Jeremi 51:39 - Maktub gə́ To gə Kəmee

³⁹ Loo gə́ meḛ dee nuŋga kəd-kəd ndá M’a kar dee d’ai né ndá M’a karee ra dee kar dee D’ya̰ rɔ dee yag dan rɔlel’g ləm, Kar dee d’oso gə ɓi gə́ to gə no̰ ɓó D’a ndel dɔ ɓi’g lé gogo el ŋga ləm tɔ. Njesigənea̰ ɓa pa bèe.

Jeremi 51:39 Iomraidhean Croise

Pakɔsje 13:3

See məəm a pélé wəs-wəs saar ndɔ gə́ ra wa. See m’a si gə məəm gə́ ndul saar ndɔ ka̰da wa. See njeba̰ ləm a kḭ koma̰ səm saar ndɔ gə́ ra wa.

Jeremi 25:27

M’a kula dee pana: Njesigənea̰ gə́ njeboo-néje, Ala lə Israɛlje pa togə́bè pana: Aije areeje tɔl sí ar sí tɔméje tululu-tululu ndá tosoje ne lal kuba loo kḭ tar loo gə́ seḭ ooje kiambas gə́ n’a gə kula ne mbuna sí’g lé!

Jeremi 48:26

Areeje ai kido saar aree tɔlee, mbata yeḛ oo rəa gə́ njekur dɔ Njesigənea̰’g! Maji kar Moab rogo dan tɔmé’g ləa ləm, maji karee tel to nékula sul dɔ’g ləm tɔ.

Jeremi 51:57

M’a kar nékai ra njékaa dɔ ɓeeko̰je ləa ləm, gə njékəmkàrje ləa ləm, gə njéguburuɓeeje ləa ləm, gə mbaije ləa ləma, gə bao-rɔje ləa ləm tɔ. D’a koso gə ɓi gə́ to gə no̰ pərəg ɓó d’a ndel dɔ ɓi’g neelé el ŋga. Mbai gə́ ria lə Njesigənea̰ gə́ njeboo-néje lé ɓa pa bèe.

Loo gə́ killa rea kəm Daniel’g 5:30

Mee til’g neelé nja deḛ tɔl Belsasar, mbai lə Kaldeje lé tɔ.

Nahum 1:10

Mbata deḛ to d’asəna gə kunje gə́ d’ula na̰’d siŋ-siŋ ləm, To d’asəna gə dəwje gə́ kido tɔl dee ləm tɔ Ndá pər a roo dee dula-dula To gə́ mu gə́ tudu kurum-kurum bèe.

Nahum 3:11

Seḭ gə́ Ninibə ya kara némeeko̰ a ra sí to gə́ kido bèe Kar sí iyaje ne rɔ sí ləm, Seḭ ya kara a saŋgje njo̰loo kula dɔ sí keneŋ Taaje ne rɔ sí ji njéba̰je’g lə sí ləm tɔ.

Nahum 3:18

I mbai gə́ Asiri, njékul dəwje ləi lé toɓi, Bao-rɔje ləi d’wa rɔ dee, Koso-dəwje ləi sané na̰ dɔ mbalje’g Ndá dəw kára kara gə́ njembo̰ dee dɔ na̰’d godo.