Jeremi 51:8 - Maktub gə́ To gə Kəmee

⁸ Kalaŋ bèe ya ndá Babilɔn oso guru rug-rug! Tuma̰je ŋgururu-ŋgururu gə mbəa, Ɔmje no̰-kag gə́ ra gə kuma̰ ta doo’g ləa, Banelə yee a kər kəmsə.

Jeremi 51:8 Iomraidhean Croise

Esai 21:9

Bèe ɓa aa oo, njérɔ gə kundaje Gə́ d’wa na̰ joo-joo lé d’isi ree! Deḛ d’un ta pa tɔɓəi pana: Babilɔn oso, yee oso ya. Ndá ndil néje gə́ to magəje ləa lé Toso naŋg təd njigi-njigi!

Esai 47:11

Meeko̰ a koso dɔ sí’g Lal kar sí gərje loo gə́ ḭ keneŋ, Tuji-boo a koso dɔ sí’g Kar né gə́ a kar sí teḛje ta’g godo, Nétujije d’a ɓugu na̰ dɔ sí’d gə́ léegəneeya Lal kar sí ooje rəbee.

Esai 47:9

Néje joo neelé d’a teḛ dɔ sí’g wai Gə́ mee ndəa gə́ kára ba ya Kar ŋganje lal sí ləm, Kar sí síje gə́ njékəisiŋgaje ləm tɔ. Lée némbeḛje lə sí gə́ bula əsé Nésukəmlooje lə sí gə́ bula yaa̰ kara Néje joo neelé d’a teḛ dɔ sí’g Mee ndɔ gə́ kára ba ya.

Jeremi 46:11

Aw mee ɓee gə́ Galaad Taa no̰-kag gə́ ra gə kuma̰, I Ejiptə gə́ to asəna gə ŋgoma̰də bèe. I taa kuma̰je bula gə́ kédé-kédé kari ba Ɓó a kaji ne rɔi el.

Jeremi 48:20

Moabje d’isi gə rɔkul, Mbata deḛ tuji ɓee lə dee pugudu-pugudu. Maji kar sí tuma̰je ŋgururu-ŋgururu ləm, Raje né wəl-wəl ləm tɔ. Maji kar sí ilaje mberee Arje deḛ gə́ d’isi ta baa gə́ Arno̰ To gə́ Moab lé tuji pugudu mba̰.

Jeremi 48:31

Gelee gə́ nee ɓa m’no̰ ne no̰-yoo Mbata lə Moab ləm, M’no̰ mbata lə Moabje lai ləm tɔ, Dəwje tuma̰ ŋgururu-ŋgururu Mbata njé gə́ Kir-Herɛs.

Jeremi 50:2

Maji kar sí ilaje mberee Arje ginkoji dəwje gə raŋg ləm, Areeje oso mbi dee’g ləma, Undaje nétɔji tar ləm tɔ. Ilaje mberee ɓó iyaje dɔ né kára el! Pajena: Deḛ taa Babilɔn mba̰ ya! Magə-Bel nai gə rɔkul ləm, Magə-Merodak lé tədee njigi-njigi ləm tɔ! Magəje ləa nai gə rɔkul ləm, Magəje ləa təd njigi-njigi ləm tɔ.

Jeremi 51:41

Ɗi togə́bè wa! Sesak lé taa mba̰ ya. Yee gə́ rɔnduba ləa taa Dɔ naŋg nee lai pəl-pəl lé ya Dum dəa mba̰ ya. Ɗi togə́bè wa! Babilɔn lé ya Tuji pugudu mbuna ginkoji dəwje gə raŋg’g.

Jeremi 8:22

See kuma̰ godo Galaad’g wa. See njekuma̰-kaji godo wa. See gelee ban ɓa koso-dəwje ləm d’aji el wa.

Ejekel 30:2

I ŋgon-dəw lé, tegginta pana: Mbaidɔmbaije gə́ Njesigənea̰ pa togə́bè pana: No̰je, siije ne mbigi-mbigi! ndɔ némeeko̰’g!

Loo gə́ killa rea kəm Daniel’g 5:24

Gelee gə́ nee ɓa yeḛ ula ŋgan ji dəw lé aree ndaŋg ta neelé.

Nahum 3:19

Kuma̰ gə́ a kar ta doo ləi ər kəmsə lé godo, Doo ləi to doo gə́ as yoo. Deḛ lai gə́ d’a koo ta ləi D’a kunda ji dee rag-rag dɔi’g, Mbata see na̰ ɓa némeeyèr ləi lal kɔrɔ rəa wa.

Loo gə́ killa rea kəm Ja̰’g 14:8

Kura gə́ dara gə́ raŋg gə́ njekɔm dee’g joo lé teḛ goo yeḛ gə́ kédé’g lé pana: Babilɔn gə́ boo lé oso, yee oso ya! Yee gə́ mɔdkaiya ləa ula pər meḛ ginkoji dəwje gə raŋg’g lai asəna gə kido gə́ ra dəw bèe lé yee nja oso ya.

Loo gə́ killa rea kəm Ja̰’g 18:2

Yeḛ pata gə ndia gə́ boi wəl pana: Babilɔn, ɓee-boo lé tuji oso dəa’g aree tuji pugudu ya. Yee nja tel to loo-si ndilje gə́ majel ləm, gə ndilje gə́ mina̰ jɔmri-jɔmri gə́ rara kara ləma, yelje gə́ rara gə́ to ramielje gə́ to kḛji kara deḛ ra ɓee keneŋ ləm tɔ.