Jeremi 51:42 - Maktub gə́ To gə Kəmee

⁴² Baa-boo-kad ḭ turu dɔ Babilɔn Ar paŋgəm manee Gə́ turu tuma̰-tuma̰ lé turu dəa pubug.

Jeremi 51:42 Iomraidhean Croise

Pakɔsje 18:16

Ǝi Njesigənea̰, gə goo kḭ gə́ i ḭ sə dee ləm, Gə goo ndu kəmə gə́ i aree teḛ əmi’g ləm tɔ lé Dɔ diŋgri-loo gə́ gel manje’g teḛ ləm, Gin naŋg nee kara teḛ raga ndəgəsə kəm dee’g ləm tɔ.

Pakɔsje 18:4

Ma m’no̰ wəl m’pana: Maji kar dɔ ri Njesigənea̰ ai səgərə Ndá yeḛ ɔrm ji njéba̰je’g ləm.

Pakɔsje 42:7

Ŋgaw məəm lé təd mán ya, Gelee gə́ nee ɓa m’ə̰ji dɔi’g un gelee ɓee gə́ Jurdɛ̰ ləm, Un gelee mbal gə́ Hermo̰ Saar teḛ ne dɔ mbal gə́ Misəar ləm tɔ.

Pakɔsje 65:7

Siŋgamoŋ ləa ɓa ar mbalje lé ndər ne dɔ na̰’g tim-tim ləm, Siŋgamoŋ lé ɓa yeḛ tɔ rḛgee’g ləm tɔ.

Pakɔsje 93:3

Ǝi Njesigənea̰, baa-booje tuga poŋgm-poŋgm ləm, Baa-booje neelé kaa dee ɓar u-u-u ləma, D’ula d’ar baŋga kula lə dee ɓar mbiao̰-mbiao̰ ləm tɔ.

Esai 21:1

Ndərta gə́ wɔji dɔ dɔdilaloo gə́ mbɔr baa-boo-kad’g. To gə́ lel-mal ḭ dɔ jikɔl ree ɓir bèe Ndá njeba̰ ḭ dɔdilaloo’d Gə́ to ɓee gə́ to ɓəl kədm-kədm.

Jeremi 51:55

Mbata Njesigənea̰ tuji Babilɔn pugudu, Yeḛ ar dee d’əw kur kii pénéné keneŋ, Kaa njétujilooje ɓar to gə́ kaa paŋgəm mán baa-booje Gə́ tuga poŋgm-poŋgm bèe.

Ejekel 26:3

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa oo, i ɓee gə́ Tir lé n’aw səi gə ta! N’a gə kar ginkoji dəwje gə raŋg gə́ bula digi-digi d’ḭ mba rɔ səi asəna gə baa-boo-kad gə́ ar paŋgəm manee ḭ ne bèe.

Loo gə́ killa rea kəm Daniel’g 11:10

Ŋganeeje d’a kwa dɔ gɔl rɔ ləm, d’a mbo̰ koso-njérɔje bula ləm tɔ. Yeḛ gə́ kára mbuna dee’g a kaw kəmee gə́ kédé taa loo asəna gə kəm-rəw-mán gə́ ula taa loo pəl-pəl bèe ləm, a ruba pɔ-pɔ ləma, a tel rəm ləm tɔ. D’a rɔ kəm dee gə́ kédé-kédé saar teḛ ne kəi-kaar-kɔgərɔ’g lə mbai gə́ dɔkɔl.

Loo gə́ killa rea kəm Daniel’g 7:2

Daniel un ta pa pana: Loo gə́ né ram gə́ mḭdi loondul’g lé m’aa loo gərərə ndá aa oo, lelje gə́ dara sɔ d’ḭ d’ula mbḭ-mbḭ dɔ baa-boo-kad’g.

Loo gə́ killa rea kəm Daniel’g 9:26

Loo gə́ mee ndəaje gə́ siri-siri gɔl rɔ-misa̰-giree-joo godo mba̰ ndá yeḛ gə́ deḛ tər ubu dəa’g lé d’a tɔlee, tɔɓəi njetaa toree a godo. Dəwje lə mbai gə́ kára d’a ree mba tuji ɓee-boo ləm, gə loo gə́ to gə kəmee ləm tɔ. Rudu tuji a to kasəna gə ma̰-bélm bèe, tɔɓəi tujije d’a to keneŋ saar d’a təd ne rɔ.

Lugu 21:25

Néje a teḛ dan kəm kàr’g ləm, gə dan kəm naḭ’g ləma, gə dan kéréméje’g ləm tɔ. Dɔ naŋg neelé néɓəŋgərəti a ra ginkoji dəwje gə raŋg loo gə́ baa-boo gə paŋgəm mán d’a no̰ mbiao̰-mbiao̰ ndá deḛ lé d’a gər né gə́ kəm ra lé el.