Jeremi 51:20 - Maktub gə́ To gə Kəmee

²⁰ Kédé i to mo̰ ləm ləm, Gə nérɔ ləm ləm tɔ. I ɓa ma m’uni m’tuji ne ginkoji dəwje gə raŋg ləm, I ɓa ma m’uni m’tuji ne ɓeeko̰je ləm tɔ.

Jeremi 51:20 Iomraidhean Croise

Esai 10:15

Tina lé see a ti rəa Dɔ njekunee ra ne kula’g wa. Esé see kuba a kəsta Dɔ njekunee tɔl ne né wa. A to kasəna gə ndəi Gə́ ar njekunee ra ne né ləm, A to kasəna gə kag-tɔs Gə́ ar njetɔsee gə́ to gə́ kag el lé Ra ne né ləm tɔ.

Esai 10:5

Njesigənea̰ pana: Meeko̰ a koso dɔ Asirije’d Gə́ to ndəi gə́ wɔji dɔ oŋg ləm Ndəi gə́ to ji dee’g lé ɓa To nékula gə́ wɔji dɔ boo-oŋg ləm tɔ.

Esai 13:5

Deḛ d’ḭ mee ɓee gə́ əw’g Gə́ gwɔi naŋg lé, Njesigənea̰ gə nékulaje gə́ wɔji dɔ oŋg ləa lé D’a gə tuji dɔ naŋg nee lai.

Esai 37:26

See néje gə́ teḛ lé I oo to gə́ neḛ ɓa n’wa dɔ gɔl dee ləw ba ləm, N’wɔji mee neḛ’g njaŋg kédé gə́ ləw lé ləm tɔ el wa. Ɓasinè n’ar dee d’aw lée’g béréré, Yee gə́ bèe ɓa n’ya̰ loo n’ari Ar ɓee-booje gə́ siŋga dee to lé Tel to d’asəna gə néje gə́ d’wa dee kugu dɔ na̰’d bèe.

Esai 45:1

Njesigənea̰ pata togə́bè ar Sirus gə́ yeḛ wa dəa gə ubu lé Yeḛ gə́ yeḛ wá jikɔlee’g Gə mba kunda ne ginkoji dəwje gə raŋg naŋg nea̰’g ləm, Gə mba tudu ne mina-mbai reŋ mbaije’g ləma, Gə mba kɔr tarəwkɔgje karee Kar dəw kára kara a kudu tarəwje lé el ləm tɔ pana:

Esai 8:9

Seḭ koso-dəwje, arje lul rɔ lə sí ɓar Ndá d’a təd sí rém-rém, Seḭ gə́ síje əw lé urje mbi sí! Waje dɔ gɔl rɔ sí gə mba rɔ Ndá d’a təd sí rém-rém tɔ.

Jeremi 25:11

Ɓee nee lai a tuji ləm, a tel to dɔ nduba ləm tɔ ndá ginkoji dəwje gə raŋg neelé d’a ra kula ɓər kar mbai gə́ Babilɔn as ləb dee rɔ-siri.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 50:23

Deḛ guree rug-rug ləm, D’iree njigi-njigi ləm tɔ! Babilɔn lé tuji pugudu Mbuna ginkoji dəwje gə raŋg’g!

Ejekel 21:11

I ŋgon-dəw lé gə́ tuma̰ ŋgururu-ŋgururu ya, ar ɓəri tɔ kɔrəm ləm, tuma̰ ŋgururu-ŋgururu kəm dee’g gə meekad mbag-mbag ləm tɔ.

Ejekel 21:31

Mbaidɔmbaije gə́ Njesigənea̰ pa togə́bè pana: D’a kɔr jɔg ləm, d’a kɔr dɔgugu ləm tɔ! Néje d’a tel to ɓəd. Yeḛ gə́ d’aree ula dəa lé d’a karee unda dəa tar ləm, yeḛ gə́ d’aree unda dəa tar lé d’a karee ula dəa ləm tɔ.

Misee 4:12

Nɛ deḛ gər takə̰ji lə Njesigənea̰ el ləm, Deḛ gər néje gə́ yeḛ wɔji mée’g el ləma, Deḛ gər to gə́ yeḛ ɓa mbo̰ dee dɔ na̰’d Asəna gə kó gə́ to loo-kundá’g bèe el ləm tɔ.

Misee 4:13

Seḭje gə́ Jerusalem lé, ḭje ta tuba deeje naŋg! N’a ra gaji sí gə larndul ləm, Gə ŋgo gɔl sí gə larkas ləm tɔ. Ndá seḭ a rədje dɔ ginkoji dəwje gə raŋg naŋg. Seḭ a kundaje némajije lə dee gə kəmee Kar Njesigənea̰ ləm, Gə nébaoje lə dee gə́ nébanrɔ Kar Mbai dɔ naŋg bura ya ləm tɔ.

Nahum 2:1

Aa ooje, njekaḭkula gə́ ila mber meelɔm lé ɓa Kaa gɔlee ɓar dɔ mbal’g kən! Seḭ gə́ Juda lé maji kar sí raje naḭje lə sí ləm, Tɔlje ne ta ndukunje lə sí bém ləm tɔ! Mbata njemeeyèr a dəs mbuna sí’g el ŋga. Yeḛ udu guduru ya.

Jakari 10:4

Mbal kunda dɔkum kəi a kḭ rəa’g ləm, Ŋgawlar ɓər né kara a kḭ rəa’g ləma, Ɓandaŋ rɔ kara a kḭ rəa’g ləm tɔ. Mbaije lai kara d’a kḭ rəa’g na̰’d tɔ.

Matiyo 22:7

Mbai lé oo ndá mée ḭ səa pu aree ɔr njérɔje ləa ar dee d’aw mba kar njétɔl dəwje neelé d’udu ləm, gə roo ɓee lə dee dula-dula ləm tɔ.