Jeremi 51:19 - Maktub gə́ To gə Kəmee

¹⁹ Ala gə́ to ka̰ Jakob lé To to gə́ deḛ bèe el, Mbata yeḛ nja to njera néje lai ləm, Israɛlje to ginkoji gə́ to nédɔji ləa ləm tɔ. Njesigənea̰ gə́ njeboo-néje ɓa gə́ ria.

Jeremi 51:19 Iomraidhean Croise

Pakɔsje 115:3

Ala lə sí lé si dara ya, Yeḛ nja ra néje lai to gə́ mée ndigi.

Pakɔsje 135:4

Mbata Njesigənea̰ lé nja ɓa mbər Jakob ləm, Ar Israɛl to gə́ kea̰ nja doŋgɔ doi ləm tɔ.

Pakɔsje 16:5

Njesigənea̰ ɓa to nénduba ləm, gə ŋgo-kai-mán ləm ləm tɔ, I nja ar né gə́ wɔji dɔm to njaŋg,

Pakɔsje 33:12

Ginkoji dəwje gə́ Njesigənea̰ to Ala lə dee lé D’isi dan rɔlel’g ya, Koso-dəwje gə́ yeḛ ɔr dee unda dee gə kəmee gə́ nédɔji ləa lé Rɔ dee lel dee tɔ.

Pakɔsje 73:26

Dakasrɔm gə ɓəŋgərəm lé d’askəm tuji pugudu ya, Nɛ Ala a to biri mbal gə́ m’gəd rɔm dɔ’g ləm, Gə nédɔji ləm-ma ya saar-saar gə no̰ ləm tɔ.

Pakɔsje 74:2

Koso-dəwje ləi gə́ i taa dee kédé ləw ba lé Maji kari ar məəi olé teḛ dɔ dee’g ya, Deḛ gə́ i nja uga dɔ dee asəna gə ginkoji gə́ to gə́ nédɔji ləi bèe, Mbal gə́ Sio̰ gə́ i ra loo-sii keneŋ lé kara Ar məəi olé teḛ dɔ’g ya ləm tɔ.

Esai 47:4

Njekoga dɔ síjeḛ lé To yeḛ gə́ ria lə Njesigənea̰ gə́ njeboo-néje, Yeḛ to Njerɔkunda lə Israɛlje.

Esai 51:13

Seḭ arje meḛ sí wəi dɔ Njesigənea̰ gə́ njekunda sí’g lé Yeḛ gə́ naji dara gə tum gel naŋg nee. Seḭ undaje bala gə ndɔje kára-kára lai No̰ oŋg’d lə njekula kəm loo ndòo, Mbata yeḛ saŋg loo gə mba tuji sí pugudu! See oŋg lə njekula kəm loo ndòo lé ɓa to ra wa.

Jeremi 10:12

Njesigənea̰ unda naŋg Gə goo siŋgamoŋ ləa ləm, Yeḛ tum gin naŋg nee Gə goo kəmkàr ləa ləma, Yeḛ naji dara gə goo gosonégər ləa ləm tɔ.

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Jeremi 33:2

Njesigənea̰ gə́ ra néje neelé ləm, Njesigənea̰ gə́ wɔji néje nee aree aw lée’g béréré ləma, yeḛ gə́ ria lə Njesigənea̰ ləm tɔ lé pa togə́bè pana:

Jeremi 50:11

Oiyo, maji kar sí síje Dan rɔlel’g gə dan kalrɔ’g Seḭ gə́ undaje nédɔji ləm banrɔ. Oiyo, maji kar sí tilaje riŋga To gə́ ma̰də maŋgje Gə́ d’aar loo-ko̰-mu’g ləm, Maji kar sí no̰je to gə́ kundaje Gə́ gə siŋga dee bèe ləm tɔ.

Jeremi 50:34

Nɛ njekoga dɔ dee gə́ ria lə Njesigənea̰ gə́ njeboo-néje lé To njesiŋgamoŋ, Yeḛ a kaḭ rɔ mbata lə dee Gə mba kar ɓee to ne lɔm ləm, Gə mba kɔm ne ɓəl Dɔ deḛ gə́ d’isi Babilɔn ləm tɔ.

Jeremi 51:5

Mbata Ala gə́ to Njesigənea̰ gə́ njeboo-néje lé Uba Israɛlje gə Judaje ya̰ dee el Néra gə́ kərm-kərm Taa mee ɓee gə́ Kalde pəl-pəl Ar dee d’ɔs ne Njerɔkunda lə Israɛlje rəw.

Nɔ̰-ndôo gə́ wɔji dɔ Jerusalem 3:24

Ma m’pa məəm’g m’pana: Njesigənea̰ to nébao ləm, Gelee gə́ nee ɓa M’ar məəm to ne yel gə́ dəa’g tɔ.

Tel tura Godndu 32:9

Mbata né lə Njesigənea̰ lé To koso-dəwje ləa, Jakob lé ɓa to nénduba ləa tɔ.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.