Jeremi 6:30 - Maktub gə́ To gə Kəmee

³⁰ Deḛ ɓar dee lar gə́ kəm kɔm kɔrɔ Mbata Njesigənea̰ mbad dee Ɔm dee kɔrɔ.

Jeremi 6:30 Iomraidhean Croise

2 Mbaije 17:20

Deḛ lai gə́ to ginkoji Israɛlje lé Njesigənea̰ uba dee ya̰ dee, yeḛ ar dee d’ula dɔ dee ləm, yeḛ ya̰ dee ji njébusu deeje’g ləma, né gə́ rudu lé yeḛ tuba dee nea̰’g ɔm dee əw ləm tɔ.

Pakɔsje 119:119

Njémeeyèrje lai gə́ dɔ naŋg neelé I ɔm dee kɔrɔ asəna gə siḭ lar bèe, Gelee gə́ nee ɓa m’unda ne tornduije gə́ i wɔji lé dan kəm’g gə mbəa.

Pakɔsje 53:5

Deḛ gə́ ra néje gə́ yèr lé See dee gər rəbee el wa. Deḛ gaŋg dəwje ləm mbidi-mbidi D’ar dee to gə́ nésɔ lə dee, Deḛ ɓar ri Ala bèe el.

Gosota-Kəmkàrje 25:4

Ɔr siḭ larnda kédé ɓa Njelḛ̀ né a kiŋga jo larnda gə́ àr ŋgad-ŋgad ɓəi.

Esai 1:22

Larnda lə sí tel to gə́ siḭ-larje ləm, Man-nduú lə sí lé mán ɓa unda badə gaŋgee ləm tɔ.

Esai 1:25

N’a tel gə ji neḛ par gə́ rɔ sí-seḭ gə́ Jerusalem ləm, N’a kar siḭ-lar lə sí léḛ Kɔr ne yiro gə́ keneŋ ləma, Ŋgwɔi rɔm gə́ nai lé N’a kɔr ndad-ndad ləm tɔ.

Jeremi 14:19

Njesigənea̰, See i uba Juda yá̰ ŋga wa. See i ə̰ji Sio̰ bəḭ-bəḭ wa. See gelee ban ɓa i ula kəm sí ndòo Ar sí j’iŋgaje doo gə́ lal kər wa. Jeḛ j’undaje meḛ sí yel Dɔ kiŋga meelɔm’g Nɛ aa oo, nérɔlel kára kara Teḛ keneŋ el ləm, Meḛ sí to yel mba kaji Nɛ aa oo, ɓəl-boo ɓa teḛ ləm tɔ.

Jeremi 23:33

Ɓó lé koso-dəwje nee əsé njetegginta kára əsé njekinjanéməs kára ree dəjii pana: See ɗi ɓa gə́ ndərta gə́ Njesigənea̰ pa wa. Ndá i a kilá’g pana: Ndərta gə́ Njesigənea̰ pa lé ɓa nee: Njesigənea̰ pana: N’a gə mbad sí ya.

Jeremi 7:1

Ta gə́ ḭ ta Njesigənea̰’d gə́ ula Jeremi lé ɓa nee:

Jeremi 7:29

Maji kar sí ndisaje yiŋga dɔ sí Gə́ ŋgal pɔ-pɔ ɔmje əw ləm, Ubaje dɔ looje gə́ ndəw, Ɔsje pa no̰ ndòo ləm tɔ. Mbata Njesigənea̰ mbad Ginkoji dəwje gə́ d’ɔs gin oŋg-boo ləa lé ila dee əw.

Nɔ̰-ndôo gə́ wɔji dɔ Jerusalem 5:22

See i a kuba sí bura ya kya̰ sí wa. See i a kar məəi ḭ səi jugugu dɔ sí’g saar-saar bèe ya wa.

Ojee 9:17

Ala ləm a kunda dee ɓad, Mbata deḛ d’udu mbi dee dɔ ta’g ləa, Bèe ɓa d’a kila ne mbir-mbir mbuna ginkoji dəwje gə raŋg’g ya.

Jakari 11:8

Ma m’tɔb njékulbadje munda mee naḭ gə́ kára ba ya. Rɔm asm dɔ dee’g ləm, deḛ ya kara d’ḛjim bəḭ-bəḭ ləm tɔ.

Matiyo 5:13

Seḭ toje kad gə́ dɔ naŋg nee. Nɛ ɓó lé kad gə́ rii lé tel rii el ndá see ɗi ɓa d’a ra ne karee tel rii gogo ɓəi wa. Yee neelé maji sané kɔ kar dəwje njaa dɔ’g ɓó kəm ra ne né el ŋga.

Njé gə́ Rɔmə 11:1

Bèe ndá ma m’pana: See Ala unda dəwje ləa ɓad wa. Wah! bèe el! Mbata ma nja kara m’to gə́ Israɛl ləm, m’to gə́ ŋgoka Abrakam ləma, m’to gə́ ginkoji lə Bḛjami ləm tɔ.