Jeremi 52:12 - Maktub gə́ To gə Kəmee

¹² Ndɔ dɔg mee naḭ gə́ njekɔm’g mi lə ləb gə́ njekɔm’g dɔg-giree-jinaikara gə́ Nebukadnesar, mbai gə́ Babilɔn o̰ ne ɓee lé Nebujaradan, mbai dɔ njéŋgəmlooje gə́ aw ra kula lə mbai gə́ Babilɔn lé ree Jerusalem.

Jeremi 52:12 Iomraidhean Croise

Gḭ-Néje 37:36

Madianje lé ndogee ɓee gə́ Ejiptə gə Potipar, ɓé-njérɔje lə Parao̰, yeḛ gə́ to dəw dɔ njékaa dəaje lé.

2 Mbaije 24:12

Yen ɓa Jojakḭ, mbai gə́ Juda lé teḛ aw rɔ mbai gə́ Babilɔn’g, yeḛ gə kea̰je ləm, gə kuraje ləa ləm, gə mbaije ləa ləma, gə njékulaje ləa gə́ boo-boo ləm tɔ. Ndá mbai gə́ Babilɔn wa dee ɓər mee ləb ko̰ɓee ləa gə́ njekɔm’g jinaijoo lé.

2 Mbaije 25:8

Ndɔ gə́ njekɔm’g siri lə naḭ gə́ njekɔm’g mi gə́ to ləb ko̰ɓee lə Nebukadnesar, mbai gə́ Babilɔn gə́ njekɔm’g dɔg-giree-jinaikara lé Nebujaradan, ɓé-njéŋgəmlooje gə́ to kura lə mbai gə́ Babilɔn lé ree Jerusalem.

Esdras 5:12

Nɛ loo gə́ bɔ neḛje-je d’ar mee Ala gə́ to mbai dɔ dara ea̰ dɔ dee’g ndá yeḛ uba dee ya̰ dee ji Nebukadnesar, mbai gə́ Babilɔn gə́ to dəw gə́ Kalde ndá yeḛ ɓa tuji kəi neelé ləm, yeḛ wa koso-dəwje ɓər aw sə dee Babilɔn ləm tɔ.

Nehemi 2:3

Ndá m’tel m’ila mbai’g lé m’pana: Maji kar mbai si kəmba saar-saar gə no̰ ya. Loo gə́ ɓee-boo gə́ dɔɓar bɔmje-je to keneŋ lé tuji ləm, pər o̰ tarəwkɔgje ləa ləm tɔ ŋga see kəm a to ndòo el ba̰ ɓəi wa.

Pakɔsje 79:1

Pakɔs lə Asap. Ǝi Ala, Ginkoji dəwje gə raŋg lé aa loo pəl-pəl dɔ nédɔji’g ləi ləm, Kəi ləi gə́ to gə kəmee doi lé d’ila ndɔl dɔ’g ləma, Jerusalem kara d’aree tel to gə́ kɔr mbalje Gə́ d’wa kugu dɔ na̰’d bèe ləm tɔ.

Jeremi 1:3

gə mee ndəa’g lə Jojakim, ŋgolə Jojias, mbai gə́ Juda ləma, saar rudu ləb gə́ njekɔm’g dɔg-giree-kára gə́ Sedesias, ŋgolə Jojias to ne mbai gə́ Juda ləma, saar mee ndəa gə́ d’wa ne njé gə́ Jerusalem d’aw sə dee ɓee-ɓər’g mee naḭ gə́ njekɔm’g mi lé ləm tɔ.

Jeremi 32:29

Kaldeje gə́ rɔ gə ɓee-boo neelé d’a kandə keneŋ ndá d’a kila pər dɔ’g mba roo ne ɓee-boo neelé na̰’d gə kəije gə́ deḛ tuu né gə́ ə̰də sululu dɔ’g d’ar magə Baal ləm, gə́ deḛ saga nékar naŋg keneŋ d’ar magəje gə mba kar oŋg ḭ ne səm pu lé ləm tɔ.

Jeremi 39:11

Nebukadnesar, mbai gə́ Babilɔn un ndia nee gə ndu Nebujaradan, mbai dɔ njéŋgəmlooje wɔji ne dɔ Jeremi pana:

Jeremi 39:9

Nebujaradan, mbai dɔ njéŋgəmlooje wa deḛ gə́ d’isi mee ɓee-boo’g lé ləm, gə deḛ d’ya̰ rɔ dee d’aree ləma, gə ges koso-dəwje gə́ nai ləm tɔ lé gə́ ɓər aw sə dee Babilɔn.

Jeremi 52:14

Njérɔje gə́ Kalde lai gə́ d’aw gə mbai dɔ njéŋgəmlooje lé təd ndògo-bɔrɔ gə́ gugu dɔ Jerusalem lé kərm-kərm.

Jeremi 52:29

Mee ləb ko̰ɓee lə Nebukadnesar gə́ njekɔm’g dɔg-giree-jinaijoo lé yeḛ wa dəwje gə́ Jerusalem as tɔl jinaijoo gə dɔ dee rɔ-munda-gir-dee-joo (832) aw sə dee.

Loo gə́ killa rea kəm Daniel’g 1:1

Ləb ko̰ɓee lə Jojakim, mbai gə́ Juda gə́ njekɔm’g munda lé Nebukadnesar, mbai gə́ Babilɔn aḭ dɔ ɓee gə́ Jerusalem sub gə rɔ.

Loo gə́ killa rea kəm Daniel’g 2:14

Yen ŋga Daniel un ta pa gə kəmkàree gə ndu gwɔsee gə́ kul yururu no̰ Arjok gə́ to ɓé-njérɔje gə́ njeŋgəm mbai lé to yeḛ gə́ teḛ aw mba tɔl njékəmkàrje gə́ Babilɔn lé.

Jakari 8:19

Njesigənea̰ gə́ njeboo-néje pa togə́bè pana: Kɔg mee ɓoo gə́ mee naḭ gə́ njekɔm’g sɔ ləm, gə naḭ gə́ njekɔm’g mi ləm, gə naḭ gə́ njekɔm’g siri ləma, gə naḭ gə́ njekɔm’g dɔg ləm tɔ lé a tel to ndɔ kalrɔ gə ndɔ rɔlel gə naḭ gə́ ka̰ ra rɔlel mbata lə koso-dəwje gə́ Juda. Nɛ maji kar sí undaje kankəmta gə meekulɔm ɓa dan kəm sí’g.