Jeremi 6:13 - Maktub gə́ To gə Kəmee

¹³ Mbata un kudee dɔ dəwje Gə́ gɔ-gɔ’g saar teḛ ne dɔ deḛ gə́ boo-boo’g lé Deḛ lai lé mal kiŋga né Gə́ gə goo rəbee el ra dee ŋgwɔd-ŋgwɔd, Un kudee dɔ njetegginta’g saar teḛ ne dɔ njekinjanéməs’g lé Deḛ lai to njésukəmlooje.

Jeremi 6:13 Iomraidhean Croise

Esai 28:7

Nɛ deḛ nja kara d’ai mán-nduú d’aw ne jogè-jogè ləm, Nékai gə́ mḭ ar dɔ dee tel ne wagəsa ləm tɔ, Njékinjanéməsje gə njéteggintaje d’aw jogè-jogè dan nékai gə́ mḭ’g ləm, Man-nduú taa rɔ dee pəl-pəl ləm tɔ. Nékai gə́ mḭ ar dɔ dee tel wagəsa ləm, Deḛ d’aw jogè-jogè loo gə́ deḛ tegginta ləm, Deḛ ləŋg dɔ gaŋg rəwta’g ləm tɔ.

Esai 57:17

Gə goo mal né gə́ ra dee Gə́ ar ta wa ne dɔ dee lé ɓa Oŋg ḭ ne səm pu dɔ dee’g Am m’unda dee ne ləm, Ma m’iya ne rɔm pḛ́ dan oŋg’d ləm ləm tɔ, Ndá njekɔsta rəw aw ne rəw gə́ mée ndigi’g.

Jeremi 14:18

Ɓó lé neḛ n’teḛ n’aw mee wala’g ndá Aa oo, n’oo dəwje gə́ d’wəi yoo-kiambas. Ɓó lé n’andə mee ɓee-boo’g ndá Aa oo, n’oo dəwje gə́ ɓoo-boo Ula kəm dee ndòo. Njéteggintaje gə njékinjanéməsje D’ila mbir-mbir mee ɓee’g Lal gər loo gə́ d’a kaw gə́ keneŋ.

Jeremi 17:11

Dəw gə́ mbo̰ nékiŋgaje Gə́ gə goo rəbee el gə́ dɔ na̰’d-na̰’d lé To asəna gə kɛrɛ gə́ to dɔ kaw’d gə́ to kea̰ el, Loo gə́ ndɔje ləa nai kédé ya ɓəi ndá Yeḛ a kuba dee kya̰ dee ndá Rudu ndɔ ləa lé yeḛ tel to mbə-dəw.

Jeremi 2:26

To gə́ njeɓogo gə́ dəw teḛ dəa’g wai ar rəa kul lé Gel-bɔje lə Israɛl kara Rɔ dee a kul togə́bè tɔ, Deḛ ləm, gə mbaije lə dee Gə ŋgan-mbaije lə dee ləm, Gə njékinjanéməsje lə dee Gə njéteggintaje lə dee ləm tɔ.

Jeremi 2:29

See ban ɓa seḭ a kɔrje kəmta lə sí Maḭje ne səm bèe wa. Seḭ lai toje majikojije el, Njesigənea̰ ɓa pa bèe.

Jeremi 2:8

Njékinjanéməsje kara dəji ta bèe pana: See Njesigənea̰ si ra wa el ləm, Njégər gin godnduje gərm el ləm, Njékɔrno̰ dəwje to majikojije el ləm, Njéteggintaje tegginta gə ri magə-Baal ləma, Deḛ d’aw goo deḛ gə́ D’askəm la sə dee el ləm tɔ.

Jeremi 22:17

Nɛ i lé kəmi gə dɔ ɓəŋgəri To mba tɔl ne mal kiŋga né gə goo rəbee el ləm, Gə mba kila ne məs yeḛ gə́ ta wa dəa el ləma, Gə mba kula kəm loo ndòo Ra ne né gə́ kərm-kərm ləm tɔ.

Jeremi 23:10

Mbata mɔdkaiya ɓa Taa loo mee ɓee’g pəl-pəl, Kəm ɓee to ndòo Gə mbata lə ndɔl gə́ wa dəa, Loo-ko̰-muje lə nékulje Gə́ ndag-loo’g lé tudu kurum-kurum. Deḛ d’aiŋgwɔd mba ra né gə́ majel ləm, Siŋga dee to mbata néra gə́ yèr ya ba ləm tɔ.

Jeremi 23:11

Njéteggintaje gə njékinjanéməsje Tel to dəwje gə́ mina̰. Mee kəi’g lə neḛ ya kara N’iŋga meeyèr lə dee keneŋ, Njesigənea̰ ɓa pa bèe.

Jeremi 27:15

Njesigənea̰ pana: Ma m’ula dee el, nɛ deḛ teggin taŋgɔm gə rim gə mba kam m’tuba sí ne, seḭ gə njéteggintaje gə́ tegginta d’ar sí lé kar sí uduje ne.

Jeremi 32:32

Mbata néramajelje lai gə́ Israɛlje gə Judaje ra d’ar məəm ḭ ne səm pu, deḛ ləm gə mbaije lə dee ləm, gə ŋgan-mbaije lə dee ləm, gə njékinjanéməsje lə dee ləm, gə njéteggintaje lə dee ləm, gə dəwje gə́ Juda ləma, gə deḛ gə́ d’isi Jerusalem lé ləm tɔ.

Jeremi 42:1

Ɓée kudu-njérɔje lai gə Jokana, ŋgolə Karea gə Jejania, ŋgolə Hosee ləm, gə koso-dəwje lai gə́ un kudee dɔ ŋganje’g saar teḛ ne dɔ njé gə́ tɔg’d ləm tɔ lé rəm pər

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Jeremi 8:10

Gelee gə́ nee ɓa n’a kar denéje lə dee Tel to ne ka̰ njé gə́ raŋg ləm, Loo-ndɔje lə dee n’a kar njé gə́ raŋg Taa gə́ ka̰ dee ləm tɔ. Mbata un kudee dɔ dəwje gə́ gɔ-gɔ’g Saar teḛ ne dɔ njé gə́ boo-boo’g lé Mal kiŋga né gə́ gə goo rəbee el Ra dee ŋgwɔd-ŋgwɔd. Un kudee dɔ njéteggintaje’g Saar teḛ ne dɔ njékinjanéməsje’g lé Deḛ lai to njésukəmlooje.

Nɔ̰-ndôo gə́ wɔji dɔ Jerusalem 4:13

Gelee wɔji ne dɔ kaiya ra njéteggintaje ləa ləm, Gə néra kori-kori lə njékinjanéməsje ləa Gə́ d’ila məs njémeekarabasurje naŋg Kari ba lé ləm tɔ.

Ejekel 22:12

Mee ɓee-boo’g ləi lé deḛ taa néndogo-gel mba kila ne məs. Deḛ d’ar dee tona dee né ndá d’wɔji maree dɔ’g ləm, taa manee dɔ’g ləm tɔ, deḛ buguru mar deeje mba taa né lə dee ləm, neḛ kara d’ar meḛ dee wəi dɔ neḛ’g ləm tɔ. Mbaidɔmbaije gə́ Njesigənea̰ ɓa pa bèe.

Ejekel 33:31

Deḛ d’aw rɔi’g bula ndá koso-dəwje lə neḛ d’isi naŋg nɔḭ’g, d’oo taje gə́ ḭ tai’g nɛ deḛ ra née el mbata ta dee ɓa deḛ su ne kəm loo ləm, d’ya̰ meḛ dee yag gə́ dɔ mal néje’g gə goo rəbee el ləm tɔ.

Misee 3:11

Njégaŋ-rəwtaje lə dee gaŋg rəwta Mbata lə néndogo-gel ləm, Njékinjanéməsje lə dee ndoo dəwje né Mbata ne k’uga dɔ ji dee ləma, Njéteggintaje lə dee pata néje gə́ d’a gə ree Taa ne lar ləm tɔ. Deḛ nduna rɔ dee rɔ Njesigənea̰’g pa ne pana: See Njesigənea̰ si mbuna neḛje’g el wa. Némeeko̰ kára kara a tibi mbɔr neḛje el.

Misee 3:5

Ta gə́ Njesigənea̰ pa Dɔ njéteggintaje gə́ d’ar koso-dəwje lə neḛ ndəm lé ɓa nee: Loo gə́ nésɔ to ŋgaŋ dee’g mba kar deḛ to̰ ndá D’ila mber meekulɔm Nɛ loo gə́ nésɔ godo ta dee’g ndá Mber rɔ ɓa d’ila tɔ.

Lugu 16:14

Parisiḛje gə́ to njéko̰laolarje d’aar keneŋ d’oo ta ləa lai neelé ndá deḛ kogo ne.

1 Timote 3:3

Maji karee to gə́ ɓər lə kido el ləm, gə njera né kərm-kərm el ləm tɔ. Nɛ yeḛ a to njemeekila ləm, a to njetar el ləma, yeḛ a to njekəmkəḭ el ləm tɔ.

2 Piɛrə 2:1

To gə́ ləw ba, njéteggintaje gə́ ŋgɔm d’isi mbuna dəwje’g lé togə́bè ɓa njékɔrginta gə́ ŋgɔmje d’a kandə mbuna sí-seḭ’g bèe tɔ. D’a kun ta gə goo ŋgəḭ ndoo sí ne taje gə́ kori-kori gə́ a gə tuji sí ləm, deḛ nja d’a mbad mbai gə́ njekoga dɔ dee lé ɓar ne tuji dɔ dee’g karee uba dee naŋg bus ləm tɔ.

2 Piɛrə 2:3

Meeyèr gə́ meḛ dee’g lé ndam godo, yee ɓa, d’a sɔ sí ne gə taŋgɔmje lə dee ya. Deḛ lé gaŋg rəwta dɔ dee’g ləw ba lé to dɔ dee’g keg ɓəi ar tuji ya̰ dee ne gə goo ŋgalee el nja saar.