Jeremi 6:12 - Maktub gə́ To gə Kəmee

¹² Kəije lə dee d’a tel to ka̰ njé gə́ raŋg ləm, Loo-ndɔje lə dee gə denéje lə dee Kara bèe ləm tɔ, Loo gə́ m’a kula jim ndiŋ Gə́ dɔ dəw-mee-ɓeeje’g, Njesigənea̰ ɓa pa bèe.

Jeremi 6:12 Iomraidhean Croise

1 Sôrta Gḭka-Israɛlje 21:16

Dabid un kəmee oo kura gə́ dara gə́ aar mbuna dara gə naŋg nee’g. Kiambas gə́ yeḛ ɔr sɔlee’g to jia’g ula par gə́ Jerusalem. Yen ŋga Dabid gə ŋgatɔgje d’ula kubu-kwa-ndòo rɔ dee’g d’oso bəbərə dəb ne kəm dee naŋg.

Esai 10:4

Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Esai 9:12

Nɛ Koso-dəwje neelé Tel ree rɔ yeḛ gə́ unda dee’g lé el ləm, Deḛ tel ndolè goo Njesigənea̰ Gə́ to Ala gə́ njeboo-néje lé el ləm tɔ.

Esai 9:17

Mbata némeeyèrje lé o̰ loo to gə́ pər Gə́ roo kun-pɔrɔrɔje gə kunje bèe, Yee taa mee kag-kɔr gə́ ndər lé Ar sa pər uba keneŋ ŋgɔg-ŋgɔg.

Jeremi 15:6

Seḭ ubamje ya̰’mje, Njesigənea̰ pa bèe. Seḭ rəmje gogo. Nɛ neḛ n’ula ji neḛ ndiŋ gə́ dɔ sí’g Ndá n’tuji sí ne, Rɔ neḛ as neḛ dɔ koo kəmtondooje’g lə sí.

Jeremi 21:5

Tɔɓəi n’a rɔ sə sí gə ji neḛ gə́ n’ula ndiŋ gə meeko̰, gə meekḭ jugugu, gə oŋg gə́ al dɔ loo sula.

Jeremi 38:22

D’a kaw gə denéje lai gə́ nai mee kəi’g lə mbai gə́ Juda kar ŋgan-mbaije lə mbai gə́ Babilɔn, ndá denéje neelé d’a pa pana: Deḛ gə́ d’ila mber meekulɔm d’ari lé Deḛ su kəmi dum ne dɔi, Nɛ loo gə́ i ula gɔli bɔrɔ-dubu’g Ndá deḛ sa rɔ dee.

Jeremi 38:23

D’a kaw gə denéje ləi lai gə ŋganije kaw kar Kaldeje ndá i a teḛ meḛ ji dee’g el ləm, mbai gə́ Babilɔn a kwai gə jia peb ləm, a roo ɓee-boo nee ləm tɔ.

Jeremi 7:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, m’a kar oŋg ləm gə oŋg-boo ləm taa loo gə́ neelé yal-yal. A kɔm dɔ dəwje’g, gə dɔ daje’g, gə dɔ kagje gə́ mee ndɔje’g, gə dɔ kandə néje gə́ naŋg nee tɔ, oŋg neelé a ko̰ to gə́ pər bèe ndá a kwəi nda̰ el.

Jeremi 8:10

Gelee gə́ nee ɓa n’a kar denéje lə dee Tel to ne ka̰ njé gə́ raŋg ləm, Loo-ndɔje lə dee n’a kar njé gə́ raŋg Taa gə́ ka̰ dee ləm tɔ. Mbata un kudee dɔ dəwje gə́ gɔ-gɔ’g Saar teḛ ne dɔ njé gə́ boo-boo’g lé Mal kiŋga né gə́ gə goo rəbee el Ra dee ŋgwɔd-ŋgwɔd. Un kudee dɔ njéteggintaje’g Saar teḛ ne dɔ njékinjanéməsje’g lé Deḛ lai to njésukəmlooje.

Nɔ̰-ndôo gə́ wɔji dɔ Jerusalem 2:8

Njesigənea̰ wɔji mée’g Mba tuji ndògo-bɔrɔ lə ŋgoma̰də gə́ Sio̰, Yeḛ wɔjee gə kúla Nɛ yeḛ ɔr jia keneŋ el saar Aree tuji lai-lai ya, Kəi-kaar-kɔgərɔje gə ndògo-bɔrɔje kara No̰-yoo ɓa taa loo keneŋ pəl-pəl Ar deḛ gə́ d’isi keneŋ kara D’isi gə kəmndooyoo tɔ.

Nɔ̰-ndôo gə́ wɔji dɔ Jerusalem 3:3

Tɔgərɔ ya. Ndɔje kára-kára lai lé Yeḛ kundam gə jia gə́ naŋg-naŋg ya.

Nɔ̰-ndôo gə́ wɔji dɔ Jerusalem 5:11

Deḛ d’ula sul dɔ denéje gə́ Sio̰ ləm, Gə dɔ ŋgama̰dje gə́ mee ɓee-booje gə́ Juda ləm tɔ.

Nɔ̰-ndôo gə́ wɔji dɔ Jerusalem 5:2

Némajije lə sí lé tel to ka̰ dəw-dɔ-ɓeeje ləm, Kəije lə sí kara tel to ka̰ dəwje gə́ jeḛ n’gər deeje el ləm tɔ.

Nɔ̰-ndôo gə́ wɔji dɔ Jerusalem 5:3

Jeḛ n’tel toje ŋganalje gə́ n’lal bɔ síje ləm, Ko̰ síje kara tel to asəna gə njékəisiŋgaje bèe ləm tɔ.

Ejekel 35:3

A kula dee pana: Mbaidɔmbaije gə́ Njesigənea̰ pa togə́bè pana: Aa ooje, seḭ gə́ síje dɔ mbal gə́ Seir’g lé n’aw sə sí gə ta! N’a gə kula ji neḛ ndiŋ gə́ dɔ sí’g ndá n’a kar sí telje toje dɔ nduba gə́ wa ŋgɔ njag-njag ləm, gə dɔdilaloo ləm tɔ.

Ejekel 7:24

N’a kar koso-dəwje gə́ meeyèr lə dee ur dɔ ka̰ mar deeje’g lé ree Mba taa kəije lə dee gə́ ka̰ dee-deḛ, N’a kar beelé lə njésiŋgamoŋje udu guduru Ndá looje lə dee gə́ to gə kəmee lé D’a kila ndɔl dɔ’g ya.

Misee 2:4

Mee ndəaje’g neelé d’a pata gə goso taji sí ne ləm, D’a kɔr ndu dee gə́ tar wəl no̰ ne sii ne mbigi-mbigi ləm tɔ. D’a pana: Jeḛ lai n’tujije pugudu ya! Yeḛ kai né lə koso-dəwje lə neḛ ar njé gə́ raŋg! Ɗi togə́bè wa. Yeḛ ɔr né neelé ji neḛ’g. Yeḛ kai loo-ndɔje lə sí ar njeba̰ lé.

Soponi 1:13

Némajije lə dee d’a to nékunda banrɔ ləm, Kəije lə dee kara d’a tuji pugudu-pugudu ləm tɔ. Deḛ ra kəije ya Nɛ d’a si keneŋ gogo el ləm, Deḛ ma̰a kag-nduúje ya Nɛ d’a kai manee el ŋga ləm tɔ.

Soponi 1:4

N’a tuji Judaje Gə dəwje lai gə́ d’isi Jerusalem gə ji neḛ, N’a tuji ges magə-Baal gə́ nai lée’g neelé pugudu-pugudu ləm, Gə ri njékulaje ləa gə njékinjanéməsje ləa sə dee na̰’d ləm tɔ.