Jeremi 6:26 - Maktub gə́ To gə Kəmee

²⁶ Seḭ koso-dəwje ləm, Ulaje kubu-kwa-ndòo rɔ sí’g Rogoje ne babur’g, Waje ne ndòo to gə́ dəw Gə́ wa ne ndòo ŋgon kára bèe ləm, No̰je gə mán kəm sí’g Siije ne mbigi-mbigi ləm tɔ, Mbata njetujiloo a gə kuba sí naŋg bus.

Jeremi 6:26 Iomraidhean Croise

Gḭ-Néje 21:16

ɓa yeḛ ɔd aw si nea̰’g əw as loo kuru ɓandaŋg bèe. Mbata yeḛ pana: Maji kam m’oo yoo ŋgonəm el! Yeḛ si naŋg nea̰’g kédé ndá yeḛ ila boo-ndia naŋg no̰ ne.

Maktub gə́ wɔji dɔ Jɔb 15:21

Kaa néɓəl ɓar oso mbia’g ləm, Loo gə́ yeḛ si dan meelɔm’g kara njetujiloo ree ur dəa’g ya ləm tɔ.

Maktub gə́ wɔji dɔ Jɔb 2:8

Togə́bè Jɔb un seŋgəre ŋgə ne rəa ləm, si ne dan bu’g ləm tɔ.

Esai 22:12

Mbaidɔmbaije gə́ Njesigənea̰ gə́ njeboo-néje Ɓar sí mee ndəa’g neelé Gə mba kar sí no̰je ləm, Gə kunda kaar sí ləm, Kar sí ndisaje dɔ sí ləma, Gə kulaje kubu-kwa-ndòo rɔ sí’g ləm tɔ.

Esai 22:4

Yee gə́ bèe ɓa ma m’pa ne m’pana: Unje kəm sí dɔm’d gə́ raŋg, Ya̰’mje amje m’no̰ gə meeko̰, Saŋje loo gə mba gɔl məəm Wɔji dɔ tuji-boo gə́ teḛ dɔ ŋgon gə́ dené’g lə koso-dəwje ləm lé el.

Esai 3:24

Né gə́ ə̰də mbo̰ a taa tor né gə́ ə̰də sululu ləm, Kula a taa tor ndar ləm, Dɔ gə́ àr ŋgori-ŋgori A taa tor yiŋga dɔ ləm, Kubu-kwa-ndòo A taa tor kubu-ra-naḭ ləma, Tor doo a taa tor maji lə darɔ ləm tɔ.

Esai 30:13

Néra kori-kori neelé a kwɔji dɔ sí Asəna gə ndògo-bɔrɔ gə́ ŋgal gə́ ta̰ kédé ɓa aree təd ɓəi Aree teḛ gə́ raga təd kalaŋ gə́ léegəneeya:

Esai 32:11

Seḭ denéje gə́ njérɔkwɔije lé Sije dan ɓəl’g! Seḭ denéje gə́ síje lɔm lal kḛji ta lé Undaje bala to! Tɔrje kubu rɔ sí’g síje rɔ sí kari ba Ndá tɔje kubu-kwa-ndòo ɓər sí’g.

Jeremi 12:12

Mee looje lai gə́ ndəw Gə́ to dɔdilaloo’g lé Njétujilooje ree keneŋ, Mbata kiambas lə Njesigənea̰ Tuji ɓee bura ya̰ gesee el, Dəw kára kara iŋga meelɔm el.

Jeremi 13:17

Ɓó lé seḭ ooje ta el ndá N’a no̰ gə goo ŋgəḭ mbata beelé lə sí, Man no̰ a ruba kəm neḛ’g pɔ-pɔ, Mbata koso-dəwje gə́ to nékulje Le Njesigənea̰ lé d’a kaw sə dee ɓee-ɓər’g.

Jeremi 14:17

Aa oo, ta gə́ kəm kari ula dee ɓa to nee: Man-no̰ ndəi kəm neḛ’g dan kàrá Gə loondul’g, ɓó əw el, Mbata koso-dəwje lə neḛ Gə́ to d’asəna Gə ŋgoma̰də gə́ gər ŋgaw el lé Neḛ n’ar tuji-boo teḛ dɔ dee’g, To doo gə́ a kər el.

Jeremi 15:8

Njékəisiŋgaje lə dee Bula d’unda nagəra gə́ ta baa’g, N’ar njetuji oso dɔ dee’g gə dɔ ko̰ basa’g Loo gə́ kàr aar daŋdɔ. Neḛ n’ar néɓəŋgərəti Gə néɓəl-boo teḛ dɔ dee’g wai.

Jeremi 18:22

Ar ndu kii ɓar mee kəije’g lə dee Loo gə́ i a kar gayim-dəwje D’uba dee naŋg bus rɔ sə dee! Mbata deḛ d’uru bwa gə mba kwam ne ləm, Deḛ d’ila ba̰dəje kila gɔlm’g ləm tɔ.

Jeremi 30:5

Njesigənea̰ pa togə́bè pana: Jeḛ j’oo ndu kii gə́ to ɓəl kədm-kədm, To néɓəl kədm-kədm ɓó To némeelɔm el.

Jeremi 4:11

Mee ndəa’g neelé D’a kula koso-dəwje nee ləm Gə ɓee gə́ Jerusalem ləm tɔ pana: Lel gə́ nuŋga kəd-kəd ḭ dɔdərlooje gə́ dɔdilaloo’g Ula rəw-kaw’g lə ŋgolə koso-dəwje ləm gə́ dené Nɛ gə mba tó ne kó el ləm, Gə mba gɔl ne kandə né el ləm tɔ.

Jeremi 4:20

D’ila mber tuji gə́ dɔ na̰’d dɔ na̰’d Mbata ɓeeje lai tuji pugudu-pugudu, Deḛ tuji kəi-kubuje ləm pugudu-pugudu Gə́ léegəneeya ləm, Ndil-kula-dɔje ləm gə́ m’la kara Unda naŋg rab gə́ lé gən ya ləm tɔ.

Jeremi 4:8

Gelee gə́ nee ɓa maji kar sí ulaje kubu-kwa-ndòo rɔ sí’g No̰je ne ləm, gə tuma̰je ne ŋgururu-ŋgururu ləm tɔ, Mbata oŋg lə Njesigənea̰ gə́ to asəna gə pər bèe lé a lal sí el.

Jeremi 6:14

Deḛ tɔ ta doo lə koso-dəwje ləm Gə goo rəbee el Ndá pana: Meelɔm! Meelɔm! Nɛ meelɔm godo,

Jeremi 8:19

Aa ooje, ndu no̰ lə koso-dəwje ləm ɓar Dɔ naŋg ɓeeje gə́ əw’g pana: See Njesigənea̰ godo Sio̰ wa. See mbai lə dee godo keneŋ wa. See gelee ban ɓa Deḛ tɔl néndajije gə́ magəje Gə́ to magəje gə́ dɔ ɓee’g D’ar oŋg ḭ ne səm pu wa.

Jeremi 8:21

Némeeko̰ lə koso-dəwje ləm Sɔ siŋgam yaa̰ ləm, Ma m’isi dan kəmtondoo’g ləma, Ɓəl undam badə gaŋgm ləm tɔ.

Jeremi 9:1

Wai! Lée m’iŋga ŋgon Kəi-to-mbàje dɔdilaloo’g ndá M’a kuba koso-dəwje ləm kya̰ dee kaw əw keneŋ! Mbata deḛ lai to njémɔdkaiyaje ləm, Deḛ to kudu dəwje gə́ njékun dɔ mar deeje ləm tɔ.

Jeremi 9:10

Njesigənea̰ pana: M’a kwa Jerusalem kugu ɓiri-ɓisi Karee to gə́ loo-to lə tàlje ləm, M’a kar ɓee-booje gə́ Juda Tel to dɔnduba kar dəw kára kara Si keneŋ el ləm tɔ.

Nɔ̰-ndôo gə́ wɔji dɔ Jerusalem 1:16

Néje neelé ɓa am m’no̰ ne, Ar mán-no̰ ndum ne kəm Mbata dəw gə́ njegɔl məəm ləm, Gə́ to njekarm siŋgam ləm tɔ lé Sa rəa rɔm’g rəw. Ŋganəmje lai d’isi dan no̰ ndòo’g Mbata njeba̰ lé siŋgá dum dɔ loo.

Nɔ̰-ndôo gə́ wɔji dɔ Jerusalem 1:2

Yee no̰ loondul’g Ar mán-no̰ tɔ kəmee wə-wə, Nɛ mbuna deḛ gə́ ndigee’g kédé lé Dəw kára bèe gə́ njegɔl mée godo, Baokuraje ləa lai tel d’ubá d’yá̰ Ndá deḛ tel to njéba̰je ləa.

Nɔ̰-ndôo gə́ wɔji dɔ Jerusalem 2:11

Man-no̰ tɔ kəm wə-wə ləm, Ŋgan siḭm mbirim mba̰-mba̰ ləma, Siŋgam teḛ rɔm’g wɔndə ləm tɔ. Mbata tuji gə́ oso dɔ dəwje’g ləm ləm, Gə mbata ŋganje gə ŋganje gə́ ta mbà’d Gə́ d’aw d’ila mbir-mbir mee ɓee’g lé ləm tɔ.

Nɔ̰-ndôo gə́ wɔji dɔ Jerusalem 3:16

Yeḛ təd ŋgaŋgəm gə kɔri-ərje ləm, Yeḛ rogm dan bu’g ləm tɔ.

Nɔ̰-ndôo gə́ wɔji dɔ Jerusalem 3:48

Man-no̰ ruba kəm’g pɔ-pɔ Mbata tuji gə́ teḛ dɔ dəwje’g ləm lé.

Nɔ̰-ndôo gə́ wɔji dɔ Jerusalem 4:10

Denéje gə́ to njémeekawtaḭ-taḭje ya Ndiri ŋgan deeje ɓa d’aree to nésɔ dee Dan nékəmndoo gə́ teḛ dɔ koso-dəwje’g lé ləm tɔ.

Nɔ̰-ndôo gə́ wɔji dɔ Jerusalem 4:3

Tálje kara d’ar ŋgan deeje d’il mbà dee Nɛ dəwje gə́ ɓee ləm lé Yeḛ tel to njemeeiyèr To gə́ miruje gə́ d’aw dɔdilaloo’g bèe.

Nɔ̰-ndôo gə́ wɔji dɔ Jerusalem 4:6

Bo̰ néra koso-dəwje ləm gə́ ɔs ta dee’g lé To ɓəl yaa̰ unda né gə́ teḛ dɔ Sɔdɔm’d Gə́ tuji to gə́ kəm gə́ tuga jib bèe Lal kar dəw un jia naree ne.

Amɔs 8:10

N’a kar loo-ra-naḭje lə sí tel to gə́ loo-yoo ləm, Pakɔsje lə sí lai a tel to gə́ no̰ yoo ləm, N’a kar sí ulaje kubu-kwa-ndòo reŋ sí’g lai ləma, N’a kar dɔ sí lai àr ŋgori-ŋgori ləm tɔ. N’a kar ɓee neelé wa ndòo To gə́ d’wa ne ndòo lə ŋgon kára lə kea̰ bèe Ndá rudee a to kasəna gə ndɔ meekad mbag-mbag bèe.

Junas 3:6

Ta neelé aw saar oso mbi mbai gə́ Ninibə’g pad ndá yeḛ ḭ dɔ kalimbai’g ləa, ɔr kubu ləa gə́ boi yul lé rəa’g ya̰ ula kubu-kwa-ndòo rəa’g rəm si ne dan bu’g gə kəmndoo.

Jakari 12:10

Tɔ ɓəi n’a kar ndil gə́ ka̰ noji ləm, gə́ ka̰ ra ndòo ləm tɔ ɔm dɔ gel-bɔje’g lə Dabid ləm, gə dɔ njé gə́ Jerusalem’g ləm tɔ. Ndá d’a tel kəm dee gə́ rɔ neḛ-neḛ’d gə́ d’ɔs neḛ gə niŋga lé. D’a no̰ no̰ neḛ’g to gə́ no̰ ne ŋgon kára lə kea̰ bèe ləm, d’a no̰ sii mbigi-mbigi to gə́ no̰ ne ŋgondər bèe ləm tɔ .

Lugu 7:12

Loo gə́ deḛ d’unda dɔ ɓee dəb ndá d’aa loo d’oo dəwje d’un nin gə́ to ŋgon kára lə ko̰ gə́ kea̰je to gə́ njekəisiŋga lé ɓəgəgə, d’aw səa gə mba dubee, koso-dəwje gə́ mee ɓee’g neelé d’aw gə ko̰ ŋgonje lé na̰’d tɔ.

Maktub gə́ Jak ula ne ar ngan-Allaje 4:9

Waje ndòo rɔ sí, síje gə kəmndooyoo ləm, gə mán-no̰ kəm sí’g ləm tɔ. Ŋgaŋ kogo lə sí lé mbélje ne kəmndooyoo ləm, rɔlel lə sí lé kara mbélje ne nékəmndoo ləm tɔ.

Maktub gə́ Jak ula ne ar ngan-Allaje 5:1

Ɓasinè ooje ta nee seḭ bao-nékiŋgaje: No̰je gə mán-no̰ kəm sí’g ləm, tuma̰je ŋgururu-ŋgururu ləm tɔ mbata némeekonje gə́ d’a gə teḛ dɔ sí’g lé.