Jeremi 6:23 - Maktub gə́ To gə Kəmee

²³ Deḛ d’odo ɓandaŋgje Gə ko̰ niŋgaje ləm, Deḛ to njémeemajelje Ɓó d’oo kəmtondoo el ləma, Ndu dee ɓar asəna gə baa-boo-kad bèe ləm tɔ. Deḛ d’uba kundaje D’isi pèrèrè gə mba rɔ To gə́ dəw gə́ kára ba bèe, Mba rɔ sə sí-seḭ gə́ síje Sio̰!

Jeremi 6:23 Iomraidhean Croise

Esai 10:32

Deḛ d’aar naŋg Nob as ndɔ kára Ndá deḛ sɔb ji dee ndaŋg ne mbal gə́ Sio̰ Gə́ to dɔdərloo gə́ Jerusalem lé.

Esai 13:18

D’a tɔl basaje gə ɓandaŋgje lə dee ləm, D’a koo kəmtondoo lə ŋganje el ləma, D’a kun kəm dee dɔ ŋganje’g kya̰ dee el ləm tɔ.

Esai 17:12

Ǝi! kaa ndu koso-dəwje gə́ ɓar! Kaa ndu dee ɓar asəna Gə kaa baa-boo-kad gə́ ɓar bèe. Kaw dɔ na̰ pum-pum lə ginkoji dəwje gə raŋg lé Ɓar asəna gə manje gə́ d’ula gə siŋga dee bèe tɔ.

Esai 19:4

Mbaidɔmbaije gə́ to Njesigənea̰ gə́ njeboo-néje pana: M’a kɔm Ejiptəje meḛ ji mbai gə́ njera nékədərə ləm, Mbai gə́ to njemeeyèr A ko̰ɓee dɔ dee’g ləm tɔ.

Jeremi 25:32

Njesigənea̰ gə́ njeboo-néje pata togə́bè pana: Némeeko̰-boo ḭ aw gə́ kédé-kédé Mbuna ginkoji dəwje gə raŋg’g ləm, Lel-boo ḭ gigigi gwɔi naŋg’d ləm tɔ.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 30:14

Deḛ lai gə́ d’undai dan kəm dee’g lé Meḛ dee wəi sel dɔi’g. Dəw kára kara ə̰ji dɔi’g el, Mbata m’a kundai to gə́ njeba̰ bèe ləm, Kəmkàr gə́ m’wɔjii lé kədərə ləm tɔ, Gə mbata néra kori-korije ləi Gə́ ɔs dɔ na̰-na̰ ləm, Mbata kaiya raije gə́ bula dum tura ləm tɔ.

Jeremi 4:13

Aa ooje, njetujiloo lé Si ree gə́ nee asəna gə mum, Pusu-rɔje ləa d’aiŋgwɔd To gə́ lel-mal bèe ləm, Gɔl kundaje ləa wɔilɔ pélé-pélé To gə́ niŋgatə̰də bèe ləm tɔ. Meeko̰ oso dɔ sí’g mbata jeḛ n’tuji ŋga!

Jeremi 4:16

Paje taree arje ginkoji dəwje gə raŋg ləm, Arje njé gə́ Jerusalem d’oo ləm tɔ: Deḛ gə́ d’aḭ dɔ dee sub gə rɔ lé D’ḭ dɔ ɓee gə́ əw’g, Deḛ d’uru kò-rɔ dɔ ɓee-booje gə́ Juda.

Jeremi 4:29

Kaa njékundaje gə njérɔ ɓandaŋgje ɓar Ndá dəwje lai gə́ mee ɓee-booje’g d’aḭ, Deḛ d’iya rɔ dee mbuna kagje’g ləm, D’uba dɔ mbalje ləm tɔ, D’uba ɓee-booje lai d’ya̰ dee Ar dəw kára kara nai keneŋ el.

Jeremi 5:16

Ku ɓandaŋgje lə dee to d’asəna gə bwa-dɔɓar gə́ to tag, Deḛ lai to bao-rɔje.

Jeremi 50:41

Aa ooje, koso-dəwje d’ḭ dɔgel D’aw gə́ nee ləm, Ginkoji dəwje gə́ bula digi-digi Gə mbaije gə́ njésiŋgamoŋje D’uba naŋg d’ḭ rudu naŋg’d ree ləm tɔ.

Jeremi 50:42

Deḛ d’odo ɓandaŋgje Gə ŋgan niŋgaje, Deḛ to njémeemajelje ləm, D’oo kəmtondoo el ləm tɔ. Deḛ tuba kundaje, Deḛ d’isi pèrèrè gə mba rɔ To gə́ dəw gə́ kára ba bèe, D’a gə rɔ sə sí-seḭ gə́ Babilɔn Gə́ toje asəna gə ŋgoma̰də!

Jeremi 6:4

Waje dɔ gɔl rɔ sí mba rɔje səa! Loo gə́ kàr aar daŋdɔ ya ar sí j’awje! No̰ sí àr el mbata kàr lə sí godo ləm, Loo aw ndul ləm tɔ.

Jeremi 8:16

Ndu ndil lə kundaje ləa ɓar Kel loo gə́ Dan ləm, Loo gə́ d’oo ndu ndil lə dee ndá Dɔ naŋg nee lai yə ɓugu-ɓugu ləm tɔ. Deḛ ree ndá tuji naŋg Gə néje lai gə́ keneŋ ləm,

Ejekel 21:31

Mbaidɔmbaije gə́ Njesigənea̰ pa togə́bè pana: D’a kɔr jɔg ləm, d’a kɔr dɔgugu ləm tɔ! Néje d’a tel to ɓəd. Yeḛ gə́ d’aree ula dəa lé d’a karee unda dəa tar ləm, yeḛ gə́ d’aree unda dəa tar lé d’a karee ula dəa ləm tɔ.

Tel tura Godndu 28:49

Njesigənea̰ a kar ginkoji dəwje gə́ d’isi gwɔi naŋg’d əw ya d’ḭ ree rɔ sə sí, to ginkoji dəwje gə́ d’a ree kalaŋ to gə́ niŋgatə̰də gə́ nar bèe, to ginkoji dəwje gə́ seḭ a gərje ta lə dee el ləm,