Jeremi 6:18 - Maktub gə́ To gə Kəmee

¹⁸ Gelee gə́ nee ɓa Seḭ ginkoji dəwje gə raŋg, ooje ta! Seḭ gə́ mbo̰je dɔ na̰ lé Maji kar sí gərje né gə́ a gə teḛ dɔ dee’g lé!

Jeremi 6:18 Iomraidhean Croise

Esai 5:3

Ɓasinè, seḭ gə́ síje Jerusalem Gə dəwje gə́ Juda lé Maji kar sí gaŋgje rəwta mbuna síjeḛ gə ndɔ-nduú’g ləm.

Jeremi 31:10

Seḭ ginkoji dəwje gə raŋg, Ooje ta lə Njesigənea̰, Ndá ilaje mberee dɔgoré-looje Gə́ əw lé pajena: Yeḛ gə́ sané Israɛlje kédé lé A tel mbo̰ dee dɔ na̰’d Ndá yeḛ a kaa dɔ dee to gə́ njekulbadje Aa ne dɔ koso-badje ləa bèe.

Jeremi 4:10

Ma m’pana: Ǝi Mbaidɔmbaije gə́ Njesigənea̰! Kédé i su kəm koso-dəwje nee Gə ɓee gə́ Jerusalem ya pana: D’a si dan meelɔm’g. Nɛ d’isi ta yoo-kiambas’g.

Jeremi 4:16

Paje taree arje ginkoji dəwje gə raŋg ləm, Arje njé gə́ Jerusalem d’oo ləm tɔ: Deḛ gə́ d’aḭ dɔ dee sub gə rɔ lé D’ḭ dɔ ɓee gə́ əw’g, Deḛ d’uru kò-rɔ dɔ ɓee-booje gə́ Juda.

Jeremi 6:17

M’unda njéŋgəmlooje mbɔr sí’g dəb, Urje mbi sí gèŋ gə mba kooje ne ndu to̰to̰! Nɛ deḛ d’ilá keneŋ pana: Jeḛ j’a kurje mbi sí el.

Jeremi 6:19

I dɔ naŋg neelé maji kari oo ta, Aa oo, m’a gə kar némeeko̰ ree Dɔ koso-dəwje’g neelé Gə goo kandə takə̰jije lə dee, Mbata deḛ d’ur mbi dee Dɔ taje’g ləm el ləm, Deḛ d’ə̰ji godndum bəḭ-bəḭ ləm tɔ.

Misee 6:5

Ǝi seḭ dəwje ləm, arje meḛ sí olé dɔ né gə́ Balak, Mbai gə́ Moab wɔji gə mba ra ləm, Gə ta gə́ Balaam, ŋgolə Beɔr ilá keneŋ ləm tɔ. Arje meḛ sí olé dɔ né gə́ teḛ dɔ sí’g Un kudee ɓee gə́ Sitim saar teḛ ne Gilgal Gə mba kar sí gərje ne némajije gə́ Njesigənea̰ ra lé.