Jeremi 6:14 - Maktub gə́ To gə Kəmee

¹⁴ Deḛ tɔ ta doo lə koso-dəwje ləm Gə goo rəbee el Ndá pana: Meelɔm! Meelɔm! Nɛ meelɔm godo,

Jeremi 6:14 Iomraidhean Croise

2 Samel 17:3

Bèe ɓa m’a kar koso-dəwje lai tel ree rɔi’g, kwəi lə dəw gə́ i ndigi karee udu lé ɓa a kar dee-deḛ lai tel ree ndá koso-dəwje d’a kiŋga ne meekulɔm ya.

Esai 1:6

Un ŋgira gɔl sí’g naŋg saar Teḛ dɔ sí’g tar lé Né kára gə́ maji godo keneŋ, To gə́ doo ya bura ləm, Gə doo gə́ dɔ mundu ləma, Gə doo yii ləm tɔ Gə́ lal kɔm mán keneŋ ləm, Gə lal tɔ ləma, Gə lal kunda ubu təa’g karee kul lɔm ləm tɔ.

Esai 30:10

Deḛ d’ula njénékooje pana: Maji kar sí toje njénékooje el! Tɔɓəi d’ula njéteggintaje pana: Tegje gintaje gə́ tɔgərɔ ar síje el tɔ. Nɛ taje gə́ ka̰ su kəm loo ɓa ula síje ləm, Tegje gintaje gə́ rii ar síje ləm tɔ!

Esai 30:26

Ndogó lə naḭ a tel to to gə́ ka̰ kàr bèe ləm, Kɔs lə kàr lé siŋgá a kur dɔ kɔs’g ləa gə́ ndɔ kára as gɔl siri ləm tɔ Loo gə́ Njesigənea̰ a tɔ ta doo lə koso-dəwje ləa Kar ta dooje gə́ d’iŋga loo gə́ yeḛ kunda dee lé ər kəmsə.

Jeremi 14:13

M’ilá keneŋ m’pana: Ǝi Mbaidɔmbaije gə́ Njesigənea̰, aa oo, njéteggintaje d’ula dee pana: D’a koo kiambas gogo el ŋga ləm, ɓoo-boo a teḛ dɔ dee’g gogo el ŋga ləm tɔ. Nɛ lée neelé i a kar dee d’isi dan kankəm meekulɔm’g.

Jeremi 14:17

Aa oo, ta gə́ kəm kari ula dee ɓa to nee: Man-no̰ ndəi kəm neḛ’g dan kàrá Gə loondul’g, ɓó əw el, Mbata koso-dəwje lə neḛ Gə́ to d’asəna Gə ŋgoma̰də gə́ gər ŋgaw el lé Neḛ n’ar tuji-boo teḛ dɔ dee’g, To doo gə́ a kər el.

Jeremi 23:17

Deḛ d’ula njékḛji neḛ bəḭ-bəḭje pana: Njesigənea̰ pana: Seḭ a kiŋgaje meelɔm, Tɔɓəi deḛ d’ula Njé njaa gə goo takə̰ji gə́ meḛ dee’gje pana: Némajel kára kara a teḛ dɔ sí’g el.

Jeremi 28:3

Nai as ləb joo ndá nékulaje lai gə́ mee kəi’g lə Njesigənea̰ gə́ Nebukadnesar, mbai gə́ Babilɔn odo aw ne Babilɔn lé m’a kar dee tel ree ne lée’g nee gogo.

Jeremi 4:10

Ma m’pana: Ǝi Mbaidɔmbaije gə́ Njesigənea̰! Kédé i su kəm koso-dəwje nee Gə ɓee gə́ Jerusalem ya pana: D’a si dan meelɔm’g. Nɛ d’isi ta yoo-kiambas’g.

Jeremi 5:12

Deḛ maḭta lə Njesigənea̰ D’oo taŋgɔm pa ne pana: Godo! Némeeko̰ a ree dɔ neḛje’g el ləm, N’a kooje kiambas əsé ɓoo-boo el ləm tɔ.

Nɔ̰-ndôo gə́ wɔji dɔ Jerusalem 2:14

Némḭdije gə́ njéteggintaje ləi d’oo lé To néje gə́ kari ba ləm, Gə néje gə́ ŋgɔm ləm tɔ, Mbata deḛ teggin kaiya raije gə́ raga Mba kɔr ne ta ɓər dɔi’g el, Deḛ d’ula sí ta némḭdije gə́ ŋgɔm ləm, Gə sukəmloo ləm tɔ.

Ejekel 13:10

Néje neelé a teḛ mbata deḛ d’ar koso-dəwje lə neḛ ndəm. Loo gə́ meelɔm godo ɓəi kara deḛ pana: Meelɔm, meelɔm! Koso-dəwje lə neḛ d’ila ndògo-bɔrɔ nɛ deḛ lé rḛdə bɔrɔ gə́ majel keneŋ.

Ejekel 13:16

gə́ to njéteggintaje gə́ Israɛl gə́ d’aw tegginta d’wɔji ne dɔ Jerusalem ləm, deḛ gə́ d’oo némḭdije gə́ ka̰ meelɔm loo gə́ meelɔm godo lé kara d’a godo ləm tɔ. Mbaidɔmbaije gə́ Njesigənea̰ ɓa pa bèe.

Ejekel 13:22

Mbata seḭ arje mee njemeekarabasur pélé wəs-wəs gə taŋgɔmje loo gə́ neḛ nja n’ula kəmee ndòo el ləm, mbata seḭ arje ji njemeeyèr ɓar mèr-mèr mba kɔgee ne loo kuba rəw néra ləa gə́ majel kya̰ mba si ne kəmba ləm tɔ.

Ejekel 14:9

Ɓó lé njetegginta ya̰ loo ar dee su kəmee ɓa un ta pa ndá to neḛ Njesigənea̰ ya ɓa n’su kəm njetegginta neelé, n’a kula ji neḛ ndiŋ gə́ dəa’g ndá n’a tujee ne mbuna koso-dəwje’g lə neḛ gə́ Israɛl.

Misee 2:11

Ɓó lé dəw aiŋgwɔd goo lel’g ləm, Un kudu pa taŋgɔmje ləm tɔ pana: Neḛ ndigi tegginta gə́ wɔji dɔ mán-nduú ləm, Gə nékaije gə́ mḭ yaa̰ ləm tɔ! Ndá koso-dəwje d’a koo debee neelé gə́ njetegginta ya.

Misee 3:5

Ta gə́ Njesigənea̰ pa Dɔ njéteggintaje gə́ d’ar koso-dəwje lə neḛ ndəm lé ɓa nee: Loo gə́ nésɔ to ŋgaŋ dee’g mba kar deḛ to̰ ndá D’ila mber meekulɔm Nɛ loo gə́ nésɔ godo ta dee’g ndá Mber rɔ ɓa d’ila tɔ.

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.

2 Piɛrə 2:1

To gə́ ləw ba, njéteggintaje gə́ ŋgɔm d’isi mbuna dəwje’g lé togə́bè ɓa njékɔrginta gə́ ŋgɔmje d’a kandə mbuna sí-seḭ’g bèe tɔ. D’a kun ta gə goo ŋgəḭ ndoo sí ne taje gə́ kori-kori gə́ a gə tuji sí ləm, deḛ nja d’a mbad mbai gə́ njekoga dɔ dee lé ɓar ne tuji dɔ dee’g karee uba dee naŋg bus ləm tɔ.