Jeremi 51:44 - Maktub gə́ To gə Kəmee

⁴⁴ M’a kar bo̰ néra mag-Bel Ɔs təa’g mee ɓee gə́ Babilɔn ləm, M’a kwa né gə́ yee uru lé təa’g kɔr Ndá ginkoji dəwje gə raŋg D’a kaw budu-budu gə́ rəa’g el ŋga. Ndògo-bɔrɔ gə́ Babilɔn kara Təd oso ya tɔ.

Jeremi 51:44 Iomraidhean Croise

2 Sôrta Gḭka Israɛlje 36:7

Nebukadnesar lé odo nékulaje gə́ to mee kəi’g lə Njesigənea̰ aw ne Babilɔn ndá yeḛ ɔm dee mee kəi-mbai’g ləa gə́ to Babilɔn lé.

Maktub gə́ wɔji dɔ Jɔb 20:15

Yeḛ turu nébaoje mée’g ndá yeḛ a tɔmé dee, Ala nja a kɔr dee mée’g kɔm dee raga.

Esai 2:2

Ndɔ gə́ rudu ndəaje a gə kun ɗiao ndá Dɔ mbal gə́ wɔji dɔ kəi lə Njesigənea̰ lé D’a tel tum ginee dɔ mbalje gə́ tar. Yeḛ a to tar dɔ dɔdərloo’g Ndá ginkoji dəwje gə raŋg lai d’a kaḭ kaw keneŋ.

Esai 21:9

Bèe ɓa aa oo, njérɔ gə kundaje Gə́ d’wa na̰ joo-joo lé d’isi ree! Deḛ d’un ta pa tɔɓəi pana: Babilɔn oso, yee oso ya. Ndá ndil néje gə́ to magəje ləa lé Toso naŋg təd njigi-njigi!

Esai 60:5

Loo gə́ i oo njai-njai ndá Rɔi a leli ləm, Məəi a gər njai-njai gə kalrɔ ləm tɔ, Loo gə́ nébaoje d’a kḭ dan baa-boo-kad ree rɔi’g ləm, Loo gə́ nébaoje lə ginkoji dəwje gə raŋg d’a ree rɔi’g ləm tɔ.

Jeremi 50:15

Ɔmje lul rɔ u-u-u gə looje ɓəd-ɓəd dəa’g! Yeḛ ula jia ndiŋ, Gin ɓee gə́ tum lé Gaḭ wəgələ-wəgələ ləm, Ndògo-bɔrɔje ləa təd kərm-kərm ləm tɔ, Mbata to dalba̰ lə Njesigənea̰. Maji kar sí dalje ba̰ lə sí dəa’g. Raje səa to gə́ yeḛ ra to!

Jeremi 50:2

Maji kar sí ilaje mberee Arje ginkoji dəwje gə raŋg ləm, Areeje oso mbi dee’g ləma, Undaje nétɔji tar ləm tɔ. Ilaje mberee ɓó iyaje dɔ né kára el! Pajena: Deḛ taa Babilɔn mba̰ ya! Magə-Bel nai gə rɔkul ləm, Magə-Merodak lé tədee njigi-njigi ləm tɔ! Magəje ləa nai gə rɔkul ləm, Magəje ləa təd njigi-njigi ləm tɔ.

Jeremi 51:18

Deḛ to néje gə́ mḭdé ba ləm, To nésukəmloo ləm tɔ. Loo gə́ bo̰ néra dee a kɔs ta dee’g ndá D’a tuji pugudu-pugudu.

Jeremi 51:34

Nebukadnesar, mbai gə́ Babilɔn Sɔ sí rɔg-rɔg ləm, Tuji sí pugudu-pugudu ləm tɔ, Yeḛ ar sí n’tel n’toje jo gə́ mée to wəl, Yeḛ uru sí mée’g magə To gə́ da-kɔb uru ne né bèe ləm, Yeḛ ar néje lə sí gə́ mbərḛ mbə̰ Rusu mée tub ləm tɔ, Yeḛ tuba sí.

Jeremi 51:47

Gelee gə́ nee ɓa aa ooje, Ndɔje gə́ a gə ree lé M’a gaŋg rəwta dɔ magəje gə́ Babilɔn Ndá mee ɓee ləa lai lé rɔkul a dəb dɔ’g. Nin dəwje ləa a to naŋg rib-rib keneŋ.

Jeremi 51:53

Lée Babilɔn aw saar teḛ dará ləm, Lée kəi-kaar-kɔgərɔje ləa to tar sab ləm tɔ kara M’a kar njétujilooje ree rɔ səa. Njesigənea̰ ɓa pa bèe.

Jeremi 51:58

Njesigənea̰ lə bao-rɔje lé Pa togə́bè pana: Ndògo-bɔrɔ gə́ Babilɔn gə́ tad rəg-rəg lé A təd kərm-kərm ləm, Tarəwkɔgje ləa gə́ ndəw lé Pər a roo dula-dula ləm tɔ, Togə́bè ɓa koso-dəwje D’ula ne rɔ dee ndubu kari ba ləm, Ginkoji dəwje gə raŋg Dao ne dao-dao ləm tɔ Nɛ pər ɓa roo kula ra dee.

Loo gə́ killa rea kəm Daniel’g 1:2

Mbaidɔmbaije ya ya̰ Jojakim, mbai gə́ Juda lé jia’g ləm, ya̰ ges nékulaje gə́ to mee kəi-Ala’g jia’g ləm tɔ. Nebukadnesar odo nékulaje neelé aw ne mee ɓee gə́ Sineyar mee kəi-magə’d ləa, tɔɓəi yeḛ ɔm dee mee kəi-nébaoje’g lə magə ləa tɔ.

Loo gə́ killa rea kəm Daniel’g 3:29

Aa ooje, ɓasinè ndukun ləm ɓa nee: Nana ɓa mbuna koso-dəwje’g əsé ginkoji dəwje gə raŋg’g əsé deḛ gə́ takɔji dee ɓəd-ɓəd gə́ rara kara ɓa gə́ pata gə́ majel ila dɔ Ala’lə Sadrak gə Mesak gə Abed-Nego ndá debee neelé d’a kwá tiee mbidi-mbidi ləm, kəi ləa kara d’a tɔ pɔs-pɔs karee to ɓiri-ɓisi ləm tɔ mbata magə gə́ rara kara gə́ askəm kɔr dəwje kɔm dee tar to gə́ yeḛ bèe lé godo.

Loo gə́ killa rea kəm Daniel’g 4:1

Ma Nebukadnesar m’isi lɔm mee kəi-sim’g ləm, m’isi gə rɔlel mee kəi-mbai’g ləm ləm tɔ.

Loo gə́ killa rea kəm Daniel’g 4:22

D’a gə kɔsi mbuna dəwje’g tubai ləm, loo-sii a to mbuna daje gə́ wala ləma, i a sɔ mu to gə́ bɔ maŋgje bèe ləm tɔ. Man tàl a teḛ rɔi’g ləm, ləbje siri d’a dəs dɔi’g ləm tɔ saar i a gər gao to gə́ Njekurdɔloo o̰ ɓee dɔ ko̰ɓee’g lə dəwje lai ləm, dəw gə́ yeḛ wɔjee mée’g ɓa yeḛ aree o̰ ɓee ləm tɔ.

Loo gə́ killa rea kəm Daniel’g 5:19

To gə́ yeḛ aree to dəw gə́ boo lé ɓa koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee to gə ria-ria ləm tɔ lé deḛ ɓəlee d’unda ne bala tigi-tigi nea̰’g ya. Deḛ gə́ mbai ndigi kar dee d’wəi ndá yeḛ ar dee d’wəi ya ləm, deḛ gə́ yeḛ ndigi kar dee d’isi kəmba kara yeḛ ya̰ loo ar dee d’isi kəmba ya ləm tɔ. Deḛ gə́ yeḛ ndigi kunda dee daŋdɔ lé yeḛ unda dee daŋdɔ ləm, deḛ gə́ yeḛ ndigi kunda dee naŋg kara yeḛ unda dee naŋg ya ləm tɔ.

Loo gə́ killa rea kəm Daniel’g 5:26

Aa oo, gel rɔtaje lé ɓa nee: MENE: Ala tura ləb ko̰ɓee ləi ndá unda ŋgaŋgee ŋga.