Jeremi 51:5 - Maktub gə́ To gə Kəmee

⁵ Mbata Ala gə́ to Njesigənea̰ gə́ njeboo-néje lé Uba Israɛlje gə Judaje ya̰ dee el Néra gə́ kərm-kərm Taa mee ɓee gə́ Kalde pəl-pəl Ar dee d’ɔs ne Njerɔkunda lə Israɛlje rəw.

Jeremi 51:5 Iomraidhean Croise

1 Mbaije 6:13

m’a si mbuna Israɛlje’g ndá m’a kuba koso-dəwje ləm gə́ Israɛl kya̰ dee nda̰ el.

2 Mbaije 21:16

Tɔɓəi Manasə ɔm məs dəwje bula gə́ ta wa dɔ dee el lé naŋg saar ar məs taa loo mee Jerusalem’g pəl-pəl, lal tura ne goo kaiyaje gə́ yeḛ ɔs Judaje ar dee ra ne né gə́ majel kəm Njesigənea̰’g lé tɔ.

Esdras 9:9

Mbata jeḛ n’toje ɓərje ya nɛ Ala uba sí ya̰ sí dan loo ra kula ɓər’g lə sí el. Yeḛ wa sə sí noji kəm mbaije gə́ Persə ar sí n’tel j’isije ne kəmba ləm, ar sí j’undaje kəi-Ala lə sí ləm, ar sí n’gɔlje looje gə́ tuji karee to lée’g gogo ləma, gə mba kar sí loo-kula-dɔ sí keneŋ dɔ naŋg gə́ Juda gə ɓee-boo gə́ Jerusalem ləm tɔ.

Pakɔsje 94:14

Mbata Njesigənea̰ lé Uba dəwje ləa lé ya̰ dee el ləm, Deḛ gə́ to nédɔji ləa lé kara Yeḛ uba dee ya̰ dee gə goo ŋgalee el ləm tɔ

Esai 44:21

Seḭ njé’g lə Jakob, Arje meḛ sí olé dɔ néje’g neelé, Ǝi Israɛlje, mbata seḭ toje gə́ kuraje ləm tɔ. Ma m’unda sí ləm, seḭ toje kuraje ləm ləm tɔ, Israɛlje, m’a kar məəm wəi dɔ sí’g el.

Esai 51:15

Ma m’to Njesigənea̰, Ala lə sí Gə́ m’ar baa-boo-kad ḭ ləm, M’ar paŋgəm manee tuga ləm tɔ. Njesigənea̰ gə́ njeboo-néje ɓa gə́ rim.

Esai 62:12

D’a ɓar dee dəwje gə́ to gə kəmee Gə́ Njesigənea̰ uga dɔ dee. I ɓee gə́ Jerusalem kara d’a ɓari ɓee-boo Gə́ Ala unda dan kəmee’g Ɓó ɓee-boo gə́ yeḛ uba ya̰ bèe lé el.

Jeremi 14:19

Njesigənea̰, See i uba Juda yá̰ ŋga wa. See i ə̰ji Sio̰ bəḭ-bəḭ wa. See gelee ban ɓa i ula kəm sí ndòo Ar sí j’iŋgaje doo gə́ lal kər wa. Jeḛ j’undaje meḛ sí yel Dɔ kiŋga meelɔm’g Nɛ aa oo, nérɔlel kára kara Teḛ keneŋ el ləm, Meḛ sí to yel mba kaji Nɛ aa oo, ɓəl-boo ɓa teḛ ləm tɔ.

Jeremi 14:9

See gelee ban ɓa i to Asəna gə dəw gə́ aar jim əsé Asəna gə bao-rɔ gə́ askəm kaji sí el bèe wa. Lé bèe kara əi Njesigənea̰, I lé si dan sí’g ləm, Rii kara ɓar dɔ sí’g ləm tɔ. Maji kari uba sí ya̰ sí el!

Jeremi 16:18

Kédé ndá m’a kuga dɔ ji dee mbata néramajel lə dee gə kaiyaje lə dee as gɔl joo, mbata deḛ d’ila ndɔl dɔ ɓee’g ləm ləm, mbata d’ar gaila magəje lə dee gə néje lə dee gə́ mina̰ ɓa taa loo pəl-pəl dɔ naŋg ɓee’g ləm ləm tɔ.

Jeremi 19:4

Mbata deḛ d’ubam d’ya̰m ləm, deḛ d’ula sul dɔ lée’g neelé ləm, deḛ tuu né gə́ ə̰də sululu d’ar magəje gə́ deḛ əsé bɔ deeje-je əsé mbaije gə́ Juda kara gər dee el ləma, deḛ d’ar məs deḛ gə́ ta kára kara wa dɔ dee el lé rusu loo gə́ nee ləm tɔ.

Jeremi 23:15

Gelee gə́ nee ɓa Njesigənea̰ gə́ njeboo-néje pa ne ta togə́bè Dɔ njéteggintaje’g pana: Aa ooje, n’a kar dee d’usɔ kam kag-táaje ləm, N’a kar dee d’ai mán gə́ kuma̰-yoo to keneŋ ləm tɔ. Mbata njéteggintaje gə́ Jerusalem lé D’ar kɔs ta lə Ala rəw Taa loo mee ɓee’g pəl-pəl.

Jeremi 31:37

Njesigənea̰ pa togə́bè pana: Ɓó lé dəw askəm kwɔji tad lə dara gə́ tar ləm, Gə askəm tən gin naŋg gə́ bər ləm tɔ ndá Ma kara m’a kɔm ginkoji Israɛlje lai kɔrɔ Gə mbata néra deeje lai tɔ, Njesigənea̰ ɓa pa bèe.

Jeremi 46:28

I kura ləm Jakob, maji kari ɓəl el. Njesigənea̰ ɓa pa bèe, Mbata m’a nai səi. M’a tuji ginkoji dəwje gə raŋg lai Gə́ m’sani mbuna dee’g lé pugudu, Nɛ i ndá m’a tujii pugudu el, M’a kar bo̰ nérai ɔs tai’g Nɛ gə goo rəbee ya Ɓó m’as kya̰’i lal kwɔjii kəmkàr el.

Jeremi 50:20

Njesigənea̰ pana: Mee ndəaje gə mee kàree’g neelé D’a saŋg néramajel lə Israɛlje Nɛ d’a kiŋga el ləm, D’a saŋg kaiya ra Judaje Nɛ d’a kiŋga kára kara el ləm tɔ. Mbata m’a kar məəm oso lemsé Dɔ ges deeje gə́ m’a kya̰ dee lé.

Jeremi 51:19

Ala gə́ to ka̰ Jakob lé To to gə́ deḛ bèe el, Mbata yeḛ nja to njera néje lai ləm, Israɛlje to ginkoji gə́ to nédɔji ləa ləm tɔ. Njesigənea̰ gə́ njeboo-néje ɓa gə́ ria.

Ejekel 8:17

Yeḛ dəjim pana: Ma ŋgon-dəw lé see ma m’oo ya wa. Kar gel-bɔje lə Juda ra néje gə́ mina̰ togə́bè loo gə́ nee’g lé see to né gə́ lam ba wa. See kəm kar dee ra néje gə́ kərm-kərm d’aree taa mee ɓee pəl-pəl ləm, kar dee d’əw rɔ dee kar mee neḛ ḭ ne sə neḛ jugugu ləm tɔ el ya ɓəi wa. Aa oo, d’isi rəm gə barkəm kag lé gə́ əm dee’g.

Ejekel 9:9

Yeḛ tel ilam keneŋ pana: Néra kori-kori lə gel-bɔje lə Israɛl gə Juda al dɔ loo sula. Kila məs taa mee ɓee pəl-pəl ləm, néra gə́ lal najee rusu ɓee-boo tub-tub ləm tɔ. Mbata deḛ pana: Njesigənea̰ uba ɓee ya̰ ləm, Njesigənea̰ oo né kára kara keneŋ el ləm tɔ.

Ojee 2:1

Nɛ lé togə́bè kara bula lə Israɛlje A to kasəna gə nagəra gə́ ta baa-boo-kad’d Gə́ dəw askəm kwɔji əsé tura el. Loo gə́ Ala ula dee keneŋ kédé pana: Seḭ toje koso-dəwje ləm el lé Ndá a tel kula dee pana: Seḭ toje ŋgan-Alaje gə́ Njesikəmba lé!

Ojee 2:3

Maji kar sí ulaje ŋgako̰ síje pajena: Ami! (kɔr gelee pana: Koso-dəwje ləm) Tɔɓəi a ɓarje kɔnan sí pajena: Ruhama! (kɔr gelee pana: Yeḛ gə́ d’oo kəmtondoo ləa)

Ojee 4:1

Seḭ Israɛlje lé maji kar sí ooje ta lə Njesigənea̰! Mbata Njesigənea̰ aw gə ta mba kila dɔ dəw-mee-ɓeeje’g neelé Mbata kankəmta godo mee ɓee’g neelé ləm, Meekɔrjol godo keneŋ ləma, Gər Ala kara godo keneŋ ləm tɔ.

Ojee 4:2

Kubu rɔ gə taŋgɔmje ləm, gə tɔl na̰ ləm, Gə ɓogo ləma, gə ndal na̰ gə mɔdkaiya ləm tɔ ɓa to keneŋ, Deḛ ra gayim dɔ na̰’d d’ɔm ne məs na̰ naŋg gə kédé-kédé.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Misee 7:20

I a riba dɔ meenda londoŋ ləi kar Jakob ləm Gə dɔ meenoji ləi kar Abrakam ləm tɔ To gə́ i man ne rɔi ar bɔ síje-je kédé gə́ ləw lé ya tɔ.

Jakari 12:6

Mee ndəa’g neelé n’a kar mbaije gə́ Juda to d’asəna gə kir gə́ pər o̰ keneŋ bilim-bilim mee pil’g ləm, d’a to kasəna gə pərŋgel gə́ o̰ lèm-lèm mee wala’g bèe ləm tɔ. D’a tuji koso-dəwje lai gə́ gugu gir dee par gə́ dɔkɔl gə dɔgel ndá Jerusalem ɓa a nai toree’d gə́ Jerusalem ya.

Jakari 12:8

Mee ndəa’g neelé Njesigənea̰ a kaḭ bada dɔ njé gə́ Jerusalem’g ndá njerəm gə́ dan dee’g mee ndəa’g neelé siŋgá a kasəna gə ka̰ Dabid bèe ləm, gel-bɔje lə Dabid d’a to kəm dee’g asəna gə Ala bèe ləma, d’a to kasəna gə kura lə Njesigənea̰ gə́ dara no̰ dee’g bèe ləm tɔ.

Jakari 2:12

Mbata Njesigənea̰ gə́ njeboo-néje pa togə́bè pana: Goo néje gə́ neelé ɓa rɔnduba a ree ɓəi. Yeḛ ulam rɔ ginkoji dəwje gə́ njékṵda sí banrɔje lé: Mbata nana ɓa gə́ ɔrɔ rɔ sí ndá Ɔrɔ rɔ ŋgonkəm neḛ-neḛ nja.

1 Samel 12:22

Njesigənea̰ lé a kuba koso-dəwje ləa kya̰ dee el mbata lə boo-riɓar ləa gə́ ɓar yaa̰ lé mbata Njesigənea̰ wɔji mée’g njaŋg mba kar sí toje koso-dəwje ləa ya.