Jeremi 51:18 - Maktub gə́ To gə Kəmee

¹⁸ Deḛ to néje gə́ mḭdé ba ləm, To nésukəmloo ləm tɔ. Loo gə́ bo̰ néra dee a kɔs ta dee’g ndá D’a tuji pugudu-pugudu.

Jeremi 51:18 Iomraidhean Croise

Teḛ-Raga 12:12

Mee til’g neelé n’a njaa mee ɓee gə́ Ejiptə ndá n’a kila tuji dɔ ŋgandərje lai gə́ mee ɓee gə́ Ejiptə’g, un kudee dɔ ŋgandər dəwje’g saar teḛ ne dɔ ŋgandər daje’g ləm, n’a gaŋgta dɔ magəje’g lai gə́ to Ejiptə lé ləm tɔ. Neḛ n’to Njesigənea̰.

Esai 19:1

Ndərta gə́ pa wɔji dɔ ɓee gə́ Ejiptə. Aa ooje, pélé lə ndi gə́ aiŋgwɔd kalaŋ lé Yee ɓa Njesigənea̰ uba aw ne Ejiptə, Bèe ɓa magəje gə́ Ejiptə d’unda bala tigi-tigi nea̰’g ləm, Mee Ejiptəje kara təd ne mán ləm tɔ.

Esai 2:18

Magə-poleje lai d’a godo.

Esai 46:1

Magə-Bel gə magə-Nebo toso, D’odo néndajije gə́ wɔji dɔ dee d’ɔm dɔ da-kulje’g Ar dee tel to nékodo gə́ wɔi Dɔ da-kulje’g neelé ar dee dao ne!

Esai 57:12

M’a gə kila mber néra sí gə́ gə dɔ najee Ndá kula ra síje lé A kiŋgaje ne né kára kara keneŋ el.

Jeremi 10:11

Seḭ a kula deeje togə́bè pajena: Magəje gə́ ra dara əsé naŋg nee el lé D’a sané pá dɔ naŋg nee ləm, Gə gin dara’g ləm tɔ.

Jeremi 10:14

Dəw gə́ rara kara Négər ləa aree tel mbə ləm, Njelḛ̀ né gə́ rara kara rəa kul Mbata lə né gə́ yeḛ ndaji ləm tɔ, Mbata magəje ləa to néŋgɔmje ləm, Kəmə godo meḛ dee’g ləm tɔ.

Jeremi 10:15

Deḛ to néje gə́ mḭdé ba ləm, To nésukəmloo ləm tɔ. Loo gə́ bo̰ néra dee a kɔs ta dee’g ndá D’a tuji pugudu-pugudu.

Jeremi 10:8

Deḛ lai to gə́ mbəje gə njégərnéelje, Gosɔnégər lə dee to gə́ né gə́ kari ba: To gə́ kag!

Jeremi 18:15

Nɛ koso-dəwje lə neḛ lé d’ar meḛ dee wəi dɔ neḛ’g ləm, Deḛ tuu né gə́ ə̰də sululu d’ar magəje ba, Deḛ d’unda ndolè dɔ rəw-kaw deeje’g ləm, Deḛ d’uba ne kila-rəwje gə́ ləw lé d’ya̰ Gə mba kun kila-rəwje Gə ŋgan rəwje gə́ lal kwɔi.

Jeremi 46:25

Njesigənea̰ gə́ njeboo-néje gə́ to Ala lə Israɛlje lé pana: Aa ooje, m’a ra né gə́ kədərə gə Amo̰, magə gə́ No ləm, gə Parao̰, gə Ejiptə, gə magəje ləa, gə mbaije ləa ləma, gə Parao̰ gə deḛ lai gə́ d’ɔm meḛ dee dəa’g lé ləm tɔ.

Jeremi 48:7

Mbata i ɔm məəi dɔ kula raije’g ləm, Gə dɔ nébaoje’g ləi ləm tɔ lé Ndá i kara d’a dum dɔi tɔ. Ala ləi gə́ ria lə Kemos lé A kaw ɓee-ɓər’g Gə njékinjanéməsje gə mbaije ləa na̰’d.

Jeremi 50:2

Maji kar sí ilaje mberee Arje ginkoji dəwje gə raŋg ləm, Areeje oso mbi dee’g ləma, Undaje nétɔji tar ləm tɔ. Ilaje mberee ɓó iyaje dɔ né kára el! Pajena: Deḛ taa Babilɔn mba̰ ya! Magə-Bel nai gə rɔkul ləm, Magə-Merodak lé tədee njigi-njigi ləm tɔ! Magəje ləa nai gə rɔkul ləm, Magəje ləa təd njigi-njigi ləm tɔ.

Ejekel 6:6

Loo gə́ rara gə́ seḭ síje keneŋ lé d’a tuji ɓee-booje lə sí ləm, looje lə sí gə́ ndəw lé d’a tuji pugudu-pugudu ləm tɔ. Loo-nékinjanéməsje lə sí lé d’a kuba dee kya̰ dee ləm, d’a təd magəje lə sí njigi-njigi kar dee godo ləm, néndajije lə sí gə́ wɔji dɔ kàr kara d’a tɔ dee pɔs-pɔs ləma, néje gə́ seḭ raje lé d’a tuji dee ləm tɔ.

Junas 2:8

Loo gə́ ndiləm teḛ pərəŋ ndá M’ar məəm olé dɔi-i Njesigənea̰’g, Tamaji ləm kara aw njal teḛ rɔi’g Mee kəi’g ləi gə́ to gə kəmee doi lé tɔ.

Soponi 2:11

Njesigənea̰ a to ɓəl kədm-kədm kəm dee’g Mbata yeḛ a tuji magəje lai gə́ dɔ naŋg nee pugudu-pugudu ya, Yee ɓa nana kara a kunda barmba nea̰’g mee ɓee’g ləa ləm, Gə dɔgoré-looje’g lə ginkoji dəwje gə raŋg ləm tɔ.

Néra Njékaḭkulaje 14:15

Deḛ pata tɔg pir pana: Seḭ dəwje lé see ban ɓa seḭ raje ne né bèe wa. Jeḛ lé jeḛ n’to gə́ dəwje to gə́ seḭ nja tɔ. Jeḛ j’ula sí tagə́maji gə mba kar sí ya̰je ne goo magəje gə́ gə mḭdé ba nee mba telje rɔ sí goo Ala gə́ njesikəmba’g lé. Yeḛ nja ɓa gə́ njekunda dara gə naŋg nee gə baa-boo-kad gə néje lai gə́ to keneŋ.