Jeremi 51:22 - Maktub gə́ To gə Kəmee

²² I ɓa m’uni m’tuji ne diŋgam gə dené ləm, I ɓa m’uni m’tuji ne ɓuga gə ŋgon ləm, I ɓa m’uni m’tuji ne basa gə ŋgoma̰də ləm tɔ.

Jeremi 51:22 Iomraidhean Croise

2 Sôrta Gḭka Israɛlje 36:17

Togə́bè ɓa Njesigənea̰ ar mbaije lə Kaldeje d’ḭ rɔ sə dee ndá yeḛ tɔl basaje gə kiambas mee loo’g lə deḛ gə́ to gə kəmee’g. Yeḛ ya̰ basa əsé ŋgoma̰də əsé ɓuga əsé dəw gə́ dəa pudu lé kəmba el nɛ yeḛ ya̰ deḛ lai jia’g ya.

Esai 13:15

Deḛ lai gə́ d’a kiŋga dee lé D’a tɔs dee tɔl dee ləm, Deḛ lai gə́ d’a kwa dee lé D’a gaŋg dee gə kiambas ləm tɔ.

Esai 13:16

D’a kunda ŋgan deeje kəm dee’g ya vaga-vaga tɔl dee ləm, D’a buu mee kəije lə dee buu-buu ləma, D’a kur dɔ denéje’g lə dee ləm tɔ.

Esai 13:18

D’a tɔl basaje gə ɓandaŋgje lə dee ləm, D’a koo kəmtondoo lə ŋganje el ləma, D’a kun kəm dee dɔ ŋganje’g kya̰ dee el ləm tɔ.

Esai 20:4

Togə́bè ɓa mbai gə́ Asiri a kwa basaje gə ɓugaje gə́ Ejiptə kaw sə dee ɓee-ɓər’g, kubu a godo rɔ dee’g ləm, gɔl dee a to kari ba ləma, d’a kaw kudu dee dum ləm tɔ gə mba kila ne rɔkul dɔ Ejiptə’g ya.

Jeremi 44:7

Ɓasinè Njesigənea̰ Ala gə́ njeboo-néje gə́ to Ala lə Israɛlje lé pa togə́bè pana: See gelee ban ɓa seḭ nja raje némajel gə́ boo gə rɔ sí gə mba kar diŋgamje gə denéje gə ŋganje gə ŋganje gə́ ta mbà’g d’udu ne bo̰ dan koso-dəwje gə́ Juda kar ges sí kára kara nai el bèe wa.

Jeremi 50:37

Ɔrje kiambas wɔji ne Kundaje lə dee gə pusu-rɔje lə dee! Wɔjije ne dəwje gə́ gə gel dee gel dee Gə́ d’isi mbuna dee’g! Maji kar dee tel to d’asəna gə denéje! Ɔrje kiambas wɔjije ne nébaoje lə dee! Maji kar dee d’odo dee mbad-mbad Gə́ nébanrɔ ya!

Jeremi 51:23

I ɓa m’uni m’tuji ne njekulbadje gə koso-nékulje ləa ləm, I ɓa m’uni m’tuji ne njendɔ gə bɔ maŋgje ləa ləma, I ɓa m’uni m’tuji ne njéguburuɓeeje gə mbaije ləm tɔ.

Jeremi 6:11

Oŋg-boo lə Njesigənea̰ Rusu məəm njḭ-njḭ. M’askəm kwa ŋgaŋgee el, Maji kari ɓugu oŋg neelé dɔ ŋganje’d Gə́ d’aw mba̰-rəw’g ləm, Gə dɔ basaje gə́ mbo̰ dɔ na̰ ləm tɔ. Mbata oŋg neelé a kwa diŋgamje Gə denéje ləm, Dɔ ɓugaje gə dɔ dee Gə́ ləb dee bula ləm tɔ.

Nɔ̰-ndôo gə́ wɔji dɔ Jerusalem 2:11

Man-no̰ tɔ kəm wə-wə ləm, Ŋgan siḭm mbirim mba̰-mba̰ ləma, Siŋgam teḛ rɔm’g wɔndə ləm tɔ. Mbata tuji gə́ oso dɔ dəwje’g ləm ləm, Gə mbata ŋganje gə ŋganje gə́ ta mbà’d Gə́ d’aw d’ila mbir-mbir mee ɓee’g lé ləm tɔ.

Nɔ̰-ndôo gə́ wɔji dɔ Jerusalem 2:21

Ŋganje gə ɓugaje lai ya rogo naŋg dan rəw’g, Ŋganəmje gə́ ma̰də gə basa lé d’wəi yoo-kiambas tɔ, Ndɔ oŋg’g ləi lé i tɔl dee ləm, I goré gwɔs dee lal koo ne kəmtondoo lə dee ləm tɔ.

Ejekel 9:6

Tɔlje ɓugaje, gə basaje, gə ŋgama̰dje, gə ŋganje, gə denéje ar deeje d’udu guduru. Nɛ maji kar sí tibije mbɔr nana kara gə́ d’ɔs né ŋgonea̰’g el, unje kudee loo’g lə neḛ gə́ to gə kəmee lé. Deḛ d’un kudee dɔ ŋgatɔgje gə́ d’isi takəi’g lé.

Tel tura Godndu 32:25

Loo gə́ raga lé d’a kwəi Yoo-kiambas ləm, Loo gə́ kəi kara d’a kwəi Yoo-ɓəl ləm tɔ: A to togə́bè mbata lə basaje Gə ŋgama̰dje ləm, Mbata ŋganje gə́ ta mbà’g Gə ɓugaje ləm tɔ.

1 Samel 15:3

Ɓasinè, ɔd aw tɔl Amalekje tɔɓəi tuji néje lai gə́ to ka̰ dee lé pugudu-pugudu. I a kya̰ dee kəmba el nɛ i a tɔl diŋgamje gə denéje ləm, gə ŋganje gə́ tɔg gə deḛ gə́ ta mbà’g ləma, gə maŋgje, gə badje, gə jambalje, gə mulayḛ̀je-je ləm tɔ.