seḭ ilaje ne taje ɓəd-ɓəd dɔ neḛ’g ləm tɔ, neḛ n’oo bèe ya.

Loo gə́ killa rea kəm Daniel’g 9:18

Ǝi Ala ləm, maji kari tuga mbii oo! Maji kari teḛ kəmi aa ne loo oo nétujije lə sí ləm, aa loo oo ɓee-boo gə́ ɓar rii keneŋ ləm tɔ! To mbata lə meekarabasur lə sí ɓa jeḛ n’raje ne ndòo rɔi’g gə mbəa el nɛ to mbata lə boo-meekaw taḭ-taḭ ləi-i ɓa.

Matiyo 21:13

Yeḛ ula dee pana: Deḛ ndaŋg mee maktub’g pana: Kəi ləm lé d’a ɓaree kəi-ra-tamaji nɛ seḭ teleeje undaje gə́ duu-loo lə njéɓogoje ya.

Mark 11:17

Yeḛ ndoo dee ula dee pana: See deḛ ndaŋg ta mee maktub’g pana: Kəi ləm lé d’a ɓaree kəi ra tamaji keneŋ mbata lə ginkoji dəwje gə raŋg lai lé, see deḛ ndaŋg taree togə́bè el wa. Nɛ seḭ ɓa seḭ telee undaje gə́ duu-loo lə njéɓogoje.

Tagə́maji gə́ Ja̰ ndang 2:16

Tɔɓəi yeḛ ula njérab-dərje neelé pana: Odoje néje neelé ɔdje ne gə́ raŋg ɓó arje kəi lə Bɔm to gə́ kəi rab néje el.

Ǝbrəje 4:13

Nékunda ləa gə́ rara kara a kiya rəa nea̰’g el, nɛ néje lai to raga ndəgəsə kəm yeḛ gə́ j’a kaar nea̰’g mba tura goo néra sí karee.