Jeremi 51:29 - Maktub gə́ To gə Kəmee

²⁹ Dɔ naŋg yə ɓugu-ɓugu ləm, Unda bala ləm tɔ, Mbata né gə́ Njesigənea̰ wɔji gə mba ra Gə Babilɔn lé aw lée’g béréré. Yeḛ a kar ɓee gə́ Babilɔn Tel to dɔdilaloo Gə́ dəw kára kara godo keneŋ.

Jeremi 51:29 Iomraidhean Croise

Esai 14:16

Deḛ lai gə́ d’ooi lé D’orè kəm dee sḭ dɔi’g Deḛ d’isi gèŋ d’ə̰ji ta dɔi’g pana: See dəw nee to njekar naŋg nee ndəb pəd-pəd ləm, Gə njekar ɓeeko̰je yə ləm,

Esai 24:20

Dɔ naŋg ləŋg təji-təji To gə́ dəw gə́ kido tɔlee bèe ləm, Yee ləŋg to gə́ kəi-ləw bèe ləm tɔ, Kaiya ləa wɔi dəa’g Ndá yee oso nɛ tel ḭ tar gogo el.

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Jeremi 50:13

Dəw kára kara a si keneŋ el Mbata oŋg lə Njesigənea̰, Yee a to dɔ nduba. Nana kara gə́ a dəs mbɔr Babilɔn’g Ndá kaaree a kwá paḭ karee ra wah! Dɔ nékəmndooje’g lai gə́ teḛ dəa’g lé.

Jeremi 50:36

Ɔrje kiambas wɔjije ne njéteggintaje gə́ ŋgɔm! Ar deeje tel to d’asəna gə mbəje! Ɔrje kiambas wɔjije ne bao-rɔje! Arje ɓəl unda dee ɓad gaŋg dee!

Jeremi 50:43

Mbai gə́ Babilɔn oo soree Ndá jia unda ndolè ləm, Yeḛ si gə meekaarkərm To gə́ dené gə́ ndóo rəa bèe ləm tɔ.

Jeremi 50:45

Gelee gə́ nee ɓa maji kar sí ooje Né gə́ Njesigənea̰ wɔji mba ra Gə ɓee gə́ Babilɔn ləm, Gə néje gə́ yeḛ wɔji mée’g Gə mba ra gə ɓee lə Kaldeje ləm tɔ. Tɔgərɔ d’a ndɔr dee to gə́ ŋgan badje Gə́ siŋga dee godo bèe ləm, Tɔgərɔ d’a tuji loo-si dee Pugudu-pugudu ləm tɔ.

Jeremi 50:46

Kaa taa gə́ deḛ taa Babilɔn lé Ɓar ar naŋg yə, Ndu kii ɓar birim-birim Mbuna ginkoji dəwje gə raŋg’g.

Jeremi 51:26

Dəw a kiŋga mbalje gə́ ka̰ dɔkum kəi Esé mbalje gə́ ka̰ tum gin kəi rɔi’g el, Mbata i a tuji pugudu saar gə no̰. Njesigənea̰ ɓa pa bèe.

Jeremi 51:28

Maji kar sí waje dɔ gɔl ginkoji dəwje gə raŋg ləm, Gə mbaije gə́ Médi ləm, Gə njéguburuɓeeje ləa ləm, Gə ŋgan-mbaije ləa lai ləma, Gə ɓeeje lai gə́ deḛ to dəw dɔ deeje ləm tɔ, Gə mba kar dee d’aw rɔ səa.

Jeremi 51:37

Babilɔn a to kugu néje gə́ tuji ləm, Gə loo-to tàlje ləm tɔ. Yee a to nékwa dɔ jiim ləm, Gə nékula sul dɔ’g ləm tɔ, Dəw kára kara a si keneŋ el ŋga.

Jeremi 51:43

Ɓee-booje ləa tuji pugudu-pugudu ləm, Naŋg tudu kurum-kurum to dɔdilaloo ləm tɔ. To ɓee gə́ dəw kára kara si keneŋ el ləm, Dəw kára kara dəs keneŋ el ləm tɔ.

Jeremi 8:16

Ndu ndil lə kundaje ləa ɓar Kel loo gə́ Dan ləm, Loo gə́ d’oo ndu ndil lə dee ndá Dɔ naŋg nee lai yə ɓugu-ɓugu ləm tɔ. Deḛ ree ndá tuji naŋg Gə néje lai gə́ keneŋ ləm,

Joɛl 2:10

Naŋg yə ɓugu-ɓugu no̰ dee’g ləm, Dara kara yə ləm, Kàr gə naḭ tel ndul njudu-njudu ləma, Kéréméje kara rɔndɔḭ lə dee godo ləm tɔ.

Amɔs 8:8

See gelee gə́ nee ɓa, dɔ naŋg neelé a yə ne el wa. See njéɓeeje d’a si ne dan kəmndooyoo’g el wa. Naŋg neelé bura a kḭ asəna gə baa bèe ləm, Yee a kḭ ləm, a rəm ləm tɔ Asəna gə baa gə́ Ejiptə bèe.

Loo gə́ killa rea kəm Ja̰’g 18:2

Yeḛ pata gə ndia gə́ boi wəl pana: Babilɔn, ɓee-boo lé tuji oso dəa’g aree tuji pugudu ya. Yee nja tel to loo-si ndilje gə́ majel ləm, gə ndilje gə́ mina̰ jɔmri-jɔmri gə́ rara kara ləma, yelje gə́ rara gə́ to ramielje gə́ to kḛji kara deḛ ra ɓee keneŋ ləm tɔ.