Jeremi 51:9 - Maktub gə́ To gə Kəmee

⁹ Jeḛ ndigi kar Babilɔn aji nɛ yeḛ aji el. Ar sí j’ubáje j’yá̰je ndá j’awje J’ar nana kara aw mee ɓee’g ləa-ləa, Mbata ta gə́ gaŋg dəa’g lé Aw njal teḛ mee dara’g ləm, Aw njal teḛ loo-pelé’g-lə-ndi ləm tɔ.

Jeremi 51:9 Iomraidhean Croise

2 Sôrta Gḭka Israɛlje 28:9

Njetegginta lə Njesigənea̰ kára ria lə Oded si lé gən lé tɔ. Yeḛ aw tila kəm njérɔje gə́ d’ḭ Samari ndá yeḛ ula dee pana: Aa ooje, mee Njesigənea̰, Ala lə bɔ síje-je ea̰ dɔ Judaje’g aree uba dee ya̰ dee ji sí’g ar sí tɔl deeje ne gə oŋg-boo gə́ aw njal teḛ mee dara’g lé.

Esdras 9:6

ndá ma m’pana: Ala ləm, rɔm kul, əi Ala ləm, m’ra kəmkul ɓó m’askəm kun kəm gə́ tar par gə́ rɔi’g el mbata kaiyaje lə sí orè goo na̰ goo na̰ saar tur dɔ sí ləm, néra kori-korije lə sí aw saar teḛ mee dara’g ləm tɔ.

Esai 13:14

Bèe ɓa asəna gə ndooi gə́ tubá ləm, Gə badə-kosoje gə́ njekul dee godo ləm tɔ lé Nana kara a tel gə́ rɔ dəwje’g ləa ləm, Nana kara a kaḭ gə́ ɓee ləa ləm tɔ.

Esai 47:15

Yee ɓa gə́ né gə́ a gə teḛ Dɔ deḛ gə́ seḭ gəŋgje ta dee’g ləm, Deḛ gə́ seḭ ooje ndòo mbata lə dee gə kas sí ba lé ləm tɔ, Deḛ kara d’a sanéna̰ kad-kad: Yeḛ gə́ kára kara gə́ a kaskəm kaji sí lé godo.

Jeremi 46:16

Deḛ gə́ yeḛ ar dee d’unda ndolè lé Bula yaa̰, Deḛ tɔr toso dɔ na̰’d gə́ yo gə́ nee Ndá deḛ pana: Ar sí n’telje gə́ rɔ koso-dəwje’g lə sí Gə́ mee ɓee-koji sí’g Gə́ to əw gə kiambas gə́ njetujiloo lé.

Jeremi 46:21

Njérɔje taa ne larje ləa D’isi ne mbuna dee’g Asəna gə ŋgan maŋgje Gə́ d’ər ndɔl-ndɔl, Deḛ nja kara tel gir dee D’ila d’aḭ ɓó d’ar kɔgərɔ el, Mbata ndɔ némeeko̰ lə dee Teḛ dɔ dee’g, To kàr kar bo̰ néra dee ɔs ta dee’g.

Jeremi 50:16

Maji kar sí tujije yeḛ gə́ njedubu né pugudu Mee ɓee gə́ Babilɔn ləm, Gə yeḛ gə́ njera gama kinja kó Gə marm naḭ kinja kó’g ləm tɔ! Maji kar nana kara Tel gə́ rɔ koso-dəwje’g ləa ləm, Maji kar nana kara Aḭ gə́ mee ɓee’g ləa ləm tɔ No̰ kiambas’g lə njetujiloo lé.

Jeremi 8:20

Naḭ kinja kó dəs ləm, Naḭ loo-nuŋga godo ŋga ləm tɔ, Nɛ jeḛ j’aji el nja ɓəi!

Ojee 7:13

Meeko̰ a koso dɔ dee’g Mbata deḛ d’aḭ’m! Tuji a koso dɔ dee’g Mbata deḛ d’ila ŋgonkoji dɔm’g el! Ma m’ndiŋga rɔm mba kaji dee ya, Nɛ deḛ pata ŋgɔmje ɓa dɔm’g d’ɔsm ne rəw.

Loo gə́ killa rea kəm Ja̰’g 18:4

M’oo ndu dəw gə́ raŋg ɓar dara pana: Koso-dəwje ləm, ḭje rəa’g teḛje raga mba ra səa kaiya lé na̰’d el ləm, mba kar boo-tujije gə́ wɔji dəa lé teḛ dɔ sí’g el ləm tɔ.

Loo gə́ killa rea kəm Ja̰’g 18:5

Mbata kaiyaje ləa lé rɔd dɔ na̰ neg-neg saar teḛ dara ndá mee Ala olé dɔ néra majelje’g ləa.