Jeremi 52:10 - Maktub gə́ To gə Kəmee

¹⁰ Mbai gə́ Babilɔn ar dee tḭja gwɔb ŋgalə Sedesias kəmee’g. Tɔɓəi yeḛ ar dee tḭja gwɔb mbaije gə́ Juda lai mee ɓee-boo gə́ Ribla tɔ.

Jeremi 52:10 Iomraidhean Croise

Gḭ-Néje 21:16

ɓa yeḛ ɔd aw si nea̰’g əw as loo kuru ɓandaŋg bèe. Mbata yeḛ pana: Maji kam m’oo yoo ŋgonəm el! Yeḛ si naŋg nea̰’g kédé ndá yeḛ ila boo-ndia naŋg no̰ ne.

Gḭ-Néje 44:34

See m’a tel kaw rɔ bɔm’g lal kar ŋgon lé aw səm na̰’d to gə́ ban wa. Ǝi! Maji kam m’oo meeko̰ lə bɔm bèe el ŋga.

2 Mbaije 25:7

Ŋgalə Sedesias lé deḛ tḭja gwɔs dee kəmee’g ya, tɔɓəi deḛ tɔr guburu kəm Sedesias ləm, deḛ təa gə kúla lar gə́ kas ləm tɔ, d’aw səa Babilɔn.

Jeremi 22:30

Njesigənea̰ pa togə́bè pana: Undaje ri dəw neelé gə́ dəw gə́ lal ŋgon ləm, gə́ dəw gə́ teḛkɔr mee ndɔje’g ləa el ləm tɔ. Mbata ŋgokea kára kara gə́ a teḛkɔr mba si kalimbai’g lə Dabid mba ko̰ɓee dɔ Judaje’g lé godo.

Jeremi 34:21

M’a kya̰ Sedesias, mbai gə́ Juda, gə ŋgan-mbaije ləa ji njéba̰je’g lə dee ləm, gə meḛ ji deḛ gə́ ndigi kar dee d’wəi ləma, gə meḛ ji njérɔje’g lə mbai gə́ Babilɔn gə́ ɔr rəa rɔ sí’g aw əw lé ləm tɔ.

Ejekel 24:5

Mbər ŋgon nékul gə́ maji wa, Tɔɓəi tɔs kag gel jo’g, Aree ndiri ɓugu-ɓugu Ar siŋgaje gə́ mee jo’g lé kara iri yɔm-yɔm.

Ejekel 9:6

Tɔlje ɓugaje, gə basaje, gə ŋgama̰dje, gə ŋganje, gə denéje ar deeje d’udu guduru. Nɛ maji kar sí tibije mbɔr nana kara gə́ d’ɔs né ŋgonea̰’g el, unje kudee loo’g lə neḛ gə́ to gə kəmee lé. Deḛ d’un kudee dɔ ŋgatɔgje gə́ d’isi takəi’g lé.

Tel tura Godndu 28:34

Né gə́ seḭ a kooje gə kəm sí lé a kar dɔ sí tel wagəsa.