Jeremi 50:7 - Maktub gə́ To gə Kəmee

⁷ Deḛ lai gə́ d’iŋga dee Ndá d’usɔ dee rɔg-rɔg Ndá njéba̰je lə dee pana: Taree wa dɔ neḛje el. Mbata deḛ ya ra kaiya D’ɔs ne ta lə Njesigənea̰ Gə́ to loo-gaŋg-rəwta Gə́ gə dɔ najee lé rəw ləm, D’ɔs Njesigənea̰ gə́ to nékunda-mee-yel lə bɔ deeje-je lé rəw ləm tɔ.

Jeremi 50:7 Iomraidhean Croise

Pakɔsje 71:5

Mbata Mbaidɔmbaije gə́ Njesigənea̰, i lé to nékunda-meem-yel dɔ’g ya! Loo gə́ m’nai ne basa ya saar ɓasinè lé M’ɔm məəm dɔi’g ya.

Pakɔsje 79:7

Mbata deḛ gaŋg ŋgaka Jakob lé mbidi-mbidi D’ar loo-siée kara wa ŋgɔ njag-njag.

Pakɔsje 90:1

Tamaji lə Moyis, dəw lə Ala. Mbaidɔmbaije, i nja to njo̰loo-kula-dɔ lə sí kédé gə́ ləw saar ɓasinè.

Pakɔsje 91:1

Yeḛ gə́ loo-siée to ndil Njekurdɔloo’g lé Ndil Bao-siŋgamoŋ ɓa yeḛ wa rəa keneŋ.

Esai 47:6

Ma m’ar məəm ḭ səm pu dɔ koso-dəwje’g ləm, M’ila ndɔl dɔ nédɔji’g ləm Ndá ma m’uba dee m’ya̰ dee meḛ jii’g, Nɛ seḭ arje meḛ sí aw taḭ-taḭ dɔ dee’g el ləm, Seḭ arje néməməna̰ lə sí wɔi gwɔb ɓuga’g ləm tɔ.

Esai 56:9

Seḭ daje lai gə́ mee wala’g, Gə daje lai gə́ mee kag-kɔr’g, Gə́ reeje sɔje!

Esai 9:12

Nɛ Koso-dəwje neelé Tel ree rɔ yeḛ gə́ unda dee’g lé el ləm, Deḛ tel ndolè goo Njesigənea̰ Gə́ to Ala gə́ njeboo-néje lé el ləm tɔ.

Jeremi 10:25

Ar oŋg-boo ləi ɔm dɔ njépole-magəje’d Gə́ gəri el lé ləm, Gə dɔ koso-dəwje’d Gə́ ɓar rii el lé ləm tɔ, Mbata deḛ gaŋg njé’g lə Jakob mbidi-mbidi, Deḛ gaŋg dee, d’ar dee d’udu ləm, Deḛ tuji loo-si dee pugudu ləm tɔ.

Jeremi 14:8

I ɓa Israɛlje d’unda meḛ dee yel dɔi’g ləm, I ɓa gə́ njekaji dee ndɔ néurti’g ləm tɔ, See mbata ɗi ɓa i tel rɔi Asəna gə dəw-dɔ-ɓee mee ɓee’g nee Esé tel rɔi gə́ mbá Gə́ andə mee ɓee’g Gə mba to keneŋ til’g bèe wa.

Jeremi 17:13

Ǝi Njesigənea̰ i lé to nékunda-mee-yel dɔ’g lə Israɛlje! Deḛ lai gə́ d’ubai d’ya̰’i lé D’a nai gə rɔkul. Deḛ gə́ d’unda rɔ dee ŋgərəŋ rɔi’g lé D’a ndaŋg ri dee babur’g, Mbata deḛ d’uba Njesigənea̰ Gə́ to kəm-rəw-mán gə́ aḭ kuji-kuji lé d’ya̰.

Jeremi 2:3

Israɛlje lé to gə kəmee Mbata lə Njesigənea̰ ləm, Deḛ to kandə néje ləa gə́ doŋgɔr ləm tɔ. Deḛ lai gə́ d’usɔ kandə néje neelé D’ar taree wa dɔ dee ləm, Nékəmndoo oso ne dɔ dee’g ləm tɔ, Njesigənea̰ ɓa pa bèe.

Jeremi 31:23

Njesigənea̰ gə́ njeboo-néje gə́ to Ala lə Israɛlje pa togə́bè pana: Ta gə́ d’a gə pa mee ɓee gə́ Juda gə mee ɓee-booje’g ləa ɓəi, loo gə́ m’a kar njé’g lə dee gə́ d’aw ɓee-ɓər’g lé tel ree ɓée lé ɓa nee: Maji kar Njesigənea̰ tɔr ndia dɔi’g I gə́ loo-sii to loo-gaŋg-rəwta Gə goo rəbee ləm, I gə́ to dɔ mbal gə́ to gə kəmee ləm tɔ!

Jeremi 33:15

Mee ndɔje’g neelé gə mee kàree’g neelé m’a kar barkəm Dabid gə́ to njemeekarabasur lé nduba rəa. Yeḛ a gaŋg rəwta gə dɔ najee ləm, a ra né gə goo rəbee ləm tɔ mee ɓee’g.

Jeremi 33:16

Mee ndəaje’g neelé ɓeeko̰ lə Juda a kaji ləm, njé gə́ Jerusalem d’a si gə meekulɔm loo-si dee’g ləm tɔ. Aa ooje, d’a ɓaree Njesigənea̰ gə́ to njegin meekarabasur lə sí ya.

Jeremi 5:17

D’a rɔm koje lə sí lai gə muru lə sí ləm, D’a tɔl ŋgan síje gə́ diŋgam gə njé gə́ dené ləm, D’a sɔ badje gə maŋgje lə sí ləm, D’a sɔ nduúje gə kodéje lə sí ləma, D’a tuji ɓee-booje lə sí gə́ siŋga dee to Gə́ seḭ ɔmje meḛ sí dɔ’g lé Gə kiambas ləm tɔ.

Jeremi 50:14

Tɔsje rɔ sí guguje dɔ Babilɔn sub rɔje səa, Seḭ lai gə́ toje njérɔ ɓandaŋgje lé! Maji kar sí rɔje ɓandaŋgje lə sí gə́ keneŋ, Ya̰je kag ɓandaŋgje ji sí’g el! Mbata yeḛ ra kaiya ɔs ne ta lə Njesigənea̰ rəw.

Jeremi 50:17

Israɛl lé to ŋgon badə gə́ ndəm Gə́ toboḭje tuba gée, Mbai gə́ Asiri ɓa gə́ njesɔ dakasee kédé, yeḛ gə́ rudu lé to Nebukadnesar, mbai gə́ Babilɔn ndá yeḛ təd siŋga rém-rém.

Jeremi 50:33

Njesigənea̰ gə́ njeboo-néje lé pa togə́bè pana: Israɛlje gə Judaje lé D’ula kəm dee ndòo na̰’d, Dəwje lai gə́ njékwa dee kaw sə dee Ɓee-ɓər’gje lé d’wa dee gaa-gaa Ɓó ndigi kɔm dee tar el.

Ejekel 34:5

Deḛ sanéna̰ mbata njekul dee godo, deḛ tel to nékwa lə daje lai mee wala’g ləm, deḛ sanéna̰ kad-kad ləm tɔ.

Ejekel 35:12

Seḭ a gərje to gə́ neḛ Njesigənea̰ lé n’oo ta ndɔlje lə sí gə́ seḭ paje ilaje dɔ deḛ gə́ d’isi dɔ mbalje gə́ Israɛl, loo gə́ seḭ paje ne pana: Deḛ tuji pugudu-pugudu mba̰, d’ɔm dee ji sí’g asəna gə nékwa bèe.

Loo gə́ killa rea kəm Daniel’g 9:16

Ǝi Mbaidɔmbaije, gə goo boo-meekoso lemsé ləi lé maji kari un oŋg ləi gə meekḭ jugugu ləi dɔ ɓee-boo’g ləi gə́ Jerusalem gə dɔ mbalje’g ləi gə́ to gə kəmee lé gə́ raŋg. Mbata kaiya ra síje gə néra kori-korije lə bɔ síje-je lé yee ɓa ar Jerusalem gə koso-dəwje ləi tel to ne nérɔkul kəm dəwje lai gə́ gugu dɔ sí sub lé.

Loo gə́ killa rea kəm Daniel’g 9:6

Ta gə́ kuraje ləi gə́ to njéteggintaje pa gə rii d’ar mbaije lə sí ləm, gə ŋgan-mbaije lə sí ləm, gə bɔ síje-je ləma, gə koso-dəwje lai mee ɓee’g ləm tɔ lé jeḛ j’unje mbi sí dɔ’g rəw.

Jakari 1:15

Neḛ lé oŋg ḭ sə neḛ al dɔ neḛ sula Dɔ ginkoji dəwje gə raŋg’d gə́ to njébeeleje, Mbata kédé lé n’ar oŋg ḭ sə neḛ lam ba ya, Nɛ dee lé d’ar némeekonje lə dee ḭ dɔ maree’d gə́ kédé-kédé.

Jakari 11:5

Deḛ gə́ ndogo dee lé tḭja gwɔs dee lal né gə́ bèe. Yeḛ gə́ rab dee lé pana: Maji kar dɔ ri Njesigənea̰ ai səgərə mbata ma m’tel ne bao. Nɛ njékulbadje d’oo kəmtondoo lə dee el.

1 Timote 1:1

Ma Pool, njekaḭkula lə Jeju Kristi gə goo torndu Ala Mbaikaji lə sí ləm, gə torndu Jeju Kristi, yeḛ gə́ j’unda meḛ sí yel gə́ dəa’g ləm tɔ lé